Tuni Bidi Dabego Po Elalubo Buku Deli 27:31 - Godigo dwagi yai po buku

³¹ Te tigidali bidigo te king Devitgo nai doado bage tonalubo bidi dabe bidai dao.

Tuni Bidi Dabego Po Elalubo Buku Deli 27:31 Referans Kwoze

Tuni Bidi Dabego Po Elalubo Buku Deli 5:10

Te Sol king bidali sogo, te Rubengo hanigo te Hagar hani dali boi hwįnama, te augwali ela muai. Tama Ruben hani dabego te Hagar hani dabego tǫ selama, tama augwaligo te bulude augwali bidalio. Te tǫ pedai te giliga pedalubo badu te Gileat tǫ pedai badu elaluai dao.

1 Samuel 21:7

Te sogo te Idom bidi me deli, aga nogi Doek, te Godigo bede bidu, tama te ofa ebo sogo tonaluali. Tama agai suali, Ahimelekgo te bret Devitbolo mabo suai. Doek te Solgo bulmakau dabe tonalubo bidi me deli, tama aga te bomai bidi mu dao.

Tuni Bidi Dabego Po Elalubo Buku Deli 27:30

Obil te Ismael hani bidi te kingo kamel dabe tonalubo bidi bidali. Tama Jedea te Meronot bulu bidi aga te donki dabe tonalubo bidi bidali. Te Jasis te Hagar hani bidigo te kibu sipsip dabe meme dabe me tonalubo bidi bidai dao.

Tuni Bidi Dabego Po Elalubo Buku Deli 27:32

Te Jonatan, te Devitgo aga aya sabi bidi da, agai te kingba wiegi yai homu kolesaga mani bidi da, magi baso meni, agai te bomai po bugagia koneama, te wiegi yai kolesaga hauwa koneai mu elaluai. Aga me Jehiel dali si, te Hakmonigo ogwa, augwali sigo te kingo ogwa dabe ola mabo sę elaluai dao.

Tuni Bidi Dabego Po Elalubo Buku Deli 5:19

Augwali pelama, te Hagar, me Jetur, me Nafis, me Nodap hani dabeba boi hwįgi pai dao.

Kolesaga Koneai Bidigo Pusali Po Elalubo Buku 2:7

Eno sę olo yabo sę bidi, me sę olo yabo we me hauwa abelali. Tama te olo sę ebo bidigo wai dabe, me te olo sę ebo wego wai dabe te eno sę olo yabo we bidi pedelali. Te eno bulmakau me sipsip hani hauwa mu elaluali. Te Jerusalemde polobadu bidali bidi dabego te bulmakau me sipsip eno elalubo nai tiwai me elalubeo.