Tuni Bidi Dabego Po Elalubo Buku Deli 29:22 - Godigo dwagi yai po buku

²² Tama te side te we bidi dabe augwa te ąį dabe me kibu mi dabe tuali, te gasa ofa yali nai dabe tuyu, tama augwa wiegi yai pemene umabo mu te Genuai Bidiba yai. Tama me te side, te Genuai Bidigo nogide augwaligo wel te Solomon toboluba gealuama, te aga si sogo ma dąį ilama, te aga king pedalumainu ilalio. Tama me augwaligo Sadok te polalubo pris bidimainu dąį ilalio.

Tuni Bidi Dabego Po Elalubo Buku Deli 29:22 Referans Kwoze

Tuni Bidi Dabego Po Elalubo Buku Deli 23:1

Te Devit te monu dabe mu ebaso, agai aga ogwa Solomon sa munama tama Solomon te Israel dabego king pedelai dao.

Te Israel me Juda Hani Sigo Tuni Bidigo Po Elalubo Buku Deli 2:35

Tama kingo Benaia te ami bidi dabego polalubo ofisa bidi nigilali, te Joapgo pesage agai hasegelama sali. Benaia te Jehoiadago ogwa dao. Tama kingo te pris Abiatargo bidali pesage te pris Sadokgo hasegelama somainu nigilali.

Ma Dobola Sali 24:11

Mu tama, augwaligo God suai, tiali goli agai augwali dolobeo. Tama nosali augwaligo nai te bulude tuai.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Kolesaga Koneai Bidigo Pusali Po Elalubo Buku 8:15

Tialima, eno homugo te wiegi yai da homu ebaso, te dago wiegi yai pemene ebo kolesaga wali pabo homu ebao. Te dago wali pabo gasa wiegi yai sunumi me elalubeo. Tibaso, dago te nai me ąį tuyu, te nai dabede dago wiegi yai pemene inao. Mu tama, dago sę ebo sę dene mu yali, tialima dago te pemene ebo kolesaga wali peyu, te tigidali side Godigo da e tǫde bidimainu sula tagalali sogo, te dago wiegi yai pemene inao.

Kolesaga Koneai Bidigo Pusali Po Elalubo Buku 2:24

Dago nai me ąį me tuyu, te dago yali sęde wiegi yai homu pemene eyu bidibaso da, teda usu dao. Po meni. Te sę da bidigo naga me ebeo. Menio. God agade digi te page elalubao.

Nehemia 8:12

Tama te we bidi augwa beba pelama, tama augwa homu wiegi yai pemene elama, te nai me wę tuyu yai. Tama augwaligo te nai dage te nai sǫą pali we bidi mawai. Megi da, augwaligo te Godigo po page bugagia koneama, tama tiyu augwaligo te sę dabe yai dao.

Tuni Bidi Dabego Po Elalubo Buku Si 7:10

Tama te namba 7 poluago 23 deide Solomongo Israel dabe augwali augwa buluba ma pepelamainu tagala palali. Tama augwali ma pepelabo sogo augwali wiegi yai homu pemene mu yali. Magi baso meni, augwaligo Genuai Bidigo tigidali wiegi yai sę Devit dali iyu, me Solomon dali iyu, me Israel we bidi dabe dali iyu yaibaso, te aga we bidi dabe dali.

Te Israel me Juda Hani Sigo Tuni Bidigo Po Elalubo Buku Deli 1:31

Batsebago te po odobo si da, teda te aga kidu sugunama, tama tobolu basi gulama, tama Devitba te tama po wai, “King, nage eno genuai bidi, tama eno homugo nage sesemane sogo nage bugagia bidimainu homu ebao,” te po wai.

Bomai Po 12:7

Te pesage da, te God dago Genuai Bidigo gedude, te dage me duga we wai dagego tuyu, me dage wiegi yai homu pemene yabo madi da, magi baso meni, te Genuai Bidigo dagebolo bomo mayu, tama tigidali dagego yali sę te wiegi yai pedelai baso, tama tiagameo,” wali.

Te Israel me Juda Hani Sigo Tuni Bidigo Po Elalubo Buku Deli 1:33

teda te kingo te tama po augwaliba wali, “Dagego te Solomon te eno donkiba duagulao po walama, tama dage dali, te ena tonalubo ami bidi dabe daligo, aga te wę Gihonba selasa piąo,” po wai.

Esekiel 46:10

King aga eno obo tomoba te we bidi tomoba tula pabo sogo tula peyu emainao. Tama agai te we bidigo te obo taga soabode, agai me taga somainao.

Ma Dobola Sali 18:12

Tama Jetrogo ofa yabo nai me deli sela asali, te siaba tigidali ulama, tama Godibolo mawai. Tama agai meba gasa ofa me te Godibolo yai. Tama Aron dali, te tigidali Israel genuai bidi dabe me aselama, tama Moses aga wąį dali te Godigo gedude nai tuai.

Tuni Bidi Dabego Po Elalubo Buku Deli 12:40

Te tigidali tǫ pedai badu te tigidali Israel, te Isakar me Sebulun me Naptali te hani sela bidibo te not badu usu nama sisinama, te wiegi yai pemene umabo mu eyu, tama augwa te haniani nai sibi te Hebronba sisinibo sę yai. Augwaligo te plaua hauwa badi, te duani wain wai du dabe me, te ni fik kaya te augwaligo olali me salio, te hauwa wain me oliv wel sobadi yali. Augwa te nai dabe te donki dabeba, me kamel dabeba, me bulmakau dabeba ugwadu munama sesalio. Tama augwa te we bidi dabego tuabo bulmakau me sipsip dabe me sesai dao.