Tuni Bidi Dabego Po Elalubo Buku Deli 5:1 - Godigo dwagi yai po buku1 Ruben aga te Jekopgo gomunai ogwa da, Jekop aga gasa nogi Israel. Tialima agai te aga ayago we me deli dali pagela piali. Tama sę yaligo, aga te gomunai ogwa wabo nogi sabeo. Menio. Te aga ama Josepgo ogwa dabego te nogi salio. Tama tialima te Israelgo ogwa dabego nogi elalubo madide, te Ruben polalubo gomunai ogwa nogi elalube dao. Gade chapit la |
Agai te e kolesaga wali peyu, tama tiao. Agai te doado bage bugulama, tama te ogwa wegi augwali tigidali deli delibolo maiabo nai dodolama, tama te hasia mu ame nani ogwa agabolo te doado bage me manama, agabolo mawainogo sa muao. Te agabolo maiabo nai te dadagano pabo sę tama yao. Magi baso meni, te da te bidi aga hasia mu te ame nai ogwa dao. Tama aga da te aga ayago gomunai ogwa mu dao, tama agai te gomunai ogwago te sabo doado bage nosali somainao,” wali.
Te Kora, te Ishargo ogwa, te Kohat hani bidi, te Livai bidi, aga dali me te Ruben hani bidi sela augwaligo Moses dali dobo kolesaga yali. Te bidi selago nogi te e dao: Datan me Abiram, te Eliapgo ogwa si, me On te Peletgo ogwa. Te me si me si bidigo te Israel dabe tobolu bidi te 250 selama, augwali hodobo tama te dwai tobolu gagea pabo kolesaga yali. Te Israel dabe augwaligo te tobolu bidi dabe sa muai, te tigidali we bidigo gedude nogi elaluai dao.
Tama Yawego te tiwai po Rebekabolo wai, “Te bidi hani si te nago haliga tomode bidibao. Te hani bidi si nago ame nainu ebaso, te augwali si dali si ususu si yainu ebao, tama nosali hani si bugulama, tedali bidaibao. Te me hani deligo gasa hani me dali bomo mu yaibao. Tama polasa te ame nabo wai aga te nosali ame nabo waigo sę ebo bidi pedelaibao,” Yawego Rebekabolo te po wei ponani.
Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.