Tuni Bidi Dabego Po Elalubo Buku Deli 6:3 - Godigo dwagi yai po buku

³ Amramgo ogwa dabe nogi da e tama, Aron me Moses, me te wegi nogi Miriam. Te Arongo ogwa dabe nogi da e tama Nadap, me Abihu, me Eleasar, me Itamar dao.

Tuni Bidi Dabego Po Elalubo Buku Deli 6:3 Referans Kwoze

Pris Sę Ebo Bomai Po 10:1

Te sogo Nadap dali Abihu, te Arongo ogwa si, te augwa si plet digi selama, te wiegi yai denami ebo pauda ulali. Tama augwa si te sia dage me pauda te wiegi yai denami hano ebo te plet pou dabeba munama, tama augwali sigo te isi te Genuai Bidiba te ofa eyu sela pali. Tiali goli, Genuai Bidigo augwali sibolo te tiwai isi sesao po me wabeo. Tama te sia te Godigo nai da wasiąyu, te Godigo homu godolo me ebeo.

Ma Dobola Sali 6:20

Amram agai we Jokebet sai, te aga ayago amago wegi, tama Jokebetgo Aron de Moses si ame nai. Tama Amram kibu be 137 bidilama, isai dao.

Pris Sę Ebo Bomai Po 10:12

Tama Mosesgo Aron dali aga bidibo ogwa si daliba te po wali, Eleasar me Itamar. Agai te tama po wali, “Dagego te me badu pedai plaua te wit ulubo ofago te Genuai Bidiba ofa yali me badu munalubo sao. Tama te plauago, dagego te yis meni yai bret nigao. Tama dagego te alta pąde te bret tuiyąo, magi baso meni, te nai te olo nai menio, te God aga ofago digi dagebolo mabo dao.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

Maika 6:4

“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.

Tuni Bidi Dabego Po Elalubo Buku Deli 23:13

Te Amramgo ogwa dabe nogi e tiwai da, Aron me Moses da. Genuai Bidigo Aron te aga ogwa dabe dali dąį ilama, te we bidi augwaligo te Genuai Bidiba dąį ilama hasia podolali nai dabe te Aron aga ogwa dabe dali augwaligo tonalualio, tama augwaligo te sę dabe sesemane sogo idualio. Tama te Genuai Bidiba lotu wabo sogo tigidali augwaligo te wiegi yai denami ebo hano ilibo nai pauda ulubo sę yai dao. Tama me augwaligo Genuai Bidigo sę eyu, te we bidi augwaliba wiegi yai sę bugagia ilimainu te Genuai Bidiba hanalubo sę yai dao.

Pris Sę Ebo Bomai Po 10:16

Nosali Mosesgo augwaliba po bomonama weyu, te tiwai po wali, “Dagego te sęgę sela sąbo ofa ebo memede mena sę yaliwe?” Tialima, augwaligo te po agabolo wali, “Dago te isiba sese ulama, dela silalio.” Tialima, Mosesgo te po odama, tama agai te Eleasar me Itamar augwali siba wado po wai. Tama agai te po wai,

Ma Dobola Sali 28:1

Genuai Bidigo po ma wadolama weyu, e tiwai po wai, “Moses, nosali nage ma peyu, nago naga ama Aron aga ogwa dabe dali augwali i wao, Nadap, me Abihu, me Eleasar, me Itamar, augwali asomainao. Tama nago augwali te Israel bage tomode selama, tama augwali eno pris bidi pedalomainogo yao.

Ma Dobola Sali 24:1

Genuai Bidigo Mosesbolo te po wai, “Eno homugo nage dali, te Aron, me Nadap, me Abihu, me te Israel dabe genuai bidi, te bidi sese sela olama nogo si bidi dabe, dage ena bidibo te bulu duba ugwa holomainogo yaibao. Tama dage digibulu gana dolaluyu, tama tǫba basi gulama, tama enaba lotu wagameo.

Ma Dobola Sali 6:23

Arongo we Eliseba sai, te Aminadapgo wegi, te Nason aga abe dao. Tama Elisebago wai me si me si ame nai, Nadap, Abihu, Eleasar, me Itamar.

Ma Dobola Sali 2:7

Tama te wai aga abe pąba aselama, te tuni bidigo wegibolo hanaluyu, te po wai, “Te eno Hibru we me i wagi pelama, tama e wai ame menama, tama te e wai te wego negebo usu egowe?”

Ma Dobola Sali 2:4

Tama te wai aga abe digibulu gana dulaluyu, tama te wai dali magi sę ebowe naga suainogo tonaluai.

Tuni Bidi Dabego Po Elalubo Buku Deli 6:2

Kohatgo ogwa nogi dabe e tiwai da, Amram, Ishar, me Hebron, me Usiel da.

Tuni Bidi Dabego Po Elalubo Buku Deli 6:4

Eleasar te Finiasgo aya, te Finias Abisuago aya,

Tuni Bidi Dabego Po Elalubo Buku Deli 15:10

te Abinadap, te Usiel hanide tobolu bidi bidali, te aga hani bidi 112 bidi dali sisinagasalio.

Tuni Bidi Dabego Po Elalubo Buku Deli 23:12

Kohatgo ogwa me si me si bidali. Augwali nogi e tama da, Amram, me Ishar, me Hebron, me Usiel dao.

Tuni Bidi Dabego Po Elalubo Buku Deli 24:22

Tama Selomit te Ishar hanigo wai dabe da, tama Jahat te Selomitgo hani dabe augwaligo ogwa dao.