Biblia Todo Logo
Bib sou entènèt

- Piblisite -




Tuni Bidi Dabego Po Elalubo Buku Deli 3:15 - Godigo dwagi yai po buku

15 Josaiago ogwa dabe nogi e tiwai. Gomunai ogwa Johanan, tomo ogwa Jehoiakim, te sela wali ogwa Sedekaia, te ene nanobo me si me si wali ogwa Salum da, te aga gasa nogi me Joahas dao.

Gade chapit la Kopi




Tuni Bidi Dabego Po Elalubo Buku Deli 3:15
13 Referans Kwoze  

Tama te king Nekogo agai te bidi Eliakim sali, te king Josaiago gasa ogwa me da, tama te king Neko agai homugo te bidi Eliakim aga te Juda hanigo king bidi nigilainu yali, te bidigo te aga aya Josaiago king sę yali silide bidiyu, king sę yali. Tama te king Neko agai te bidi Eliakim nogi hasegelama, tama aga nogi Jehoiakim poali. Tama nosali te king Nekogo te Joahas aga te Isip buluba odasa pelama, tama aga te Isip bulude bididubadi yaide, isibo bodoluba usu nigi pali.


Te bidi Joahas aga kibu be te 23 kibu be usu nama, tama augwaligo aga te Juda hanigo king bidi nigilama bidali. Tama aga te Jerusalemde king bidi nigilama bidali, polua sela digi bidai. Aga ida nogi da, Hamutal da, te we aga bulu te Lipna bulu taun bidi Jeremaiago wegi da.


Tama Manase te Emongo aya, te Emon te Josaiago aya dao.


Te Jehoiakimgo ogwa si elaluali, Jekonia me Sedekaia. Jekoniago gasa nogi me Jehoiakin dao.


Te sogo gagalama, tama bidama nosali, Genuai Bidigo po meba te Jeremaiabolo mayu, te Jehoiakim, te Josaiago ogwa, te king bidali sogo te po mawai. Genuai Bidigo po te Jeremaiabolo maduali, te king Sedekaiago kibu be nogo si, sągągo deli teba usu nigi palio, te Josaiago ogwa dao. Te wabo kibu bede te a naga wabo poluade, te boi bidi dabego te Jerusalem we bidi dabe selama, te gasa tǫ kantriba kalabus sę igi pai dao. Te sę pedalisiąbadi, Genuai Bidigo agai po te Jeremaiabolo maduali.


Joahasgo gasa nogi Salum, agai te Josaiago pesage hasegelali, te aga aya, tama te Juda king pedelali. Tialima, Joahasgo te Jerusalem taga soalio. Genuai Bidigo Joahasde homu kone palama, te tiwai po wali, “Te bidi ma begasa asogobeo.


Te Babilon king Nebukatnesargo te Sedekaia dąį ilali, te Josaiago ogwa, te Juda king pedalumainogo yali, te Jehoiakimgo ogwa hasegelimainogo yai, te Jehoiakin, agai gasa nogi me Konia dao.


Te king Nebukatnesar agai homugo te bidi Matania, te bidi te king Jehoiakin aga aya sabi bidi da, te bidi agai te aga amago ogwa Jehoiakin hasegelama, aga te king bidi nigilali. Tama te king Nebukatnesargo te bidi Matania nogi hasegelama, te agai nogi Sedekaia nogi polali.


Te Josaia isai nosali badu, te Juda dabe augwaligo Joahas sali, te Josaiago ogwa, tama agai tobolude wel gelali, te agai augwaligo king pedalomainu sa muyu, te aga Jerusalemde king bidimainogo.


Te kibu bede te kedau sogo silainu ebadi, king Nebukatnesargo te ami bidi dabe tagala palama, Jehoiakin kalabus igi pelama, tama Babilonba odasa pali. Tama me te ami dabe augwaligo te Genuai Bidigo tempel bede munaluai te dis dabe me plet dabe te Babilonba sela pali. Tama Nebukatnesargo te Sedekaia, te Jehoiakin aga ama, te Juda dabego king Jerusalemde bidimainu magi ilali.


Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.


“Te ena Genuai Bidi, te eno Juda king Sedekaia dali, te aga ofisa dabeba me dwai sę eyu, te Jerusalem augwa page bulude bidalubo we bidi dabeba me, ma te Isipba pali hani bidiba dwai sę yaibao. Te hani dabeba eno dwai sę ilaibao, te bidigo ni kaya fikbolo dwai sę ilama, te bidigo tusąbo dwai mu ilali tiwai yaibao.


Te Jehoiakim, te Josaiago ogwa, te Juda king pedelali sogo, Genuai Bidigo Jeremaiabolo te tiwai po wali,


Swiv nou:

Piblisite


Piblisite