Tuni Bidi Dabego Po Elalubo Buku Deli 6:34 - Godigo dwagi yai po buku

³⁴ Samuel te Elkanago ogwa, tama Elkana te Jerohamgo ogwa, tama Jeroham te Elielgo ogwa, te Eliel te Toago ogwa da,

Tuni Bidi Dabego Po Elalubo Buku Deli 6:34 Referans Kwoze

Tuni Bidi Dabego Po Elalubo Buku Deli 6:33

Devitgo te musik wabo sę tonalubo bidi sela dąį ilali. Tama nosali augwa wai dabego me te tobage deli sę naga yalio. Te hasia polalubo bidi te Kohatgo hani, tama aga nogi da te Heman. Agai te tęąbi po wabo mu koneani. Heman te Joelgo ogwa, tama Joel te Samuelgo ogwa, tama

Tuni Bidi Dabego Po Elalubo Buku Deli 6:35

tama Toa te Sufgo ogwa, Suf te Elkanago ogwa, tama Elkana te Mahatgo ogwa, Mahat te Amasaigo ogwa da,

Ma Dobola Sali 28:1

Genuai Bidigo po ma wadolama weyu, e tiwai po wai, “Moses, nosali nage ma peyu, nago naga ama Aron aga ogwa dabe dali augwali i wao, Nadap, me Abihu, me Eleasar, me Itamar, augwali asomainao. Tama nago augwali te Israel bage tomode selama, tama augwali eno pris bidi pedalomainogo yao.

Ma Dobola Sali 30:7

“Te tigidali sogo kigamu Aron aselama, te lam sole sisi yagasaibao, tama te tiagasobo sogo agai te pusu wiegi yai ebo pauda meba te altaba denami elainogo ulao.

Pris Sę Ebo Bomai Po 1:7

Te kau aga haliga me sągą ąį bugagia tela yao. Te pris dabego te altaba isi dabe munama, te isi udulao. Te augwaligo te kau tobolu me, ili me tigidali mi dage te isiba muao, te isigo tigidali dela silimainogo ilama, te keli hogomu naga elalueibao. Tama Genuai Bidigo te ofa denami ebo odama, te aga godolo homu elama bugai haliga yaibao.’”

Pris Sę Ebo Bomai Po 16:17

Arongo aga sęgę dali, aga we wai pulubago sęgę dali sela sąbo ofa eyu, te Israel we bidi tigidaligo sęgę sela sąbo ofa yao. Aga te Tedali Gasagi Yai Mu Be Habu mu tomoba pabo sogo, te bidi me deli eno sel Ugwa Be tomoba me pisąbadi, te Aron buluba ma dią soaboba usu naibao. Te habu mu dao,” wali.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

Tuni Bidi Dabego Po Elalubo Buku Deli 23:13

Te Amramgo ogwa dabe nogi e tiwai da, Aron me Moses da. Genuai Bidigo Aron te aga ogwa dabe dali dąį ilama, te we bidi augwaligo te Genuai Bidiba dąį ilama hasia podolali nai dabe te Aron aga ogwa dabe dali augwaligo tonalualio, tama augwaligo te sę dabe sesemane sogo idualio. Tama te Genuai Bidiba lotu wabo sogo tigidali augwaligo te wiegi yai denami ebo hano ilibo nai pauda ulubo sę yai dao. Tama me augwaligo Genuai Bidigo sę eyu, te we bidi augwaliba wiegi yai sę bugagia ilimainu te Genuai Bidiba hanalubo sę yai dao.

Tuni Bidi Dabego Po Elalubo Buku Deli 24:1

E da te Arongo ogwa dabe hani sibi dabe da. Arongo ogwa dabe nogi da e tiwai elalubao, Nadap, me Abihu, me Eleasar, me Itamar dao.

Tuni Bidi Dabego Po Elalubo Buku Deli 24:19

Augwaligo te dąį ilali pris hani dabe te Genuai Bidigo beba pelama, te augwa wąį nǫų dabe te Arongo yali kolesaga tiwai sę tobage yaibao wali. Polobadu God, te Israel dabe augwa Genuai Bidigo, te po Aronba walama te sę yalio.

Tuni Bidi Dabego Po Elalubo Buku Si 29:11

Dage te pris dabe me Livai dabe, dagego te koneąo, Genuai Bidigo dage agai sę emainu sa muai dao. Dage Genuai Bidigo gedude dolama tama agai sę yabo te elalubao, tama te we bidigo agaba mu lotu omainu ola maiabo te elalubao, tama me te wiegi yai hano holobo ofa yabo me te dao. Tialima dagego te sę bugagia mu yao,” Hesekiago te po wali.