Tuni Bidi Dabego Po Elalubo Buku Deli 6:68 - Godigo dwagi yai po buku

⁶⁸ me Jokmeam, me Bethoron,

Tuni Bidi Dabego Po Elalubo Buku Deli 6:68 Referans Kwoze

Te Israel me Juda Hani Sigo Tuni Bidigo Po Elalubo Buku Deli 4:12

Bana, te Ahilutgo ogwa, agai te Tanak hanu me, Megido hanu me, tama te Betsande elalubo tigidali bulu tǫ te tonaluali. Te tǫ te Saretan hanu pąde elaluali, te saut pedai badu te Jesril hanu badu elaluali. Te bulu tǫ pedaigo dąį pali, te hanu Abel Mehola te giliga pedalubo badu usu nigi pelama, tama te hanu Jokmeam te giliga dega sigulubo madiba te dąį sabolalio.

1 Samuel 13:18

tama gasa hani meba te giliga dega sabo badu te Bethoron teba pali, tama gasa hani me te giliga pedalubo badu te tǫ wa pai bulu du pą badu pali, tama te bulu odogo yai badu te augwa nogi eyu, te uni yowi dabego odogo bulu da wai.

Josua 21:22

me Kipsaim, me Bethoron dali, te wiegi yai nosai bulmakaugo tuabo tǫ dali elaluali.

Josua 16:5

Te e da te Efraim hani sibigo tǫ dao. Te augwaligo te giliga pedalubo badu sabo, te Atarot Adar hanude gagalasa pali, tama palima, te Bethoron teba dąį igi pali.

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.

Tuni Bidi Dabego Po Elalubo Buku Deli 6:67

Sekem te elaluali taun dabede te taun me deli da, tama te Efraimgo bulu du badu elaluai. Te taun Sekem te Israel dabego dąį ilali te bidi elali wi pabo bidi te taunba geme duala sigibu yali taun me deli da. Te gasa taun dabe nogi e tiwai elalubao, Geser,

Tuni Bidi Dabego Po Elalubo Buku Deli 6:69

me Aijalon, me Gatrimon da. Te Israel dabego te taun dabe te Kohat haniba mani sogo, augwaligo te wiegi yai nosai elalubo tǫ dali te augwaliba mawai.