Tuni Bidi Dabego Po Elalubo Buku Deli 28:8 - Godigo dwagi yai po buku

⁸ Tama Devitgo te we bidi augwaliba te tiwai po ma walio, “Tialima te dena Godigo gedude me, te dage tigidali Israelgo gedude, dage te Genuai Bidigo we bidi dabe, eno te tiwai po dolo mu dagebolo obao. Dagego te bomai po tigidali bugagia wali pao, aga te God, dago Genuai Bidigo dabolo manio. Dagego te tiwai ebaso da, teda dage te wiegi yai tǫde bidaibao, tama te tǫ te dagego tǫ mu elalueibao. Te nosali dagego hanigo wai dabego me te tǫde sesemane bidada pidu, bidada paibao,” te po wai dao.

Tuni Bidi Dabego Po Elalubo Buku Deli 28:8 Referans Kwoze

Bomai Po 4:1

Megi da, Mosesgo te we bidibolo te tama po walali, “Dagego eno megi dagebolo mabo po bugagia wali pobaso, tama dage bugagia bidiagameo. Tama dage duga wąį dabego God, Genuai Bidigo mawainu ebo tǫde bidiagameo, te dagebolo megi mabo tǫ dao.

Aisaia 34:16

Te Genuai Bidigo buku tomoba sulama, nago te nai dabe elalubo po nedao. Tigidali hasa me ba dabe te bukude po wali gilama, te bulu Idomba bidagasaibao. Te me deli augwali me bidigobeo. Magi baso meni, Genuai Bidigo digi augwali asao wali. Te aga Mobo Bidigo augwali sisinama, te augwali odasa asaibao wali.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Esra 9:12

‘Tama tialima, dagego te hani bidiba te dagego wegi mayu, te we te hanide siyu me igio. Tama dagego te augwali bugagia bidimainu tau me sigio, tama dagego te augwaligo mena sę yainu ebo te tau me sigio,’ wali. ‘Te dagego eno po wali pobaso da, teda duga digi te tǫde bugagia bidiyu, tama bomai hani pedelama, tama nosali te duga wąį nǫų dabe, augwa te tǫde bugagia sesemane bidada pomainogo ebo dao,’ nago te po wai.”

Bomai Po 5:32

Tama Mosesgo augwalibolo te po wali, “Dagego bugagia tonaluiąwe, God dago Genuai Bidigo dagebolo mani te tigidali bomai po dabe wali piąwe. Dagego te bomai po me deli geda munamo dao.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

Godigo Sęba Tagala Palai Bidigo Po 10:33

Tama tibaso, eno nage pageba po polo te tagala palai dao. Tama nago dwagi yai kolesaga mu elama, da pageba sabolalio. Tama megi da tigidali Godigo gedude bidibao. Tama dago homugo Genuai Bidigo nagebolo mani po te dago odaibao,” Korniliusgo Pitabolo te po wai.

Bugagia Bidibo Kolesagade Po Asęai Buku 3:1

Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Godigo Nogi Ugwaba Sabo Tęąbi Po Wabo Buku Dabe 119:44

Te nage dwagi yai po eno sesemane bidada pabo sogo wali paibao.

Godigo Nogi Ugwaba Sabo Tęąbi Po Wabo Buku Dabe 119:4

Genuai Bidi, nago bomo yai po tigidali dabolo mayu, tama nago te po wai, da dua bugagia bidiyu, nago bomo yai po wali pabo dolo tama yao.

Bomai Po 29:10

Megi dage Genuai Bidi dago Godigo gedude dolalubao, dage me, te tobolu bidi dabe me, haniani ofisa dabe me,

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Bomai Po 4:6

Dagego te bomai po dabe mu tama wali piąo. Tama te gasa bulu bidi dabego te tiwai sę ebo konemainao, te dagego wiegi yai kolesaga elaluyu, me wiegi yai homu kolesaga hauwa elaluyu ebo augwaligo koneaibao. Tialima, augwaligo dagego te bomai po elalubo po odobo sogo, augwaligo te po waibao, ‘Tegoba! Te we bidi augwaligo wiegi yai kolesaga, me wiegi yai homu kolesaga elalubao,’ po waibao. ‘Augwaligo da mu edelama, mu elalubao,’ waibao,” Mosesgo te po wai.

Godigo Nogi Ugwaba Sabo Tęąbi Po Wabo Buku Dabe 119:27

Nago ena ola mayu, nago bomo yai po wali pao weyu, tama eno nago tigidali dwagi dwagi yai homugo koneaibao.

Tuni Bidi Dabego Po Elalubo Buku Deli 28:7

Tama agai eno bomai po me eno po dali wali pabo sę bomo eyu, te agai megi ebo sę tiwai ebaso da, teda te eno agai hani bidi dabede te sesemane bidada pabo sogo te king pedaludaibao,’ Genuai Bidigo enabolo tama po wali,” Devitgo te po walio.

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

Ma Dobola Sali 23:13

“Tama dagego eno te mabo po tigidali bugagia odolama, wali pao. Tama dagego tibo godibolo te gedu haluasa po me wagio. Tama dagego augwaligo nogi me wagio. Habu mu dao,” te po wali.

Bomai Po 5:33

Te tigidali bomai po bugagia wali peyu da, dagego ebo sę dabe tigidali wiegi yai pedalaibao. Tama dage bobobage sogo mu te megi dagego sainogo ebo te tǫde bidaibao,” Mosesgo te po wali.

Bomai Po 27:1

Tialima, Moses de Israel dabego tobolu bidi dabe, augwaligo te Israel we bidi dabebolo te po walali, “Dagego eno megi dagebolo mabo te po tigidali wali piąo.

Josua 24:20

Tama mu tama, agai polobadu dagebolo wiegi yai sę mu yali, tiali goli te dagego Genuai Bidi tagalama, tama te gasa hanigo tibo Godiba lotu po obaso da, teda Genuai Bidigo po wado po olama, tama agai dage dene ilama, tama agai dage dolaibao,” te po wai.