Tuni Bidi Dabego Po Elalubo Buku Deli 3:14 - Godigo dwagi yai po buku

¹⁴ Tama Manase te Emongo aya, te Emon te Josaiago aya dao.

Tuni Bidi Dabego Po Elalubo Buku Deli 3:14 Referans Kwoze

Te Israel me Juda Hani Sigo Tuni Bidigo Po Elalubo Buku Si 23:30

Tama te Josaiago sę ebo gavman tobolu ofisa bidi dabego te king Josaia tigi selama, te boi hwįbo karis me deliba munama, tama augwaligo te Jerusalem taunba selasa pali. Tama augwaligo te king Josaia tigi selama, te Juda hanigo king bidi dabe pubalobo gų pageba pubaligi pali. Tama tialima, te Juda hani augwaligo te bidi Joahas sali, aga aya te king Josaiago ogwa, tama augwaligo te wel selama, tama aga toboluba te wel gelama, tama aga augwaligo te king bidi nigilama, dąį ilali.

Tuni Bidi Dabego Po Elalubo Buku Si 34:1

Te Josaia aga Juda dabego king pedelali sogo agai kibu be te 8 kibu be elaluali. Tama aga Jerusalemde aga kibu be 31 king bidali.

Te Israel me Juda Hani Sigo Tuni Bidigo Po Elalubo Buku Si 21:19

Te bidi Emon aga te king bidi nigilibo sogo, agai kibu be te bidi sese deli olama, te ugwadu si, te 22, tama te aga Jerusalem bulude te king nigilama bidali kibu be te si digi mu tama bidai. Te aga idago nogi da, Mesulemet, te aga bulu te taun Jotba bulu bidi Harusgo wegi da.

Jeremaia 22:18

Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.

Jeremaia 22:11

Joahasgo gasa nogi Salum, agai te Josaiago pesage hasegelali, te aga aya, tama te Juda king pedelali. Tialima, Joahasgo te Jerusalem taga soalio. Genuai Bidigo Joahasde homu kone palama, te tiwai po wali, “Te bidi ma begasa asogobeo.

Tuni Bidi Dabego Po Elalubo Buku Si 36:11

Te Sedekaia aga king pedelali sogo agai kibu be 21 elaluali, tama aga Jerusalemde king bidibadi nogo si olama deli tama kibu be bidali.

Tuni Bidi Dabego Po Elalubo Buku Si 36:5

Te Jehoiakim aga king pedelali sogo agai kibu be 25 elaluali, tama aga Jerusalemde king bidibadi kibu be te 11 kibu be bidali. Jehoiakimgo Godigo gedude dwai kolesaga iyu yali, te aga Genuai Bidi gedude.

Tuni Bidi Dabego Po Elalubo Buku Si 36:1

Te Josaia isai nosali badu, te Juda dabe augwaligo Joahas sali, te Josaiago ogwa, tama agai tobolude wel gelali, te agai augwaligo king pedalomainu sa muyu, te aga Jerusalemde king bidimainogo.

Te Israel me Juda Hani Sigo Tuni Bidigo Po Elalubo Buku Si 23:34

Tama te king Nekogo agai te bidi Eliakim sali, te king Josaiago gasa ogwa me da, tama te king Neko agai homugo te bidi Eliakim aga te Juda hanigo king bidi nigilainu yali, te bidigo te aga aya Josaiago king sę yali silide bidiyu, king sę yali. Tama te king Neko agai te bidi Eliakim nogi hasegelama, tama aga nogi Jehoiakim poali. Tama nosali te king Nekogo te Joahas aga te Isip buluba odasa pelama, tama aga te Isip bulude bididubadi yaide, isibo bodoluba usu nigi pali.

Te Israel me Juda Hani Sigo Tuni Bidigo Po Elalubo Buku Si 21:26

Tama augwaligo te king Emon te Usago tǫde elalubo gų pageba pubaligi pali. Tama aga ogwa Josaiago tama aga ayago king sę yali silide selama, tama king bidi nigilama, sę yali.

Tuni Bidi Dabego Po Elalubo Buku Deli 3:13

tama Jotam te Ahasgo aya, te Ahas Hesekiago aya, tama Hesekia te Manasego aya dao.

Tuni Bidi Dabego Po Elalubo Buku Deli 3:15

Josaiago ogwa dabe nogi e tiwai. Gomunai ogwa Johanan, tomo ogwa Jehoiakim, te sela wali ogwa Sedekaia, te ene nanobo me si me si wali ogwa Salum da, te aga gasa nogi me Joahas dao.

Te Israel me Juda Hani Sigo Tuni Bidigo Po Elalubo Buku Si 21:18

Tama te king Manase isali, tama augwaligo te aga te kingo be sesegede te obo tomode te tǫ me deli elalubo madigi te king Manase pubulali. Te tǫ te augwaligo e tama nogi wabo, te tǫ te Usago tǫ da. Te aga ogwa, agai nogi te e dao, Emon, tama te bidi agai te bidigo sę yali silide te aga king sę yali.