Tuni Bidi Dabego Po Elalubo Buku Deli 25:1 - Godigo dwagi yai po buku

¹ Te Devit dali te Genuai Bidigo be tonalubo bidi dabego dali te Asapgo hani ogwa dabe, me Heman me Jedutun, te sela bidi hanigo ogwa dabe te Genuai Bidigo be tomode lotu wabo sę yabo hani dabe dąį ilali. Augwaligo te we bidi dabeba te Genuai Bidigo po pusubo sę elaluali. Augwaligo te gita haniani badi te plet bras badi eleyu, te po dali pusali. Te e da te hani dabego nogi dali te augwaligo yali sę po dali elalubao.

Tuni Bidi Dabego Po Elalubo Buku Deli 25:1 Referans Kwoze

Tuni Bidi Dabego Po Elalubo Buku Deli 6:33

Devitgo te musik wabo sę tonalubo bidi sela dąį ilali. Tama nosali augwa wai dabego me te tobage deli sę naga yalio. Te hasia polalubo bidi te Kohatgo hani, tama aga nogi da te Heman. Agai te tęąbi po wabo mu koneani. Heman te Joelgo ogwa, tama Joel te Samuelgo ogwa, tama

Te Israel me Juda Hani Sigo Tuni Bidigo Po Elalubo Buku Si 3:15

“Awe, eno homugo megi te dagego pelama, te gita gagali ebo bidi, me ma te musik gagali ebo konea pai bidi mu me deli odasa asao,” wali. Awe, tama augwaligo te gita gagali ebo bidi odasa asali, tama te bidigo te gita gagali ebo side, te Genuai Bidi Godigo bomo te Elisaba asali.

1 Samuel 10:5

“Tama nosali nage te Godigo bulu du te taun Gibea te Filistia dabego ami bidi dabe bidalubo madi teba pao. Tama nage te taun pąba pabo sogo, te nago profet hani me deli augwa te bulu dude te alta tagalama, tama aiyaba dulubadi, te gesabidi deliba ununaibao. Tama augwaligo te tobage gita me, tamborin dabe me, ona elebo me, te tiwai eyu, tama te profetgo kolesaga ebo gilama, te Godigo po pususu paibao.

Tuni Bidi Dabego Po Elalubo Buku Deli 6:39

Te Devitgo dąį ilali si wali bidi me nogi, te Asap. Asap te aga ama te Heman dali deli sę ebo bidi da. Tama te musik tęąbi wabo sogo Asap te aga hani dali te Hemango hanigo dolo nogo badu dolaluali. Asap te Berekiago ogwa, te Berekia Simeago ogwa da,

Nehemia 12:27

Te Jerusalem hanu moni masigigo nigai obo silali sogo, te tigidali bidi sisinagaselama, te obo te Godigo da olama, sa mubo lotu wali. Tama augwaligo te Livai dabe i weyu, te bidali pedai badu te taga soyu, te augwali dali deliba siginagaselama, te wiegi yai homu pemene elama, te Godiba balia po weyu, usu da wali. Tama augwaligo te tiwai balia po wabo sogo, te Livai mebago te musik weyu elabo kapa plet si tola siąo wai, tama mebago te haniani gita eliyu yalio.

Tuni Bidi Dabego Po Elalubo Buku Si 34:12

Te bidi dabe augwaligo wiegi yai sę mu yali. Te kingo ofisa dabego te Livai dabego te sę ebo bidi dabe tonalumainu sa muani. Te Livai dabe augwaligo nogi e dao, Jahat, me Obadia, te Merari hani, me Sekaraia, me Mesulam, augwali si te Kohat hani dao. Tama te Livai dabego te gitago te musik elebo mu konea pali.

Tuni Bidi Dabego Po Elalubo Buku Si 23:13

Aga saboligi pelama, tama agai suali, gesi king me te Genuai Bidigo be gesabidi badu ni pos pagede dolalubo suali. Te king dabego ebo tiwai elalubo suali. Tama agai te ofisa dabe me te biugel bu wabo bidi dabe king pąde bidibo agai suali. Tama me agai te we bidi dabe wiegi yai homu pemene ebo suali, tama te we bidi meba augwaligo biugel bu wabo suali. Tama me te Godigo bede wiegi yai musik elebo bidi dabe augwaligo wiegi yai musik mu elebo agai suali, te we bidi wiegi yai homu pemene emainu yali. Tama tibaso, Atalia aga ugwa pisąyali, magi baso meni, aga tabi dwai ebaso. Tama agai po weyu e tama po wali, “Dage bidi dwai dabe, dagego dwai kolesaga elama, ena aiyaba elaluainu yalio,” wali.

Tuni Bidi Dabego Po Elalubo Buku Deli 25:3

Te Jedutungo hani ogwa dabede, augwaligo te bidi nogo a naga me badu kibisa deli dąį ilali, te Gedalia, me Seri, me Jesaia, me Simei me Hasabia, me Matitia da. Tama Jedutun augwa ayago te augwali tonaluali. Augwaligo Godigo po te tiwai kolesagade pusali. Augwaligo te gasa tobage gita me deli elali tama Godiba buba hwį wabo tęąbi po weyu, te aga nogi ugwaba salio.

