Tuni Bidi Dabego Po Elalubo Buku Deli 28:9 - Godigo dwagi yai po buku

⁹ “Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

Tuni Bidi Dabego Po Elalubo Buku Deli 28:9 Referans Kwoze

Jeremaia 29:13

Te sogo te dagego homu kolesaga sesego, me dagego kolesagago te ena gegebo sę bomo mu eyu da, teda te dage ena pageba asobo usu yaibao.

Jeremaia 24:7

Te eno augwaliba homu kolesaga mobaso, augwa te tiwai koneaibao, ena digi ena Genuai Bidi bidibao. Te augwali enaba ma asiyu, te enaba homu kęą peyu bidaibao. Te augwali eno hani we bidi mu pedalaibao, te ena augwa God bidaibao,” wali.

Te Israel me Juda Hani Sigo Tuni Bidigo Po Elalubo Buku Deli 8:61

Tiali goli, sesemane sogo dagego te dena Genuai Bidi, te Godiba naga homu kone paliyu, tama aga deli dologode naga bidao,” wali. “Tama dagego te tigidali bomai po me, agai po me, bomonama wali peyu, te dagego megi ebo tiwai gilama yao,” Solomongo augwalibolo te po wai.

Tuni Bidi Dabego Po Elalubo Buku Si 15:2

Tama king Asa te Jerusalemba ma asobadi, te Asaria aga tiąba pelama, tama agabolo e tama po wali, “King Asa, me tigidali Juda dabe, me tigidali Benjamin hani, dagego odiąo. Tialima dage Genuai Bidi dali pąde mu bidiyu da, teda aga dage dali pąde mu bidaibao. Ma, dagego aga gegebo sę iyu da, teda dage aga pąba mu asobo usu yaibao. Tiali goli, dagego aga tudi ola mayu da, teda agai dage tudi ola mawaibao.

Godigo Nogi Ugwaba Sabo Tęąbi Po Wabo Buku Dabe 9:10

God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.

1 Samuel 16:7

Tiali goli, Genuai Bidigo agabolo te po wai, “Nago homugo aga te dili bobage bidi, ma aga te sawia pai suyu, tama eno aga nigilabo homu me egobeo. Menio, eno homugo te bidi king pedalumainu homu ebo hagela homu ebao. Magi baso meni, eno bidi dagalubo sę ebo te e tǫde bidigo bidi dagalubo tiwai gilama me tegobeo. Menio. Te bidi dabego te bidi tigiba tonono ebao. Tiali goli, eno te homu kolesaga me te bidigo kolesagade si sulama, tama eno augwali dagalaibao,” wali.

Dwagi Yai Gesi Po Jongo Asęani 4:24

God da, te mobo bidi dao. Tama bidigo agabolo lotu po weyu da, te bidigo aga mobo bidigo waibao, aga dolo ebo kolesagago me lotu po waibao,” Jisasgo te po wai.

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Aisaia 45:19

Ena geme dualalu, digibulu me bidibeo, ena te be hulia sai pesagede, digibulu geme me dualalu, te eno po pusubeo. Te eno ena we bidi dabe, te Israel dabeba, te tiwai po weyu, ‘Dagego ena te olo bulu pesagede gegebo sę odolali yao,’ wabeo. Menio. Ena Genuai Bidi, eno te mu po naga pusubo dao, te eno po tigidali dolo wabo dao,” wali.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

Jeremaia 22:16

Te doado bage meni yai bidi, me te doado bage sǫą pali bidi dabe, te sogo augwali te po tųba pedalubaso, agai augwaligo po te doloba pai kolesagade dagalali. Tama te tigidali we bidi te bugagia dugulaluali. Ena Genuai Bidi, eno po dolo obao, te ena konea pali bidigo ebo kolesaga mu te tama dao.

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

Tuni Bidi Dabego Po Elalubo Buku Deli 29:9

Te we bidi augwaligo te augwa polalubo tobolu bidi dabego augwa haliga hogodama, te augwa wiegi yai nai mabo sulama, te augwa wiegi yai pemene umabo mu yalio. Tama king Devit me wiegi yai pemene umabo mu yalio.

Te Israel me Juda Hani Sigo Tuni Bidigo Po Elalubo Buku Deli 8:39

teda Genuai Bidi, nage te naga bulu te dagalude bidiyu, tama nago agai gedu haluasa po wabo odolama, tama agai sęgę sela sąyu, te aga tau sao. Nago naga te nago tigidali bidigo homu koneani, tama tiyu, nago te tigidali deli deli bidigo kolesaga dagaliyu, tama augwa te yali kolesagade usu nama, te dene wei ponobo dao.

