Tuni Bidi Dabego Po Elalubo Buku Deli 4:43 - Godigo dwagi yai po buku

⁴³ Polobadu te Amalek dwasianu hani te Israel dabede wi solama te badu bidigi soai. Tialima te Simeongo hanigo te Amalek hani tigidali ela munama, tama te Simeon hani te tǫba bidigi pali, te bidada pali te buku asęani bidi bidali sogoba usu nai dao.

Tuni Bidi Dabego Po Elalubo Buku Deli 4:43 Referans Kwoze

1 Samuel 30:17

Tialima, Devit te aga ami dabe dali te kigamu digi mu pelama, tonalugi pelama, tama augwali pelama, te wąbi hodolama hwįani. Tama augwaligo te Amalek dabe dali hwįdubadi, te pio mu igi palio. Tama augwaligo te Amalek dabe hauwa ela muani. Te 400 bidi naga te kamelba duagi pelama, tama augwa wi palio. Tiali goli, te Devitgo hanigo te gasa Amalek tigidali ela muanio.

2 Samuel 8:12

Agai te silva me gol dabe te Idom dabede, me Moapde, me Amon dabede, me Filistia dabede, me Amalek dabede te nai dabe sali, tama te Soba hanu tǫ te king Hadateserde te me sai dao. Agai te tobage sali nai dabe tigidalide te Godigo nai dao po olama, Godiba maduali.

Matyu 28:15

Tama te ami bidi dabe augwaligo te moni mone selama, tama augwaligo te wali po augwaligo wali palio. Tama te po te Juda we bidiba pelama odali, tama augwaligo te po naga ola pali te megi tama me augwaligo te po me wabo dao.

Matyu 27:8

Tama augwaligo te tǫ te bidi elai monego abelebaso, te we bidi augwaligo te tǫ nogi poali, te Kaneme Tǫ nogi wai. Tama megi tama me, te nogi me elalubo dao.

Jeremaia 44:6

Te eno haliga sębę umabo mu augwalide elama, te eno Juda taun dabeba, me Jerusalem sunumi dabeba me dolobo sę eyu, te augwali eno dwagila mu dolali. Te augwali doludubadi geąį dao,’ da Israelgo Godigo te po wai,” Jeremaiago te po wali.

Tuni Bidi Dabego Po Elalubo Buku Si 5:9

Te ni dage si te bobobage mu si dao. Tama tialima, te bidi te Tedali Gasagi Yai Be Habude dolaluyu da, teda te ni dage si sabi si suaibao. Tiali goli, bidi te be habu bulu badu dolaluyu da, teda agai te ni dabe sabi sugobeo. Tama te ni dage si me tama elalubao.

Te Israel Tobolu Bidi Dabe 1:26

Tama te bidi aga te Hit dabego tǫba pelama, tama agai te hanu me deli nigali, tama agai te hanu nogi te Lus nogi poali. Tama te nogi me elalubo dao.

Bomai Po 34:6

Tama Genuai Bidigo Mosesgo tigi te Moap bulude te hanu me te Betpeor hanu dolo si te odogo malu bulude pubulali. Tama megi me te bidi mego te Mosesgo gų page mena bulude odogode elalubawe, bidigo me konebeo.

1 Samuel 30:16

Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.