Godigo Nogi Ugwaba Sabo Tęąbi Po Wabo Buku Dabe 81:2

Te wiegi yai musik te tobage temborin dali, wiegi yai gita dabego, me te kulelede wao.

Nehemia 12:24

Te Israel dabego lotu po odubadi, te God nogi ugwaba siyu, te agaba buba hwi wabo sogo, te Livai dabego te king Devitgo wali po tiwai gilama yali. Devit aga te Godigo po pusubo bidi da. Te Livai hani nani si dolugulama, tama te hani me deligo te balia po ola simanobo si da, teda te gasa hanigo te gasa balia po dage me wei ponoyu wali. Tama Hasabia, me Serebia, me Jesua, te Katmielgo ogwago, te sę tonaluai.

Tuni Bidi Dabego Po Elalubo Buku Si 31:2

Te king Hesekiago te pris dabe me Livai dabe deli deli haniba dobalama, tama augwalibolo te polobadu pris dabe me Livai dabego yali sę tiwai yao po wali. Augwaligo e tobage sę elaluali. Augwaligo te isigo mu dela silibo ofa iyu, me God dali deli homu ebo ofa iyu yabo elaluali. Tama me augwaligo Genuai Bidibolo buba hwi po weyu me agai nogi ugwaba siyu me Genuai Bidigo tempel bede sę dabe hauwa tama iyu yabo elaluali.

Tuni Bidi Dabego Po Elalubo Buku Si 23:9

Tama tialima Jehoiadago king Devitgo ene dabe siyu, me sabele ni name pedai genuai me dwasianu sese selama, te ofisa dabebolo mani. Te nai dabe te Godigo tempel be tomode munalubo dao.

Tuni Bidi Dabego Po Elalubo Buku Si 23:1

Te Atalia kwin we bidibadi kibu be te kibu be 7 wabode, pris Jehoiadago magi sę me yabo homu bomo mu yali. Tama tialima agai te nogo a naga ofisa bidi dabe dali po minama, tama aga tau sabo po dąų wali. Te ofisa dabe augwaligo nogi e tama dao, Asaria te Jerohamgo ogwa, me Jehohanango ogwa Ismael, me Obetgo ogwa Asaria, me Adaiago ogwa Masea, me Sikrigo ogwa Elisafat dao.

Tuni Bidi Dabego Po Elalubo Buku Deli 23:2

King Devitgo te Israel augwa polalubo bidi dabe sisinama, te pris dabe me Livai dabe dali sisinanio.

Tuni Bidi Dabego Po Elalubo Buku Deli 12:28

Tama me Sadok, te gesi ogwa bidi me deli te wiegi yai ami bidi, aga deli hani te 22 bidi dabe dali asalio. Te bidi dabe augwali te ami ofisa bidi dao.

Tuni Bidi Dabego Po Elalubo Buku Deli 6:44

Devitgo dąį ilali sela wali bidi me nogi te Etan, agai te Merari hani tonaluali. Te musik tęąbi wabo sogo te Merarigo hani bage te Heman hani pobase nogo badu dolaluali. Etan te Kisigo ogwa, tama Kisi te Apdigo ogwa, tama Apdi te Malukgo ogwa dao,

Tuni Bidi Dabego Po Elalubo Buku Deli 9:33

Te tobolu bidi hani dabe mebade te Livai hani dabego te wiegi yai tęąbi musik wabo sę meba elaluali. Te bidi dabe augwali te Godigo be obo te dąį togwali be habu tomode piyu yali, magi baso meni, augwaligo sę te siade me hulide me te sę tama yai dao, tama augwaligo gasa sę me ebeo.

Tuni Bidi Dabego Po Elalubo Buku Deli 25:2

Te Asapgo hani ogwa dabede, augwaligo te Sakur, me Josep, me Netania, me Asarela, te tama dąį ilali. Asap aga digi augwali tonaluali, tama te Godigo po te kingo augwalibolo pusao po wabo sogo te po augwaligo pusai dao.

Tuni Bidi Dabego Po Elalubo Buku Si 8:14

Solomongo aga aya Devitgo bomai po dabe me gasa po dabe wali pali, te Godigo sę bidigo po. Tama agai pris bidi dabe deli deli haniba dobayali, te sę tigidali sogo emainogo. Tama agai te Livai dabe te deli deli haniba dobayali, te pris dabe tau selama, te sę emainogo, tama me te Godigo nogi ugwaba sabo tęąbi po me weyu emainu yali. Te Livai dabego augwalibolo emainu deli deli sogo sa muani sę naga ebo dao. Tama me Solomongo deli deli haniba bidi tonaluabo bidi dobayali, te Genuai Bidigo tempel be sunumide tonaluyu emainogo yali.