Godigo Sęba Tagala Palai Bidigo Po 17:30

Tama polobadu te bidi dabe augwaligo te sę ebaso, tama Godigo po me wabe, moni homu me ebe. Magi basowe? Te augwaligo agade kuna konesiąbaso. Tiali goli, megi te sogo God agai bomai po mu tagala palali, tigidali bulude bidibo bidi dabego me odomainu yali. Agai tama wali, ‘Dagego dwai kolesaga ebo tagalama, tama dage ena pageba asao,’ wabo dao.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Godigo Nogi Ugwaba Sabo Tęąbi Po Wabo Buku Dabe 101:2

Te eno doloba pai kolesaga naga wali paibao. Genuai Bidi, mena sogo nago ena tau sagasaibawe? Eno te doloba pai kolesaga naga ena bede ebo dao.

Godigo Nogi Ugwaba Sabo Tęąbi Po Wabo Buku Dabe 7:9

God, nage te doloba pai mu da. Nago te tigidali bidigo haliga me homu te dagalubo dao. Tialima, nago te dwai sę ebo bidi dabego dwai kolesaga ebo te tigidali silao. Tama nago te wiegi yai bidi dabego ebo dwagi yai kolesaga wei ponao.

Bomai Po 31:21

Tama nosali haniani dwai sę dabe augwali tigide pedalaibao. Tama te Israel dabe augwali te dwai sogo bidibo bage augwaligo te balia po gegeda pomainogo egobeo. Te augwaligo te balia po me odubadi geaibao. Tama te balia po augwaligo augwa yali dwai kolesagade homu hogodolaibao. Eno augwali te mawaibao wali te kantriba odasa pisąbadi goli, tiali goli eno augwaligo homu kolesaga polo koneanio,” Genuai Bidigo te po wali.

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

Te Israel me Juda Hani Sigo Tuni Bidigo Po Elalubo Buku Si 22:2

Tama te king Josaia agai te Genuai Bidigo gedude te dwagi yai kolesaga yali. Tama agai te aga wąį nǫų Devitgo yali tiwai dwagi yai kolesaga mu yali, te king Devit, agai te polobadu yali sę. Tama te king Josaia agai te Genuai Bidigo tigidali po agai bomo mu elama, dolo naga wali pali.

Godigo Sęba Tagala Palai Bidigo Po 1:24

Tama augwaligo Jisasbolo te gedu haluasa po wai, “Genuai Bidi, nago tigidali bidi dabego homu kolesaga konebo dao. Tama tibaso, Genuai Bidi, te bidi si me deli nago dabolo dąį ilama,

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Dwagi Yai Gesi Po Jongo Asęani 2:25

Magi basowe? Jisas aga digi te tigidali we bidigo homu mu konea silai. Gasa bidi mego agabolo te we bidigo homu me ola magobeo.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Esekiel 38:10

“E po me pusao, ‘Ena God Genuai Bidi eno te po obao. Gok, te nago augwali dali hwįgi pabo sogo da, teda homu hogodama, tama augwaligo nai nai dabe sabo homu mu yaibao.

Jeremaia 11:20

tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.

Bugagia Bidibo Kolesagade Po Asęai Buku 17:3

Genuai Bidigo te tiwai sulama koneainu yai, da te wiegi yai bidi ma dwai bidi, tama agai te dago haliga usu sula soyu, te gol me silva te siade usu sela subo tiwai ebo dao.

Esra 8:22

Eno te tama po augwaliba wai, magi baso meni, eno te kingba hanalu obaso, te tǫdu asobo ami bidi dabe me te hosdu dualasa asobo ami bidi dabe, te da dali asiyu, te da sunumidu asobadi, te tonalua asidali weyu te eno kingba hanalubo te ena hagela ebao wali. Te ena king dali bidali sogo, eno agabolo te tiwai po walali, “Dago Godigo te aga wali pabo we bidi tigidali te bugagia tonalubo dao,” wali. “Tiali goli, agai te aga tudiba mubo we bidi tigidaliba te haliga sębę eyu, tama agai dwai dene te augwaliba mawaibao.” Eno te tama po kingba wali, tama eno agaba te ami hani dabe po hanalubo te ena hale yali.

Ma Dobola Sali 3:16

“Nage pelama, te Israel tobolu bidi dabe augwali sisinama, te God po augwalibolo wao, ‘Te dagego wąįgo Genuai Bidi, Abraham, me Aisak, me Jekop, te bagego God enaba mu pedelama, dagebolo wabo po ena dali tama wai dao, “Eno suali, te Isip hani augwaligo tigidali dwai kolesaga mu dage dali ebaso, tama eno homu hauwa dage dali ebo dao.

