Tuni Bidi Dabego Po Elalubo Buku Deli 6:8 - Godigo dwagi yai po buku

⁸ tama Ahitup te Sadokgo aya, tama Sadok te Ahimasgo aya,

Tuni Bidi Dabego Po Elalubo Buku Deli 6:8 Referans Kwoze

2 Samuel 15:27

Tama Devitgo te po ma naga te Sadokba weyu, te tama po wai, “Nage te nosali pedalubo sę koneani bidi dawe, ma meniwe? Eno e tama po obao. Nago te naga ogwa, Ahimas, me Jonatan, te Abiatargo ogwa sobadi elama, tama dage te taunba te duga wiegi yai nagame yai homu pemene dali ma geasa piąo,” wali.

2 Samuel 8:17

Tama Sadok dali Ahimelek, augwali si te pris bidi bidali. Sadok te Ahitupgo ogwa. Tama Ahimelek te Abiatargo ogwa dao. Tama Seraia aga te kingo kuskus sę ebo bidi bidai.

Te Israel me Juda Hani Sigo Tuni Bidigo Po Elalubo Buku Deli 2:35

Tama kingo Benaia te ami bidi dabego polalubo ofisa bidi nigilali, te Joapgo pesage agai hasegelama sali. Benaia te Jehoiadago ogwa dao. Tama kingo te pris Abiatargo bidali pesage te pris Sadokgo hasegelama somainu nigilali.

Te Israel me Juda Hani Sigo Tuni Bidigo Po Elalubo Buku Deli 1:44

Devitgo te pris Sadok dali, te profet Natan me, Benaia me, te king tonalubo ami bidi dabe me tagala palama, tama augwali te Solomon dali pai. Tama augwali pali sogo, Solomon te king Devitgo donkide digi dugulasa pai.

Te Israel me Juda Hani Sigo Tuni Bidigo Po Elalubo Buku Deli 1:34

“Tama tede, te pris Sadok me profet Natan sigo te wel te Solomon toboluba gelao, te aga te Israel king pedalumainogo te tama tiao. Dagego te sę ela silibo si da, teda dagego te biugel bu weyu, tama te tiwai i waiąo, ‘Solomon da, te bobage sogo king bidaiba,’ po waiąo,” po wai.

Te Israel me Juda Hani Sigo Tuni Bidigo Po Elalubo Buku Deli 1:8

Tiali goli, pris Sadok me Benaia, te Jehoiadago ogwa, tama te profet Natan me, Simei me, Rei me, te king tonalubo ami bidi dabe me, augwaligo te Adoniya dali deli homu me ebeo.

2 Samuel 20:25

Tama Seva aga te kingo kuskus sę ebo bidi bidai. Tama Sadok me Abiatar te pris sę ebo bidi si bidai,

2 Samuel 18:22

Tiali goli, Ahimasgo Joapba po bomo elama, te tama po wai, “Te enaba magi sę pedalubaso, me te tagalao, eno homugo nago ena te Sudan bidi pali wali peyu, tama ena me te kingba paio,” wali. Tama Joapgo agaba te tama wai, “Gesi ogwa bidi, magi baso nage painogowe? Te nago mena wiegi yai nai me sogobeo.”

2 Samuel 18:19

Te Apsalom isai madi nosali, Ahimas, te Sadokgo ogwago, te Joapbolo te tama po wai, “Te nago ena te kingba udulama pomainu elama, tama te wiegi yai po agaba magi pomainu eyu, te Genuai Bidigo aga boi bidi dabego bomo te togwa sąwani po wagi pomainu yabo, te usu da po waibawe?” te po wali.

2 Samuel 17:20

Nosali, te Apsalomgo bidi mebago te augwali si soali wali aselama, pedalagasu, tama te weba te tama po hanalu wali, “Ahimas me Jonatan si menade bidibawe?” Tama wego te tama po wali, “Augwali si te wę nogelama, palio.” Tialima, te bidi dabego te Jonatan de Ahimas si gegegi pali, tiali goli augwaligo te augwali si me subeo. Tama tibaso, te Apsalomgo tagala palali bidi dabe augwa te Jerusalemba ma geasa palio.

2 Samuel 17:17

Jonatan de Ahimas si te Jerusalem obo bogo badu te wę Enrogelde tonalu, bididuali. Augwali si te pris sigo ogwa dao. Te augwali te hanu tomoba soabo te we bidi dabego augwali si suidali homu eyu te hagela yali, tama augwa si te bulu badu geme dualaluali. Tama te sę ebo we me deligo te hanu tomode ebo sę po te augwali siba wagi peyu yali, tama augwali pelama, te po te Devitba wagi peyu yai dao.

2 Samuel 17:15

Te po minama nosali, Husai pelama, te pris Sadok me Abiatar siba te po waligi peyu, te agai Apsalomba me, te Israel dabe tobolu bidi dabeba dali mani po te wagi pali. Tama agai augwali siba te Ahitofelgo yali homu kolesagade po me wai.

Tuni Bidi Dabego Po Elalubo Buku Deli 6:7

tama Meraiot te Amariago aya, tama Amaria te Ahitupgo aya da,

Tuni Bidi Dabego Po Elalubo Buku Deli 6:9

tama Ahimas te Asariago aya, tama Asaria te Johanango aya,

Tuni Bidi Dabego Po Elalubo Buku Deli 12:28

Tama me Sadok, te gesi ogwa bidi me deli te wiegi yai ami bidi, aga deli hani te 22 bidi dabe dali asalio. Te bidi dabe augwali te ami ofisa bidi dao.

Tuni Bidi Dabego Po Elalubo Buku Deli 24:3

Tama Devit te king bidali sogo, agai homugo te pris dabego sę bugagia emainu homu elama, tama agai te pris hani dabe deli deliba te sę sabo dąį ilali. Tama Sadok de Ahimelek sigo te agai te pris dabeba sę dobabo tau salio. Sadok te Eleasargo hani wai da, tama Ahimelek te Itamar hanigo wai dao.

Tuni Bidi Dabego Po Elalubo Buku Si 31:10

Tama tobolu pris Asaria, aga te Sadok hani bidi me deli dao, agai te kingo po wei ponoyu te po wali, “Genuai Bidigo aga we bidi dabe dali wiegi yai sę elama, tama augwaligo nai hauwa te Genuai Bidigo beba sesali dao. Dago te nai dabego dago nai hauwa mu tuai dao, tiali goli dago te nai dabe silabo usu menio. Tama tialima megi te nai pesage hauwa te me elalubao,” te po wali.