Tuni Bidi Dabego Po Elalubo Buku Deli 7:27 - Godigo dwagi yai po buku

²⁷ tama Elisama te Nungo aya, tama Nun te Josuago aya dao.

Tuni Bidi Dabego Po Elalubo Buku Deli 7:27 Referans Kwoze

Israel Hanigo Namba 13:16

Mosesgo te hani tobolu bidi dabe te Kenan bulu tǫ sese sa sugi pomainu tagala palali. Tama agai te Hosia te Nungo ogwago nogi hasegelali. Tama agai aga te Josua poali.

Israel Hanigo Namba 13:8

Hosia, te Nungo ogwa dao, te Efraim hani bidi dao.

Ma Dobola Sali 24:13

Tama tibaso, Moses aga sę bidi Josua dali, augwali si sisi elama, te Godigo bulu duba holainogo yai.

Hibru 4:8

Te polobadu te tobolu bidi Josuago te Israel we bidi augwali te Godigo mawaibao wali toma nabo pesage tomoba selasa pigi sogo da, teda Godigo nosali te gasa sogode me da po wagi menio.

Godigo Sęba Tagala Palai Bidigo Po 7:45

Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Bomai Po 31:23

Tama tialima, Genuai Bidigo Nungo ogwa Josuabolo te tama po walali, “Nage dili elama dolaluyu, tama nago magi naide wi me elamo dao. Nago te Israel dabe odasa, eno augwalibolo mawaibao wali te buluba pao. Tama ena da, ena digi nage dali tigidali sogo bidaibao,” wali.

Israel Hanigo Namba 27:18

Tama Genuai Bidigo Mosesbolo te po wali, “Josua te Nungo ogwa, aga dali te eno Mobo Bidi mu bidibao, tama aga eno sę ebo usu yaibao. Tama tialima, eno homugo nago aga oda sigi pelama asao. Tama aga te pris Eleasar, me te Israel we bidi si pageba odasa pelama, doligi pao. Tama augwaligo gedude nago nogo agai tobolude munama, tama te po wao, ‘Te Josuago ena hasegelaibao,’ po wao. Tama nago sę agabolo mao.

Israel Hanigo Namba 14:6

Tama te Josua, Nungo ogwa, de Kalep, te Jefunego ogwa, augwali si te Kenan bulu sa sugi pali bidi si, augwali si te wali pode homu sęgę elama, augwa si ugwa pisąyali.

Israel Hanigo Namba 11:28

Te Josua, Nungo ogwa, Moses dali bididuali. Te Josua aga te Moses tau sabo bidi, aga gesi bidide bida bida asudama, megiba tama usu nagasali. Tama Josuago te gesi bidigo wabo po odama, agai e tama po te Mosesbolo walali, “Genuai bidi, nage pelama, augwali sigo pedauwali panigi pao,” wali.

Ma Dobola Sali 32:17

Tama Josua te Sainai bulu dude a badu gana Moses asobo tonaluyu bidali. Tama Moses teba dulama, tama augwali si aba pidubadi, tama Josua agai te we bidi dabe augwaligo te i wabo po daga agai odai. Tama agai Mosesbolo e tiwai po wai, “Ae, Moses! Eno te we bidi bidibo madi te wąbi hwįyu kulukulu wabo odalio.”

Tuni Bidi Dabego Po Elalubo Buku Deli 7:26

tama Tahan te Ladango aya, te Ladan te Amihutgo aya, te Amihut te Elisamago aya da,