Tuni Bidi Dabego Po Elalubo Buku Deli 3:19 - Godigo dwagi yai po buku

¹⁹ Pedaiago ogwa dabe nogi e tiwai elalubao, Serubabel me Simei. Serubabelgo ogwa si elaluali, Mesulam me Hanania, te wegi me deli elaluali, aga nogi da Selomit dao.

Tuni Bidi Dabego Po Elalubo Buku Deli 3:19 Referans Kwoze

Esra 2:2

Te Juda dabe augwa tobolu bidi dabe nogi te tiwai dao, Serubabel, Josua, Nehemia, Seraia, Relaia, Mordekai, Bilsan, me Mispar, Bikvai, me Rehum, me Bana, te tama dao. Te tobolu bidi dabe te Juda dabe dali augwa page buluba ma pali. E da te Israel hani dabego nogi dao, te dali te deli deli bidi dabego hani bidi te Jerusalemba ma pelawali namba dao. Te hanigo namba e tiwai elalubao.

Hagai 2:2

Agai te Hagaibolo te po wali, “Nago te po te tobolu bidi Serubabel dali, te tobolu pris bidi Josua dali sibolo me, tede me bidalubo Juda we bidi dabebolo me e tama po augwalibolo hanalu wao,

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.

Matyu 1:12

Te augwali Babilon buluba kalabus egi pai, tialima Jekonia aga ogwa Sealtiel. Tama Sealtiel aga ogwa Serubabel.

Hagai 2:4

Tagalao, dage tigidaligo haliga moni sęgę mu egimio. Dage hodaluama tama sę yao, magi baso meni, ena Tigidali Bomo Elalubo Genuai Bidi ena dage dali bidibao.

Hagai 1:1

Te bidi Darius aga te Persia bulude king bidi nigilama bidibo sogo, tama te 6 wabo polua, te dei delide, te agai kibu be si 2 yia wabode, Genuai Bidigo te tama po te profet bidi Hagaibolo te po wai. Agai te e tama po te bidi Serubabelbolo pusa momainu yai, aga te Juda hanigo tobolu bidi da, tama te tobolu pris bidi Josua agabolo me pusao wali. Te bidi Serubabel aga te Sealtielgo ogwa da. Tama te bidi Josua aga te Jehosadakgo ogwa da.

Tuni Bidi Dabego Po Elalubo Buku Deli 3:18

me Malkiram, me Pedaia, me Senasar, me Jekamia, me Hosama, me Nedabia dao.

Tuni Bidi Dabego Po Elalubo Buku Deli 3:20

Tama Pedaiago gasa ogwa me nogo a naga ogwa dabe bidali. Augwa nogi dabe e tiwai da, Hasuba, me Ohel, me Berekia, me Hasadia, me Jusap Heset.