Tuni Bidi Dabego Po Elalubo Buku Deli 29:2 - Godigo dwagi yai po buku

² Tama tialima, eno te gol dabe me silva me bras me ni dabe sisinibo sę bomo yali, te Godigo tempel be sę yabo nai dabe nigibo sę yali. Tama eno te haniani gasa sawi yai masigi dabe hauwa sisinanio.

Tuni Bidi Dabego Po Elalubo Buku Deli 29:2 Referans Kwoze

Kolosi 3:23

Tigidali sę dagego ebo, te sę dagego bomo elama yao. Tama dagego duga sę ebadi e homu yao, “Eno e sę ebo, te bidi naga tau siyu ebo menio, te eno e sę ebogo te Genuai Bidi Krais tau sabo dao,” te homu yao.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

2 Korin 8:3

Eno koneama tama eno po hanilama obao: augwaligo augwa digi homu kolesaga wali pelama tama te masigi muani. Augwaligo maiabo nai usu selama, tama te tiwai augwaligo mawai. Awe, augwaligo te maiabo masigi aiyaba elaluama tama umabo mu madu geai.

Jopgo Po Asęani Elalubo Buku 28:16

Awe, mu tama, dago wiegi yai gol masigi Ofir bulude selama, abelabo da usu egobe. Me te genuai mone sabo masigigo me, dago dwagi yai kolesaga dali homu kolesaga si abelegobeo.

Ma Dobola Sali 39:13

Tama te hani me si me side te augwaligo te masigi hani beril, me konilian, me jaspa, te tama masigi augwaligo kęnani. Augwaligo te deli deli masigide te dwasianu gol au ilabo dąų walobo nai muani, tama nosali augwaligo te masigi dabe te ugwa daide, kęnai dao.

Ma Dobola Sali 39:6

Tama augwaligo te masigi konilian si te sisi ela munama, tama Jekopgo ogwa 12 te augwali nogi te masigi side asęnama togwali. Tama te masigi si augwaligo te dwasianu golde kęnanio.

Ma Dobola Sali 28:17

Tama dagego te me si me si nama hani bomai wiegi yai masigi te ugwade wasilama, kęnao. Tama hasia polalubo hani masigi augwaligo nogi wabo te rubi, me topas, me ganet, tama kęnao. Tama te hani side te masigi emeral, me sapaia, me daimon, te tama kęnao. Tama te kęnabo hani sela masigi tekois, me aget, me ametis dao. Tama te kęnabo masigi hani me si me si te beril, me konilian, me jaspa dao. Tama dagego tigidali deli deli masigide te golgo au tiwai dwasianu ilama, tama nosali te masigi dabe ugwago kęnao.

Tigidali Nai Gagalama Nigali Side 2:12

Te Havila bulude te wiegi yai kapa nogi gol elalubo. Tama ni me deli elalubo, te ni kaneme te wiegi yai denami elalubo, te nogi augwaligo te deliam nogi yai. Tama mama yai wiegi yai masigi dabe elalubo, te masigi nogi augwaligo oniks nogi yali. Te nai si te dila pai nai si mu da.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.

Tuni Bidi Dabego Po Elalubo Buku Deli 29:19

“Nago Solomonba wiegi yai homu kolesaga hodolao, eno ogwa da, te agai nago bomai po me nago po mobo mabo wali pelama, tama agai nago te wiegi yai be sę emainao, eno te be sę yabo doado bage sisi ilai dao,” Devitgo te gedu haluasa po tama wali.

Ma Dobola Sali 28:9

Tama augwaligo nogi ebo wiegi yai masigi konilian si selama, te Jekopgo ogwa dabe nogo si olama sągągo si nogi mumainogo yao.

Tuni Bidi Dabego Po Elalubo Buku Si 3:6

Kingo te wiegi yai gol dabe te kantri Parvaimde sai dao. Tama agai te masigi dabe te bidigo abelainogo te genuai prais elalubo sawi yai masigi dabe selama, te be au ilali, te Genuai Bidigo tempel be.

Jopgo Po Asęani Elalubo Buku 28:1

Te Jopgo po ma weyu, te po wali, “Te bidi dabego tǫ aiyanu mu dogobo dao, te silva dali, gol dali si sainu tibo dao. Tama augwaligo te gol dali, silva dali si ulabo madi geselebo dao, te dwai pobelebage sela sąnama, dwagi yai mu emainu.