Tuni Bidi Dabego Po Elalubo Buku Deli 9:33 - Godigo dwagi yai po buku

³³ Te tobolu bidi hani dabe mebade te Livai hani dabego te wiegi yai tęąbi musik wabo sę meba elaluali. Te bidi dabe augwali te Godigo be obo te dąį togwali be habu tomode piyu yali, magi baso meni, augwaligo sę te siade me hulide me te sę tama yai dao, tama augwaligo gasa sę me ebeo.

Tuni Bidi Dabego Po Elalubo Buku Deli 9:33 Referans Kwoze

Nehemia 11:17

Tobolu bidi Matania te Mikago ogwa, tama agai wąį te Sapdi. Aga te Asap hani da. Te Godigo bede lotu po wabo sogo, Matania te bidi dabego gedu haluasa po weyu, Godiba usu da wabo tonalubo polaluali bidi dao. Tama tobolu bidi Bakbukiago te Matania te sę ebo tau sali. Tobolu bidi Apda aga te Samuago ogwa, tama aga wąį nǫų Galal. Aga te Jedutungo hani dao.

Esra 7:24

Tama odao, dagego te pris bidi dabede me, te Livai bidi dabede me, te musik wabo bidi dabede me, te tempel be sunumide tonalubo bidi me, te sę ebo bidi dabe, te augwali te tama bidi dabede te dagego haniani takis mone me selamu dao, tama te Godigo bede te sę ebo gasa bidi dabede me te takis sigio,’ eno te po wali.”

Tuni Bidi Dabego Po Elalubo Buku Deli 9:34

Te kalabus igi pali bulu tagalama ma asali bidi dabe, augwali te Livai hanide polalubo tobolu bidi hani dabe da. Tama te genuai bidi dabe augwali te Jerusalemde bidalio.

Nehemia 12:46

Te musik wabo wąį nǫų dabego te wiegi yai pemene ebo balia weyu, te Godiba usu da olama, gedu haluasa po wali, te king Devit me Asap si bidali sogo tiali, te musik wali bidi dao.

Jeremaia 35:2

“Nage pelama, te Rekap hani bidi sugi pelama, te augwali dali po minama, te augwali ena Genuai Bidi, eno be habu me deliba odasa asao. Tama nago te wain augwaliba menama, te augwaligo tumainogo yao,” te po wali.