Tuni Bidi Dabego Po Elalubo Buku Deli 6:49 - Godigo dwagi yai po buku

⁴⁹ Te Aron me aga ogomani dabe dali augwaligo te isiba tigidali ulama dela silibo ofa te altade ebo sę elaluali, tama te gasa altade me te wiegi yai denami ilibo hano holobo ofa ebo sę ilali. Tama augwaligo te tigidali Tedali Gasagi Yai Mu Be Habude sę me yali. Tama augwaligo te Israel dabego sęgę sela sąbo ofa me yalio. Tama augwaligo te tigidali sę ebo sogo augwaligo tigidali po te Moses, Godigo sę bidigo, te Aronba mani po tigidali mu wali pabo sę yalio.

Tuni Bidi Dabego Po Elalubo Buku Deli 6:49 Referans Kwoze

Pris Sę Ebo Bomai Po 4:20

“Hetprisgo te deli tigi poąį kolesaga te bulmakaude yao, te agai aga sęgę sela sąyu ofa yali bulmakaude yali kolesaga tiwai ebaso usu yaibao. Te tiwai naga hetprisgo te tigidali we bidigo sęgę sela sąbo kolesaga eyu, tama tibaso da, teda Godigo augwaligo sęgę me sela sąwaibao,” wai dao.

Jopgo Po Asęani Elalubo Buku 33:24

Tama ensel bidigo te bidi hobede ebaso, tama Godibolo e tama hanalu waibao, ‘Nago te bidi hobede elama, tama te bidi isibo bidigo buluba pomainu sula tagalamo,’ te po waibao. ‘Magi baso meni. Eno polo gegali, te bidi ma usu ilabo sunumi elalubao,’ ensel bidigo te po Godibolo waibao.

Ma Dobola Sali 29:33

Augwaligo augwa dwai sę yali sela sąyu ofa ilali nai te augwa ma tumainogo yao, te augwali te pris bidi dabe da olama, sa mubo sogo te tiwai yao. Te pris dabe augwaligo naga te nai tuyu, tama te we bidi augwaligo te nai me tugobeo. Menio. Te augwalide habu mu selao, te tedali mu gasagi yai nai naga dao.

Josua 1:1

Te Moses aga te Godigo sę bidi dao. Tama Josua te Nungo ogwa te Moses tau sali bidi dao. Moses isai madi, tama Godigo Josuabolo te tiwai po wai,

Bomai Po 34:5

Tama tialima, Moses, te Genuai Bidigo sę ebo bidi, aga te Moap dabego tǫ dagede tede bidama, tama aga tede isali, te Genuai Bidigo agabolo te hasia polo walali gilama tama tiali.

Israel Hanigo Namba 16:16

Tama Mosesgo Korabolo e tama po walali, “Do nage me te nage wali pabo 250 bidi, dage te Godigo name ugwa beba asiąo. Tama Aron me tama asaibao.

Israel Hanigo Namba 15:25

Te pris bidigo te ofa te we bidi tigidaligo sęgę sela sąbo ofa emainao, tama ena Genuai Bidi eno augwaligo sęgę sela sąwaibao. Magi baso meni, augwaligo homugo kuna kone palisąma, augwaligo eno bomai po bogi pai yaibaso. Tama augwali augwa sęgę sela sąyabo ofa seselama, enabolo mobaso,

Pris Sę Ebo Bomai Po 1:5

Tama te Genuai Bidigo gedude, te bidigo te bulmakau elao, tama te pris dabe, te Arongo hani dabego, te bulmakau kaneme Genuai Bidiba ofa yao. Augwali te Ugwa Be sunumi pąbadu elalubo alta badu pelama, te kaneme te alta sabi dage me si me si te badu sąyao,’” wali.

Tuni Bidi Dabego Po Elalubo Buku Deli 6:48

Te Godigo ugwa be tomode meba gasa sę tigidali yabo, te genuai bidi dabego te Livaigo gasa haniba dąį ilalio.