Jeremaia 20:12

Te Tigidali Bomo Elalubo Genuai Bidi, nago te doloba pai we bidi bidi dabe osola subo dao, tama nago te dago homu dali homu kolesaga dagalobo dao, te nago po tų dolasa ebo elalubao. Tialima, eno te sęgę nago nogoba mubao, tama nago te we bidi dabeba dwai dene mayu dolobo sę eno sueibao homu ebo dao.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

Godigo Sęba Tagala Palai Bidigo Po 17:23

Tama ena e be nani tomode bilibadi, eno te dagego umabo godibolo lotu wabo pesage dabe suali. Tama eno dagego te god me delibolo hasa dabe ula mabo pesage me deli sualio. Dagego te hasa dabe ula mabo pesage masigide te po asęani, ‘Te nai dago konesiąwai godigo nai dao.’ Tialima, dagego konesiąwai god, dagego te godibolo lotu po wabo da. Tiali goli, te god de dawe te dagego konebeo. Te god eno megi dagebolo e po pusa mabogo aga dagebolo waselaibao,” wali.

Dwagi Yai Gesi Po Jongo Asęani 8:55

Tiali goli, dagego aga munu me konebeo. Eno da aga hania konebo dao. Eno God aga konebeo po wagi sogo da, teda ena te dage gilama, tibo po wabo bidi tiwai bidigi dao. Tialima, te menio. Eno aga koneai, tama eno agai po wali pabo dao,” Jisasgo te po wai.

Dwagi Yai Gesi Po Jongo Asęani 1:47

Jisasgo Nataniel aga pageba asobo suali. Tama Jisasgo te bidi dabebolo tama wali, “Suiąo. Te asobo bidi aga Israel bidi mu dao. Tibo po aga homude me elalubo meni.”

Godigo Nogi Ugwaba Sabo Tęąbi Po Wabo Buku Dabe 89:26

Tama agai enabolo te tama po waibao, ‘Nage Aya me eno God dao. Nago ena tonalu, tama ena sesemane tau sabo dao.’

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Aisaia 1:28

Tiali goli, te we bidi dabego po sela sąnama, dwai sę elama, God tudi ola mabo we bidi, agai augwali dolama, tama agai augwali mu silaibao.”

Tigidali Nai Gagalama Nigali Side 28:13

Tama Jekopgo suali, te Yawe aga pąde dolalu tama po wai, “Ena Yawe, te nago wąį Abrahamgo God, me Aisakgo God dali dao. Te megi nage e pilamubo tǫ te eno nagebolo mayu, te nago ame nabo waigo wai dabebolo me mawaibao.

2 Korin 8:12

Magi baso meni. Te bidigo godolo mu elama nai maiabo homu ebaso da, teda Godigo te kolesaga godolo mu yaibao. Godigo te bidigo elalubo nai tigidalide homu koneama, tama agai kolesaga tede dagalaibao. Agai te aga elalusiąbo naide me dagalogobeo.

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

2 Korin 9:7

Dage tigidali deli deligo te Juda bage tau mabo monede duga digi duga bugagia homugo hasia kone palama, tama te homu kolesaga tiwai wali naga peyu mone mao. Tiyu bidi me deligo mabo naide homu sęgę elama, tama agai homugo bidi dabego bomo ebaso, tama te kolesagade naga agai te nai mani homu me ilamuo. Menio. Agai digi aga homu hasia dodolama, tama te tiwai naga mao. Magi baso meni. Godigo te bidigo wiegi yai homu pemene elama nai mabo kolesaga ebo bidi, te tobage bidi Godigo godolo ebo dao.

Te Israel me Juda Hani Sigo Tuni Bidigo Po Elalubo Buku Deli 8:43

teda Genuai Bidi, nage te naga bulu dagalude bidiyu, tama nago agai gedu haluasa po wabo odolama, tama nagebolo hanalu, te yao wali sę te sę nago yao. Tama tiyu, te tigidali bulu bidi hanigo te nage koneama, te nage dologode bidaibao, te da Israel dabe, te nago we bidi dabego ebo tiwai gilama yaibao. Tama te augwa koneama, eno te sę yani be, te nago be elalubaso, tama te pesageba te we bidi dabe nage pąba asomainu te tama tiao,” po wali.

