Te Israel me Juda Hani Sigo Tuni Bidigo Po Elalubo Buku Deli 1:1 - Godigo dwagi yai po buku

¹ Megi da, king Devit te monu dabe mu pedelalio, tama sesemane sogo aga tigi te kedau yali. Tama augwaligo te ugwa blanket dabe selama, aga banulani, tiali goli te blanket dabego aga tigi dwasianu posolo me ilibeo. Menio.

Te Israel me Juda Hani Sigo Tuni Bidigo Po Elalubo Buku Deli 1:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 90:10

Da bidibo kibu be te 70 usu naga bidaibao. Tama dago bomo elalubaso, da te kibu be 80 usu naga bidaibao. Tiali goli, te tigidali kibu bede da te sę dene naga eyu, tama sęgę naga gegaibao. Te tigidali kibu be polo silama, tama da me pela silaibao.

Tuni Bidi Dabego Po Elalubo Buku Deli 23:1

Te Devit te monu dabe mu ebaso, agai aga ogwa Solomon sa munama tama Solomon te Israel dabego king pedelai dao.

2 Samuel 5:4

Devitgo kibu be te bidi sese deli olama, nogo si, te 30 kibu be elalubadi, tama aga te king pedelali. Tama aga te king sęde bidibadi, te kibu be bidi sese si, te 40 kibu be bidai dao.

Tigidali Nai Gagalama Nigali Side 24:1

Te Abraham te monu dabe mu yalio. Tama Yawego agai tigidali yali sęde te wiegi yai tau sabo sę eyu, tama Abraham bugagia mu bidali.

Tigidali Nai Gagalama Nigali Side 18:11

Abraham de Sara augwali si te monu dabe, mosi dabe yai, tama Sarago te wai ame nabo usu egobeo.

Dwagi Yai Gesi Po Lukgo Asęani 1:7

Tiali goli augwali si wai menio. Te we Elisabet aga haliga dąų wai. Te Elisabet dali Sekaraia dali augwali si monu dabe mosi dabe eyu, wai ame nabo usu meni yai.

2 Samuel 24:25

Tama Devitgo te Genuai Bidigo alta me deli te pesagede nigilama, tama te siago tigidali dabo ofa me, te God dali deli homu pedalubo ofa me, yalio. Tama nosali, Genuai Bidigo te bidi dabego augwa bulu tǫ pedai te bugagia wiegi yai emainu, te gedu haluasa po wabo odali. Tama agai te Israelde elaluali te gasi silalio.

Te Israel me Juda Hani Sigo Tuni Bidigo Po Elalubo Buku Deli 1:2

Tama tiyu, aga ofisa bidi dabego agabolo te tiwai po wai, “King, dago homugo te nage dali bidiyu, te nage tonaluabo gesi wegi we me deli te gegabo homu ebao. Aga te nage dali pibaso, te nage tigi posolo ilimainu yaibao,” wai.

Te Israel me Juda Hani Sigo Tuni Bidigo Po Elalubo Buku Deli 1:15

Tialima Batseba pelama, te king aga pibo be habuba sugi pali. King te monu dabe mu yai digi, tama Abisak, te Sunem bulu wegigo, te aga tonalubo sę yai dao.

Kolesaga Koneai Bidigo Pusali Po Elalubo Buku 4:11

Te augwali si kedau ebaso da, teda augwa si deliba pageasa piao, tama augwa si kedau me egobeo. Tialima, te deli naga bidali da, te magi elama aga digi aga tigi posolo ilaibawe?

Josua 13:1

Megi da, Josua monu dabe mu yai. Tama Genuai Bidigo agabolo te po wai, “Nage monu dabe yalio. Tiali goli, te bulu hauwa te Israel dabego me sisąbadi elalubao.