Tuni Bidi Dabego Po Elalubo Buku Deli 4:21 - Godigo dwagi yai po buku

^21-23 Sela te Judago ogwa me deli da. Selago ogwa dabe meba nogi e tiwai, Er, me Lada, me Jokim, me Joas, me Sarap da, te Koseba taunde me Betasbea te taun side bidali bidi hani dabe da. Te Betasbea hani bidi dabego te wiegi yai nami ugwa dabe nigibo sę yai. Ergo te taun Leka nigibo sę yali, te Ladago te taun Maresa nigibo sę yai. Tama Joas me Sarap sigo te Moap tǫ me Jasubi Lahem tǫ tonalualio. Te bidi dabe augwali te taun Netaim me taun Gederade bidaluai, tama augwaligo te augwali tonaluali king bidigo sę eyu tama te tǫgo sospen nigibo sę agabolo yai. Te augwalide asęai po dage te bidi dabego polobadu mu asęai dao.

Tuni Bidi Dabego Po Elalubo Buku Deli 4:21 Referans Kwoze

Tigidali Nai Gagalama Nigali Side 38:5

Tialima, nosali te wego ogwa me deli ma ame nenama, tama aga nogi Sela poai. Juda te Kesipde bidibadi, tama aga wego te Sela ame nani.

Tuni Bidi Dabego Po Elalubo Buku Deli 2:3

Judago ogwa dabego nogi e tiwai, Er, me Onan, me Sela dao. Te sela bidigo augwa ida te Batsua, te Kenan hani we me deli da. Er, Judago gomunai ogwa, agai dwai kolesaga mu ebaso, te Genuai Bidigo aga ela muai dao.

Tigidali Nai Gagalama Nigali Side 46:12

Tama Judago ogwa dabe e tama da, Er, me Onan, me Sila, me Peres, me Sera. Tiali goli, Er de Onan si te Kenande isali. Tama te Peresgo ogwa dabe e da, Hesron me Hamul.

Nehemia 11:5

Masea te Barukgo ogwa da, tama te bulali wąį nǫų bidi da, te Kolhose. Te Maseago gasa bulali wąį nǫų dabe te tiwai, Hasaia, Adaia, me Joiarip, me Sekaraia. Augwali te wąį nǫų Selago wai dabe da, te Judago gasa ogwa me dao.

Tuni Bidi Dabego Po Elalubo Buku Deli 4:20

Te Simongo ogwa dabe nogi e dao, Amnon, me Rina, me Benhanan, me Tilon da. Te bidi Isigo ogwa nogi dabe e tama, Sohet me Bensohet dao.

Josua 15:44

Keila, Aksip, Maresa, te tama hanu elaluali. Te 9 hanu te dwasianu bulu dabe meba augwali pąde elalua pali.

Aisaia 19:9

Tama me, te name ugwa nigibo hobi nigibo we bidi augwali me homu sęgę mu yaibao. Magi baso meni. Te hobi nigibo nai dabe me te gide me holisąma ebaso.