Tuni Bidi Dabego Po Elalubo Buku Si 23:18

Tama Jehoiadago te Livai dabede pris meba me Livai dabe meba augwali te Genuai Bidigo tempel be tomode sę yabo tonaluabo bidi meba sa muani. Te bidi hani si augwaligo te polobadu king Devitgo augwa wąį dabebolo polobadu yao wali sę tiwai yao wali. Tama augwaligo Genuai Bidibolo isigo mu dela silibo ofa uluyu yao wali, te Mosesgo bomai pode wali gilama tama tiao wali. Tama me augwaligo te ofa ebo side musik eliyu tęąbi po wabo bidi dabe me tonaluyu yao wali, te Devitgo wali gilama.

Tuni Bidi Dabego Po Elalubo Buku Si 35:15

Tama te Asap hanigo Livai dabe, augwali te tęąbi po weyu me musik eliyu ebo bidi dabe dao. Augwali te Genuai Bidigo be tomode augwa dolobo pesagede dolaluali. Te polobadu te king Devit, me Asap, me Heman, me Jedutun te kingo profet te Asap hanibolo ya wali gilama tama tiali. Tama te Livai dabego te Genuai Bidigo tempel be sunumi tonalubo sę elaluali, augwali te deli deli sunumide dolalua pali, te Genuai Bidigo bede. Te hani augwaligo te sę ebo pesage taga pabeo. Magi baso meni, te meba Livai dabego augwaligo nai dabe dola mubaso.

Esekiel 40:44

Tialima, te bidigo ena te namba 2 obo tomode elalubo te bidi dabe sisinibo pesageba odasa pali, te Godigo tempel be gesabidi badu. Tama eno te balia po wabo bidi dabego be habu si suali. Te be habu me te not badu be sunumiba polo badu elaluali, tama u sautba tonoyu ebo suali. Tama me be habu te saut badu obo sunumi be sesegede elaluali, tama u notba tonoyu ebo elaluali.

Te Israel me Juda Hani Sigo Tuni Bidigo Po Elalubo Buku Deli 10:12

Tialima, Solomongo te sę bidi dabebolo te wiegi yai ni sao po olama, tama te Genuai Bidigo tempel be au ilabo nai me, te aga be au ilabo nai me nigibadi yali. Tama me agai augwalibolo te wiegi yai ni selama, te gita dabe nigao po wali, te bidi dabego te musik weyu elimainu yali. Tama te sogo nosali te bidi dabego te tobage wiegi yai ni hauwa te Israel tǫ pedaide me susiąwai.

Tuni Bidi Dabego Po Elalubo Buku Deli 6:16

Te Livaigo ogwa dabe nogi da e tama da, Gerson, Kohat, Merari da.

Tuni Bidi Dabego Po Elalubo Buku Deli 13:8

Tama Devit dali te tigidali Israel dali dwagi yai homu eyu, te karis sela pelayu, te augwa tęąbi wabo sę genuai eyu musik weyu, te Godigo nogi ugwaba mu salio. Augwa te bu wabo nai biugel ponoyu, te hąbidi me gita eleyu, te musik wabo sę haniani mu yalio.

Tuni Bidi Dabego Po Elalubo Buku Deli 15:28

Tama tiali kolesagade te Genuai Bidigo Dąų Wali Bomai Po Muani Halobage te tigidali Israelgo te Jerusalemba selasa pai. Augwa wiegi yai homu pemene elama i bomonama weyu, tama augwa te tobage biugel bu weyu, te brasgo nigali pletba elu, te tobage gita dabe me elali, tama te musik eliyu kulukulu genuai mu pedelalio.

Tuni Bidi Dabego Po Elalubo Buku Deli 25:9

Hasia mu augwali te satu gagali elama, tama augwaligo te Josepgo hani dąį ilali, te Asapgo hani da. Te namba 2 sogo augwaligo te Gedalia dali te aga ogwa dabe me te aga deli hani dabe dali dąį ilali.

Tuni Bidi Dabego Po Elalubo Buku Si 29:13

Me Simri me Juel te Elisafan hani bidi, me Sekaraia me Matania te Asap hani bidi,

Tuni Bidi Dabego Po Elalubo Buku Si 29:14

me Jehuel me Simei te Heman hani bidi. Tama me Semaia me Usiel te Jedutun bidi hani dao.

Esra 2:41

Te Godigo tempel bede musik wabo hani bidi dabe augwali te Asapgo hani bidi te 128 bidi bidali.

Esra 6:18

Tama me, te augwa Godigo be tomode te Jerusalemde sę yabo pris bidi dabe, me Livai bidi dabe augwa hani dabe dodolama te nigilalio, te Mosesgo polobadu asęani bukude wali po tiwai gilama te tama tialio.

Nehemia 11:17

Tobolu bidi Matania te Mikago ogwa, tama agai wąį te Sapdi. Aga te Asap hani da. Te Godigo bede lotu po wabo sogo, Matania te bidi dabego gedu haluasa po weyu, Godiba usu da wabo tonalubo polaluali bidi dao. Tama tobolu bidi Bakbukiago te Matania te sę ebo tau sali. Tobolu bidi Apda aga te Samuago ogwa, tama aga wąį nǫų Galal. Aga te Jedutungo hani dao.

Godigo Nogi Ugwaba Sabo Tęąbi Po Wabo Buku Dabe 81:3

Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.