Tuni Bidi Dabego Po Elalubo Buku Deli 28:6 - Godigo dwagi yai po buku

⁶ Tama Genuai Bidigo enabolo te tiwai po wali, ‘Nago te ogwa Solomongo tama eno be sę badi, te be sesegede elalubo we bidi bilabo pesage dali nigibo sę me yaibao, magi baso meni, eno aga dąį ilama aga eno wai bidimainu yali, te ena agai aya bidaibao.

Tuni Bidi Dabego Po Elalubo Buku Deli 28:6 Referans Kwoze

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Hibru 4:5

Tama te gasa asęani pode me te toma nabo pesagede Godigo te po wai, “Augwali te eno toma nabo pesageba munu me asogobeo. Munu me asogobeo!”

Hibru 3:3

Tama dago koneani, be sę yai bidigo genuai nogigo te aga sę yai bego genuai nogi digi aiyaba elalubo dao. Tama te tiwai me Godigo homugo Jisas koneani, agai te genuai nogi me deli sabogo te Mosesgo genuai nogi te aiyaba elaluabo homu yai.

Tuni Bidi Dabego Po Elalubo Buku Si 1:9

O God, Genuai Bidi, nago enabolo tonalumainu mani te we bidi augwali hauwa mu dao, tama te bidi dabego augwali nedebo usu me egobeo. Tama tialima megi da, eno aya Devit dali nago dąų wali po usu nagasa homu ebao.

Te Israel me Juda Hani Sigo Tuni Bidigo Po Elalubo Buku Deli 5:5

Tama tibaso, megi da, te eno Genuai Bidi Godigo be sę yabo homu ebao. Polobadu Genuai Bidigo te bomai po dąų waliyu, eno ayabolo te tiwai po wai, ‘Eno te nage te naga ogwa me deligo hasegelama, te king pedalumainu yaibao,’ po wai. ‘Tama agai te eno be sę emainogo elama, te we bidi augwali tede ena pąba asomainu yaibao,’ wali. Genuai Bidigo te tiwai bomai po dąų walaligo tama megi da, eno agai te dąų walali bomai poba usu nagasobao,” wali.

Te Israel me Juda Hani Sigo Tuni Bidigo Po Elalubo Buku Deli 8:20

“Genuai Bidigo te bomai po dąų waligo da, tama megi da, agai te tigidali usu nanio. Eno te ena aya Devitgo sę yali pesage hasegelama selama, tama ena te dage Israel bagego king bidibao, te Genuai Bidigo bomai po dąų wali gilama te tiwai yali. Tama te dena Genuai Bidi te Godigo be me deli te eno sę yani, te da Genuai Bidi pąba pomainu yabo be dao.

Esekiel 40:14

Tama nosali te bidigo te dedawali sabide elalubo genuai be habu usu nigo usu sigi pali. Te be habu aga bobobage da, te 10 mita usu nama dao. Te genuai be habu u badu te sunumi te Godigo be bagulai genuai sisinibo pesageba pabo sunumi dao.