Tuni Bidi Dabego Po Elalubo Buku Deli 4:15 - Godigo dwagi yai po buku

¹⁵ Kalep, te Jefunego ogwa, agai ogwa sela elaluali. Augwa nogi e tiwai elalubao, Iru, me Ela, me Nam. Te Ela Kenasgo aya da.

Tuni Bidi Dabego Po Elalubo Buku Deli 4:15 Referans Kwoze

Israel Hanigo Namba 13:6

Kalep, te Jefunego ogwa, te Juda hani bidi dao.

Israel Hanigo Namba 14:30

Eno dage sese te buluba bidigi pomainu po wai goli, megi da dage sese te buluba pogobeo. Kalep de Josua si naga paibao.

Israel Hanigo Namba 14:24

Tiali goli, eno sę bidi Kalep, agai te gasa homu me elalubao, tama agai eno homu kolesaga wali mu pabo. Tama tibaso, eno aga te agai sugi pali te buluba eno odasa paibao. Tama aga tede bidaibao. Tama agai wąį wai pulubago te bulu saibao.

Israel Hanigo Namba 13:30

Te Israel dabe augwaligo te tobolu bidi dabego po odama, augwali wi yali. Tama augwaligo Mosesbolo po hauwa wali. Tiali goli, tobolu bidi me deli, aga nogi Kalep, agai augwali daga bola sąyu e tama po wali, “Dage magi baso po hauwa wabawe? Megi da augwali dali hwįgi pelama, augwaligo tǫ sigi pinao. Magi baso meni. Dago bomo elalubao, tama dago augwa aiyaba elaluaibao, tama dago te tǫ saibao,” wali.

Tuni Bidi Dabego Po Elalubo Buku Deli 4:14

Meonotai te Ofrago aya. Seraia aga te Joapgo aya da. Te bulali wąį nǫų Joap te bidali bulu augwa te tiwai nogi yali, “Te Sę Bidi Augwa Odogo Bulu Da,” wai dao. Te odogo bulugo nogi te tama telaluali, magi baso meni, tede bidali bidi dabe augwaligo te haniani nai nigibo sę mu konea pai bidi dabe dao.

Tuni Bidi Dabego Po Elalubo Buku Deli 4:16

Te Jehalelgo ogwa dabe nogi e tiwai, Sif, me Sifa, me Tiria me Asarel.