Tuni Bidi Dabego Po Elalubo Buku Deli 26:30 - Godigo dwagi yai po buku

³⁰ Te Hebrongo hani ogwa dabede, augwaligo te Hasabia dali te bidi aga deli hani bidi te 1,700 bidigo te gavman sę emainu dąį ilai. Augwaligo te gavman sę tigidali tonaluali te Israel tǫ kantri pedai te giliga dega sabo badu te wę Jordan pedai badu elaluai. Te bidi hani dabe augwaligo te gavman sę ebo mu koneai, tama te bidi dabego tigidali sę Genuai Bidiba ebo sę tonaluali, te kingo sę me tigidali tonaluai dao.

Tuni Bidi Dabego Po Elalubo Buku Deli 26:30 Referans Kwoze

Tuni Bidi Dabego Po Elalubo Buku Deli 27:17

Te Hasabia, te Kemuelgo ogwago, te Livai hani tonaluai. Tama Sadokgo te Arongo hani tonaluai.

Tuni Bidi Dabego Po Elalubo Buku Deli 23:19

Te Hebron, te Kohatgo me ogwago te ogwa me si me si nama bidali. Gomunai ogwa te Jeria, tomo ogwa te Amaria, te sela ogwa Jahasiel, te ene nanobo ogwa wali te Jekameam dao.

Tuni Bidi Dabego Po Elalubo Buku Deli 23:12

Kohatgo ogwa me si me si bidali. Augwali nogi e tama da, Amram, me Ishar, me Hebron, me Usiel dao.

Israel Hanigo Namba 3:27

Te Kohat hani wai dabe te me si me si elaluali. Augwali te Amram, me Ishar, me Hebron, me Usiel tama.

Tuni Bidi Dabego Po Elalubo Buku Si 19:11

Tama me dagego bugagia odiąo. Te bidi si te po tų odobo bidide polasa pabo bidi si bidaibao. Het pris Amariago dage te Genuai Bidigo bomai po sela sąnama tama te po tų odabo sogo te tonaluaibao. Tama me te namba wan polalubo bidi Sebadaia te Juda dabego tobolu bidi te Ismaelgo ogwago te we bidigo te gavmanigo bomai po sela sąwai te po tų odabo sogo tonaluabo bidi dao. Tama te Livai dabego dage te tigidali po tų ebo sęde tau saibao. Tama tialima, dage dili elama dolaluyu, tama te sę tigidali tama yao. Magi baso meni, Genuai Bidi aga te doloba pai kolesaga ebo bidi dabe dali bidibo dao weyu.” Jehosafatgo augwalibolo te po wali.