Tuni Bidi Dabego Po Elalubo Buku Deli 6:15 - Godigo dwagi yai po buku

¹⁵ Te Genuai Bidigo king Nebukatnesar homu hodolali sogo, te Babilon dabe asama, te Juda dabe me Jerusalem dali selama, kalabus igi pali, te sogo augwaligo te bidi Jehosadak me kalabus sela pai dao.

Tuni Bidi Dabego Po Elalubo Buku Deli 6:15 Referans Kwoze

Hagai 2:2

Agai te Hagaibolo te po wali, “Nago te po te tobolu bidi Serubabel dali, te tobolu pris bidi Josua dali sibolo me, tede me bidalubo Juda we bidi dabebolo me e tama po augwalibolo hanalu wao,

Hagai 1:1

Te bidi Darius aga te Persia bulude king bidi nigilama bidibo sogo, tama te 6 wabo polua, te dei delide, te agai kibu be si 2 yia wabode, Genuai Bidigo te tama po te profet bidi Hagaibolo te po wai. Agai te e tama po te bidi Serubabelbolo pusa momainu yai, aga te Juda hanigo tobolu bidi da, tama te tobolu pris bidi Josua agabolo me pusao wali. Te bidi Serubabel aga te Sealtielgo ogwa da. Tama te bidi Josua aga te Jehosadakgo ogwa da.

Te Israel me Juda Hani Sigo Tuni Bidigo Po Elalubo Buku Si 25:18

Te bidi Nebusaradan, te bidi aga te Babilon bulude polalubo tobolu gavman ofisa bidi deli da, tama agai te tobolu pris bidi Seraia sali, tama me te Sefanaia me sali, te bidi te Seraia tudi badu bidiyu sę ebo bidi da, tama me te gasa pris bidi sela, te bidi sela te Godigo tempel be tų tonalubo bidi sela dao, te bidi selama, agai kalabus ilali.

Hagai 1:14

Tama te Genuai Bidi agai te bidi Serubabel dali, te Josua dali, te tigidali we bidi dali augwaligo homu hodolama, tama augwaligo agai be sę yainogo yali. Tama augwali aselama, te augwa Godigo be sę ebo sę gagalali, Genuai Bidi aga Tigidali Bomo Elalubo Bidi.

Te Israel me Juda Hani Sigo Tuni Bidigo Po Elalubo Buku Si 25:21

Te Hamat hanigo tǫ, te Ripla hanude, tama te kingo te po wai, tama augwaligo te bidi dabe elama, isilao wali. Tama te Babilon hani bidi dabego e tama tiali, tama nosali te augwaligo te gasa Juda hani bidi dabe selasa pelama, te Juda tǫ tagalama, te Babilon buluba hadabu egi pali.

Polgo Po Pas Rom Dabeba Asęani 15:18

Tama eno gasa bidigo yali sęde po me wagobeo. Menio. Tama bomo elama, eno te Kraisgo sę ena nogode yali sę po naga pusubao. Agai eno po tau selama, tama wiegi yai sę dabe eno nogode yai. Tama te si ebogo te Juda hani isąwai gasa hani we bidi augwali te Godigo po odoyu, tama augwaligo homu tulaluyu, tama augwali agai po wali pabo sę ilali.

Godigo Sęba Tagala Palai Bidigo Po 14:27

Tama augwali si Antiokba ma sabolama, augwali sigo Jisasgo po wali pabo we bidi dali deliba sisinagasali. Tama augwali sigo te sę yali po augwalibolo pusali, tigidali nai Godigo augwali si tau sali sę me, tama Godigo te Juda hani isąwai we bidi augwaligo agai po konealubo sunumi dayali.

Hagai 1:12

Tama te bidi Serubabel dali, te tobolu bidi pris Josua dali me badu Juda hani we bidi dabe augwali si dali bidai, augwali tigidaligo te Genuai Bidi augwa Godigo e tama po obaso augwali wi yai, tama augwaligo te profet bidi Hagaigo po wabode wali pai, te profet bidi Hagai te Godigo te augwali pageba tagala palai bidi dao.

Jeremaia 52:28

Te Nebukatnesargo kalabus igibu sela pali we bidi namba, e tiwai dao. Te kibu be 7 aga king bidali sogo, agai te 3,023 Juda we bidi sela pai dao.

Jeremaia 39:9

Te Nebusaradan, aga te Babilon ami dabego polalubo ofisa bidi te Jerusalemde bidali, agai te Jerusalemde bidaluali we bidi tigidali selama, te augwali Babilonba kalabus igi painu odasa pali. Te Jerusalem tagalama, agaba polobadu wi asali Juda dabe me selama, te agai augwali me te Babilonba kalabus igi peyu, odasa pai dao.

Esra 5:2

Serubabel, te Sealtielgo ogwa, me te Josua, te Jehosadakgo ogwago, te profet sigo ebo sę po odolama, teda augwali sigo te bidi dabe selama, tama augwa te Godigo tempel be Jerusalemde ma sę ebo gagalali, tama te profet sigo augwali tau salio.

Te Israel me Juda Hani Sigo Tuni Bidigo Po Elalubo Buku Si 14:27

Tama te Genuai Bidigo te Israel hani augwali mu silaibao po me wai menio, tama augwaligo nogi me tigidali silaibao po me wai menio. Tama teyu, agai te king Jeroboam dąį ilali, Jeroboam aga te Jehoasgo ogwa da, te bidigo bomo elama, te Israel hani te boi bidigo nogode augwali ma somainogo dąį ilai.

Ma Dobola Sali 4:13

Tiali goli Mosesgo te po wai, “Genuai Bidi, eno usugobeo. Nago gasa bidi tagala palao.”

Tuni Bidi Dabego Po Elalubo Buku Deli 6:14

tama Asaria te Seraiago aya, tama Seraia te Jehosadakgo aya dao.

Tuni Bidi Dabego Po Elalubo Buku Deli 6:16

Te Livaigo ogwa dabe nogi da e tama da, Gerson, Kohat, Merari da.