Tuni Bidi Dabego Po Elalubo Buku Deli 29:6 - Godigo dwagi yai po buku

⁶ Te deli sibi hani bage augwa tobolu bidi dabe dali, te Israel hani dabe augwa tobolu bidi dabego me, te 1,000 ami bidi tonalubo ofisa dabego dali, te 100 bidi tonalubo ofisa bidigo me, te kingo nai dabe doado bage tonalubo bidi dabego badi, augwaligo Devitgo te wali po oda selama da, te augwaligo haliga hogodama, te augwa wiegi yai nai dabe mawai dao.

Tuni Bidi Dabego Po Elalubo Buku Deli 29:6 Referans Kwoze

2 Korin 9:7

Dage tigidali deli deligo te Juda bage tau mabo monede duga digi duga bugagia homugo hasia kone palama, tama te homu kolesaga tiwai wali naga peyu mone mao. Tiyu bidi me deligo mabo naide homu sęgę elama, tama agai homugo bidi dabego bomo ebaso, tama te kolesagade naga agai te nai mani homu me ilamuo. Menio. Agai digi aga homu hasia dodolama, tama te tiwai naga mao. Magi baso meni. Godigo te bidigo wiegi yai homu pemene elama nai mabo kolesaga ebo bidi, te tobage bidi Godigo godolo ebo dao.

Tuni Bidi Dabego Po Elalubo Buku Deli 27:25

Te bidi Asmavet, te Adielgo ogwago, te kingo mone me doado bage tonalubo bidi bidali. Te Jonatan, te Usiago ogwago, te tigidali tǫ kantride elalua pabo moni nai mubo genuai bakstua dabe tonalubo bidi bidali, te taun dabede, me te bidibo bulu dabede, me te hwįabo bomai bulu pesage dabede te moni bakstua elalua palio.

Tuni Bidi Dabego Po Elalubo Buku Deli 28:1

Devitgo te Israel tigidali genuai bidiba po ola tolu, te Jerusalemba sisinagasao po walio. Tibaso te Israel hani dabe augwa kiap polalubo bidi me, te kingo sę ebo genuai hani bidi tonalubo tobolu bidi dabe me, te deli deli hani sibi dabe tonalubo tobolu bidi dabe me, tama te kingo nai doado bage tonalubo bidi me te augwa ogwa dabe dali, te kingo bede sę ebo tonalubo bidi dabe dali me, te bomai ami bidi dabe me, tama te tigidali gegunai bidi dabe te Jerusalemba sisinagasao po wai dao.

Tuni Bidi Dabego Po Elalubo Buku Deli 29:5

Tama me te kolesaga page koneai bidi dabe augwa te gol me silva te Godigo be sę yabo nai te piksade elalubo sulama, gasa nai dabe nigabo sę yaibao. Megi da, dage dego mu agai nai te Genuai Bidiba ofa mabo tiwai yaibawe?” te po wali.

Esra 7:16

Tama me nago te Babilon tǫ pedaide sali te silva me gol tigidali sobadi, te dage Israel we bidi me, te duga pris dabego dali, te Godigo be te Jerusalemde olo maiabo homu yali nai dabe badi selasa pagameo.”

Te Israel me Juda Hani Sigo Tuni Bidigo Po Elalubo Buku Si 12:5

tama pris bidi dabego te we bidi dabe augwaligo dagebolo mabo mone dagego bugagia tonaluao. Tama te sogo dagego suali madigi, te Genuai Bidigo tempel be te me badu pedai badu deli dolai baso da, teda dagego te mone selama, tama dagego te tempel be dolali dodolobo bidi abelao,” wali.

Tuni Bidi Dabego Po Elalubo Buku Si 35:8

Tama te king aga ofisa dabego me te hasa dabe hauwa mu te we bidibolo mayu, me pris dabebolo me Livai dabebolo mayu yali, te augwaligo ofa emainogo. Tama pris tobolu bidi Hilkia me gasa bidi me si augwaligo Genuai Bidigo be tonaluali, te Sekaraia me Jehiel, augwaligo sipsip kibu gǫų hauwa me meme kibu gǫų hauwa, te 2,600 usu nama sese tama sali, me 300 kau kibu omai sali, tama te pris dabebolo mani, te genuai sogo ofa emainu.