Tuni Bidi Dabego Po Elalubo Buku Deli 29:21 - Godigo dwagi yai po buku

²¹ Te nosali side, te we bidi dabe augwaligo te kibu bulmakau bidi sese hauwa mu te 1,000 kibu omai elali, me te kibu sipsip omai 1,000 elali, tama te kibu sipsip waigo te 1,000 sobadi elama, te Genuai Bidiba te isiba tigidali ulubo ofa tiwai elama manio. Tama augwaligo te wain gelebo ofa dabe me yalio. Te tigidali Israel we bidide te gasa ofa dabe me hauwa yalio.

Tuni Bidi Dabego Po Elalubo Buku Deli 29:21 Referans Kwoze

Esra 6:17

Te augwaligo te tama tiali sogo, teda augwaligo te bidi sese a naga te 100 kibu bulmakau sali, te 200 sipsip kibu omai sobadi, te 400 sipsip kibu wai sobadi elama, tama tigidali te Godiba ofa yalio. Tama augwaligo te nogo si olama, sągągo si, te 12 meme kibu omai te dwai sę yali sęgę sela sąwainu salio. Tama augwa te tigidali Israel hani deli deligo sęgę sela sąyu, te deli deli dononama ofa ela palio.

Israel Hanigo Namba 15:7

tama me agai lita deli wain wę selama, habu siyu tama elama, te omai sipsip kibu dali ofa emainao. Te tobage wiegi yai denami ebo ofa eno godolo ebo dao.

Israel Hanigo Namba 15:10

Me agai te wain wę lita si yai siyu, tama elama seselama, tama te nai dabe te kau kibu omai dali ofa yao. Ena Genuai Bidi, eno te tobage wiegi yai denami ebo ofa eno godolo ebo dao,” tama wali.

Israel Hanigo Namba 15:5

Me te wain ąį lita deli yai me siyu, tama elama, tama agai te nai dabe agai te sipsip kibu dali, ma meme kibu dali, eyu emainao,” wali.

Pris Sę Ebo Bomai Po 23:13

Dagego te wiegi yai plaua me badu dage sao, te aga sęgę 2 kilogram, te oliv wel dali taluama, te wit ulubo ofa yao. Te isiba tigidali ulama dabo ofa dali ofa ilao, eno te ofa ebo denami godolo yaibao. Tama dagego te lita deli wain selama, te ofa si dali ofa yao.