Tuni Bidi Dabego Po Elalubo Buku Deli 5:16 - Godigo dwagi yai po buku

¹⁶ Te a naga olama me si hani augwali te Gileat me Basan tǫ pedai te taun dabede me te pąde dwasianu bulu dabede bidali, tama me augwali te tǫ Saronde bidai, te tigidali bulude te bulmakau me sipsipgo tuabo wiegi yai nosai dabe elalualio.

Tuni Bidi Dabego Po Elalubo Buku Deli 5:16 Referans Kwoze

Tuni Bidi Dabego Po Elalubo Buku Deli 27:29

Sitrai, te odogo bulu Saron bidi, agai te odogo bulu Saronde bidalubo bulmakau dabe tonalubo bidi bidali. Tama Safat, te Atlaigo ogwa, agai te gasa odogo bulude bidibo bulmakau dabe tonalubo bidi bidali.

Aisaia 35:2

Te wa pai bulu tǫ tonobo te sawi wiegi yai mu yaibao. Te aga genuai i hai dali weyu, genuai pemene yaibao. Te wiegi yai sawi yai nai hauwa mu pedaliyu, te bulu tonobo wiegi yai sawi me tedali eyu, te Lebanon genuai busi tonobo tiwai eyu, te Saron bulu odogo tonobo tiwai yaibao. Te we bidi dabego bomonama tonoyu, te genuai nogi, me te dago Genuai Bidi Godigo wiegi yai au dali elalueibao.

Solomon 2:1

Tialima, ena te bulude elalubo plaua me deli tiwai te Saron tǫ malu bulude pedelali. Tama ena te sawi yai plaua tiwai, te odogo bulu te bulu du dabe tomode elalubo dao.

Godigo Sęba Tagala Palai Bidigo Po 9:35

Tama te Lida bulu we bidi me, te Saron tǫ we bidi me, augwali tigidaligo Ainias bilibo sulama, augwali tigidaligo homu begelama, Genuai Bidi wali pali.

Tuni Bidi Dabego Po Elalubo Buku Deli 5:15

Te hani augwaligo polalubo tobolu bidi da te Ahi da, te Apdielgo ogwa te Gunigo wąį nǫų dao.

Aisaia 65:10

Te augwa sipsip dabe, te bulmakau me, te tǫde pągąnalueibao, te Saron te giliga dega sigulubo pedai te odogo pesagede gagalasa pali, te Akor giliga pedalubo badu te odogo tǫba usu nigi paibao. Te augwa nosai hauwa elalu, te nai tuyu, toma neyu, bidaibao. Eno te sę dabe ebo te ena gegebo homu elalubo we bidi dabeba tiaibao,” te po wali.

Josua 13:24

Tama Mosesgo te tǫ te Gatgo hani sibi tigidali deli delibolo doba yali, tama augwa tǫ gagalama bidali.

Josua 13:28

Tama te hanu dabe me te bulu dabe, te Gatgo hani sibi te bagego te augwa tǫ da olama, sali.