Te Israel me Juda Hani Sigo Tuni Bidigo Po Elalubo Buku Si 21:22

Agai te God tudiba mu togolali, te aga wąį nǫųgo Genuai Bidi mu, tama agai te Genuai Bidigo godolo ebo kolesagadu wali pabe.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

Tuni Bidi Dabego Po Elalubo Buku Deli 28:8

Tama Devitgo te we bidi augwaliba te tiwai po ma walio, “Tialima te dena Godigo gedude me, te dage tigidali Israelgo gedude, dage te Genuai Bidigo we bidi dabe, eno te tiwai po dolo mu dagebolo obao. Dagego te bomai po tigidali bugagia wali pao, aga te God, dago Genuai Bidigo dabolo manio. Dagego te tiwai ebaso da, teda dage te wiegi yai tǫde bidaibao, tama te tǫ te dagego tǫ mu elalueibao. Te nosali dagego hanigo wai dabego me te tǫde sesemane bidada pidu, bidada paibao,” te po wai dao.

Tuni Bidi Dabego Po Elalubo Buku Si 6:30

teda, Genuai Bidi, nage nago bulu dagalude bidiyu, tama nago agai gedu haluasa po wabo odama, tama nago aga tau sao. Nago deligo naga bidigo ebo homu kolesaga konebo dao, tama tiyu nago tigidali deli deli bidigo ebo kolesaga dagalama, tama nago augwaligo yali kolesagaba usu nama pe wei mawaibao.

Godigo Nogi Ugwaba Sabo Tęąbi Po Wabo Buku Dabe 89:38

Genuai Bidi, nago te po Devit dali polobadu dąų walai goli, megi nago te sa muani kingba nago wado po wali. Nago aga tagalama, aga tudiba muani.

Bugagia Bidibo Kolesagade Po Asęai Buku 3:6

Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

Aisaia 38:3

“Genuai Bidi, ena nage wali mu aselama, te nago sę yalio. Sesemane sogo eno te nago homu wali pai. Tama tialima, nago eno te yali sę dabe homu kone palama, tama nago ena isimainu me elamuo.” Aga te gedu haluasa po ola silama da, te aga gela umabo mu walio.

Bomai Po 10:12

Te Mosesgo po geninama weyu, te po wali, “Megi da, dage Israel dage bugagia odiąo, te God dago Genuai Bidigo te dagego yao wabo po odao. Dage tigidali sogo God dologode naga bidiąo, tama agai po tigidali wali piąo. Dagego aga godolo mu yao, tama dagego wiegi yai homu pemene dagego homude, me duga homu kolesagade eyu, tama agai sę iyąo. Te tebo yalawainu igimio, te dagego homugo sese tama te tobage kolesaga iyąo.

1 Samuel 12:20

Tiali goli, Samuelgo te tiwai po wei ponani, “Dage munu me wi elamuo. Mu tama, dagego te dwai kolesaga yali, tiali goli dagego te Genuai Bidi tudiba mumainu me igimio. Menio. Dagego aga wali mu peyu, tama dagego agai sę ebo bomonama yao.

Tuni Bidi Dabego Po Elalubo Buku Si 12:5

Te Juda dabego tobolu bidi dabe augwali Sisakde wi elama, wi solama, Jerusalemba Rehoboam dali bidagasali. Tama tialima, Godigo profet bidi aga nogi Semaia agai augwali sugi pelama, e tama po augwalibolo walali. “Genuai Bidigo e tama po wali, ‘Dagego ena tudi ola mani, tama tibaso megi eno dage tudi ola mani dao, tama eno Sisakgo dage aiyaba elalumainogo yali dao,’ Genuai Bidigo te po wali,” te Semaiago te po wai.

Godigo Nogi Ugwaba Sabo Tęąbi Po Wabo Buku Dabe 7:10

God aga da, te ena tonalubo bidi da. Agai te aga po wali pabo bidi dabe tau sabo dao.

Godigo Nogi Ugwaba Sabo Tęąbi Po Wabo Buku Dabe 17:3

Nago eno homude koneai. Nago ena hulide me suagasai, tama nago ena usu sai, tama nago eno homu kolesaga dwai elalubo nago me subeo.

Bugagia Bidibo Kolesagade Po Asęai Buku 4:4

Tama ena dwasianu ogwa bidibadi, te eno ayago ena ola mani. Agai enabolo te tiwai po wali, “Te nago homuba eno po bugagia munama, tama dolo wali pao, tama nage bugagia mu bidaibao,” po wali.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Esekiel 11:5

Genuai Bidigo Mobo Noma Bidi enaba bomonama pedelali, tama Genuai Bidigo enabolo te po manio, “Dage Israel we bidi dabe, eno te dagego mobo mabo po wabo odali. Me eno dagego te elalubo homude te dagego yabo sę tigidali koneai dao.