Tuni Bidi Dabego Po Elalubo Buku Deli 6:31 - Godigo dwagi yai po buku

³¹ Te ede nogi elalubo bidi dabe te king Devitgo te Genuai Bidigo bede wiegi yai po wabo nai musik elabo bidi dabe sa muai dao. Te Dąų Wali Bomo Yai Po Muani Halobage te Genuai Bidigo sel ugwa beba muagaselama nosali badu Devitgo te hani dąį ilai dao.

Tuni Bidi Dabego Po Elalubo Buku Deli 6:31 Referans Kwoze

2 Samuel 6:17

Tialima, augwa te halobage te Devitgo augwa te halobage muainu sę yani ugwa be me deli tomoba te halobage muani. Tama aga te siago tigidali domainu ulubo ofa me, te Genuai Bidi dali deli haliga pedalubo ofa me, yalio.

Godigo Nogi Ugwaba Sabo Tęąbi Po Wabo Buku Dabe 132:14

Agai te po wali, “Te ena te taunde sesemane bidada peyu, bidada paibao,” wali. “Eno te pesage te ena king bidabo madi sa muai dao.

Godigo Nogi Ugwaba Sabo Tęąbi Po Wabo Buku Dabe 132:8

Genuai Bidi, nage te naga toma nabo pesageba dulao, tama te Dąų Wali Bomai Po Munalubo Halobage nage dali selasa asao. Te nago genuai bomo dąį ilali te dao. Tama nage aselama, tama tede bidada peyu, bidada pao.

Tuni Bidi Dabego Po Elalubo Buku Deli 15:25

Augwali sisi ela silibo si da, teda Devit dali, te Israel tobolu bidi dabe me te bidi sese umabo 1,000 ami tonalubo ofisa bidi dabe dali, augwali te Obetidomgo beba pelama, te Genuai Bidigo Dąų Wali Bomai Po Munalubo Halobage selama, te Jerusalemba sela palio. Tama te we bidi dabe augwali wiegi yai homu pemene mu yai dao.

Te Israel me Juda Hani Sigo Tuni Bidigo Po Elalubo Buku Deli 8:4

Tama te meba pris me Livai dabe daligo te Genuai Bidigo ugwa lotu be, me te Godigo nai da weyu sa muani te ugwa bede muani doado bage me selama, tama te Genuai Bidigo tempel be pąba selasa pali.

Tuni Bidi Dabego Po Elalubo Buku Deli 6:30

tama Usa te Simeago aya, tama Simea te Hagiago aya, tama Hagia te Asaiago aya dao.

Tuni Bidi Dabego Po Elalubo Buku Deli 6:32

Te lotu wabo sogo te hani dabego te sisinibo pesage te Genuai Bidigo ugwa be sunumi mabo pąde te wiegi yai musik wabo sę yai. Augwaligo te sę Genuai Bidigo sel ugwa bede ela pidubadi, te king Solomongo te Genuai Bidigo gesi tempel be Jerusalemde sę yani silibo sogoba mu usu nai. Te hani augwaligo te augwa ebo sęde te bomai po bugagia wali pabo sę ela piduai dao.

Tuni Bidi Dabego Po Elalubo Buku Deli 9:33

Te tobolu bidi hani dabe mebade te Livai hani dabego te wiegi yai tęąbi musik wabo sę meba elaluali. Te bidi dabe augwali te Godigo be obo te dąį togwali be habu tomode piyu yali, magi baso meni, augwaligo sę te siade me hulide me te sę tama yai dao, tama augwaligo gasa sę me ebeo.

Tuni Bidi Dabego Po Elalubo Buku Deli 15:1

Te Devitgo aga be dabe digi te Jerusalemde sę yani, te Devitgo Taun dao. Tama me aga te Godigo Dąų Wali Bomai Po Muani Halobage muabo pesage me deli sisi elama, tama augwa te pesagede sel ugwa be sę yai dao.

Tuni Bidi Dabego Po Elalubo Buku Deli 15:27

Devitgo te bobobage aiyaba tagalalubo ugwa augwaligo te gasa sawi yai nami ugwago nigai ugwa au yalio. Te Dąų Wali Bomai Po Munalubo Halobage tolobo pris dabe me te musik wabo prisgo me, te Kenaia, te sę tonalubo bidi, tigidaligo te Devitgo gudali ugwa au yali tiwai tobage au naga yalio. Te bobage ugwa daide ugwadu, Devitgo te prisgo gudubo nami ugwa me deli te muani, te augwa gasa sawi yai nami ugwago nigai dao.

Esra 3:10

Te sę bidi dabego te genuai masigi dabe te Godigo be daga pagede mubo sogo da, teda te pris dabego te prisgo ugwa gudulama, tama te biugel selama, tama te sę ebo pesageba dolagasalio. Tama te Livai te Asap hani me aselama, augwali dali dolagasali. Tama tigidali bidi deli deligo te kapa pou si te musik ebode elainu tola sesa pali. Tama augwa te king Devitgo asęani po wali pelama, tama augwa te Genuai Bidigo nogi ugwaba sai dao.

Esekiel 40:44

Tialima, te bidigo ena te namba 2 obo tomode elalubo te bidi dabe sisinibo pesageba odasa pali, te Godigo tempel be gesabidi badu. Tama eno te balia po wabo bidi dabego be habu si suali. Te be habu me te not badu be sunumiba polo badu elaluali, tama u sautba tonoyu ebo suali. Tama me be habu te saut badu obo sunumi be sesegede elaluali, tama u notba tonoyu ebo elaluali.