Tuni Bidi Dabego Po Elalubo Buku Deli 6:60 - Godigo dwagi yai po buku

⁶⁰ Tama te Israel dabego te Benjamin hanigo tǫde elaluali taun meba mawai. Te taun dabego nogi e tama da, Geba, me Alemet, me Anatot. Tama augwaligo te wiegi yai nosai elalubo tǫ dali mawai. Augwaligo te 13 te tama taun tigidali te Arongo hani dabeba mawai dao.

Tuni Bidi Dabego Po Elalubo Buku Deli 6:60 Referans Kwoze

Jeremaia 1:1

Te e da Jeremaiago po, te Hilkiago ogwa dao. Hilkia te pris hani dabe me deli te Anatot taunde te Benjamin hanigo tǫde bidai.

Jeremaia 37:12

Tama te sogo Jeremaiago te Jerusalem tagalainu yali, te Benjamingo hanigo tǫba pelama, te aga deli hani dabede tǫ me deli sigi pabo homu yali.

Jeremaia 11:23

“Eno te Anatot dabe dolabo sogo bodolu muai. Eno te tama tebo sogo, te augwali deli me bidigobeo. Menio. Tigidali isaibao,” te po wai dao.

Aisaia 10:30

Te hanu Galim we bidi dagego i bomonama wao. Olo saganama, odao, te Laisa be nani we bidi, dagego odao. Hobede mu dao, dage te hanu Anatot we bidi.

Tuni Bidi Dabego Po Elalubo Buku Deli 8:6

Te Ehutgo ogwa dabe nogi da, Naman, me Ahiya, me Gera. Augwali te taun Gebade bidali we bidi hani dabego polalubo tobolu bidi dabe bidali. Tialima Gerago te aga ama dede sela sąbaso, augwali pelama, te taun Manahatba bidigi palio. Gera te Usa me Ahihut sigo aya da.

Te Israel me Juda Hani Sigo Tuni Bidigo Po Elalubo Buku Deli 2:26

Solomongo te pris Abiatarbolo te tiwai po wali, “Nage te hanu Anatotba ma pelama, tama naga tǫba bidigi pao,” wali. “Nago te dwai sę yai elalubaso, tama nage isimainu yaibao, tiali goli te eno nage me eligobeo. Magi baso meni, polobadu nage te eno aya Devit dali bidai, tama nago te dena Genuai Bidigo te Dąų Wali Bomai Po Muani Halobage tolasa bilali. Tama Devitgo te sęgę me dwai sę hauwa tolali sogo da, teda nage aga dali bidiyu, tama nago me te sęgę dabe toliyu yai dao.” Solomongo te po wai.

1 Samuel 13:3

Tialima, Jonatan aga ami bidi dabe dali augwaligo te Filistia ami bidi dabe dali te Geba bulude hwįnama, tama augwali aiyaba elaluali. Tama te gasa Filistia dabego te tiali po odama, tama augwaligo te Israel dabe dali wado po wali. Tama tialima, Solgo te bidi meba te Israel tǫ pedai tigidaliba tagala palama, tama augwaligo te biugelgo te Sol tau sagasu hwįabo bidi dabe i ola bilali.

Josua 18:24

Kefar Amoni, Opni, Geba, te 12 hanu dabe, te pąde bulu dabe dali elaluali.

Tuni Bidi Dabego Po Elalubo Buku Deli 6:59

me Asan, me Betsemes. Tama augwaligo te taun pąde elaluali tǫ meba me mawai. Te tǫde te wiegi yai nosai te bulmakau dabe me sipsip dabego tuabo nosai elaluai dao.

Tuni Bidi Dabego Po Elalubo Buku Deli 6:61

Te Israel dabe augwaligo satu gagali ma elama, te gasa hani te Kohat hani dabe taun nogo si dąį ma ilali. Te taun dabe te Manase hani pedaigo tǫde te giliga dega sabo badu elaluali.