Tuni Bidi Dabego Po Elalubo Buku Deli 24:19 - Godigo dwagi yai po buku

¹⁹ Augwaligo te dąį ilali pris hani dabe te Genuai Bidigo beba pelama, te augwa wąį nǫų dabe te Arongo yali kolesaga tiwai sę tobage yaibao wali. Polobadu God, te Israel dabe augwa Genuai Bidigo, te po Aronba walama te sę yalio.

Tuni Bidi Dabego Po Elalubo Buku Deli 24:19 Referans Kwoze

Tuni Bidi Dabego Po Elalubo Buku Deli 9:25

Tama me sogo augwa ama dede bidali bulu tagalama asu augwali te tau sabo sę yagasali. Te ama dabe augwa te sę Sadede delide elama, augwa buluba ma peyu yai dao.

Hibru 7:11

Te Livai hani bidi dabe augwaligo te pris bidi sę ebo kolesaga, te kolesaga Godigo Mosesgo pedauwalidu te sę yao wali. Tama te pris bidi sę ebo kolesaga elaluyu, tama Godigo te Israel dabebolo agai bomo yai po hauwa mawai dao. Tiali goli, te Livai dabe augwaligo pris sę yaligo te we bidi augwali usu ilama tama wiegi yai mu pedaligi sogo da, teda te gasagi yai pris, aga te Melkisedek tiwai elama, tama aga te bidi Aron aga hani bidi meni, aga te Livai bidi meni, te tobage gasagi yai pris bidi aga pedaligi meni da. Tiali goli aga pedalama bidibao.

1 Korin 14:40

Tiali goli dage deliba sisinama tama lotu po obadi, te subigila egimio, te sę dodolama tama wiegi yai naga pedalomainao.

Tuni Bidi Dabego Po Elalubo Buku Si 23:8

Tialima te Livai dabe me te Juda bidi augwaligo te Jehoiadago po wali pali, tama te dei Sabatde te ofisa dabe augwaligo te sę silama toma tuainu soabo bidi dabe siyu, me augwali hasegelama sęba painu ebo bidi dabe me siyu, tama augwaligo te bage sese tama odasa asali. Magi baso meni. Jehoiadago augwali te sę silama toma tuainu me pelamo po wai.

Tuni Bidi Dabego Po Elalubo Buku Si 23:4

Tama tialima, megi da eno dage dali mena sę me deli yabo po waibao. Te dage te pris dabe me Livai dabe dage Sabat side sęba asiyu da, dage bidi hani sela peda piąo. Te bidi hani me deli, dage te Godigo tempel be sunumi badu tonaluiąo.

Tuni Bidi Dabego Po Elalubo Buku Deli 24:1

E da te Arongo ogwa dabe hani sibi dabe da. Arongo ogwa dabe nogi da e tiwai elalubao, Nadap, me Abihu, me Eleasar, me Itamar dao.

Dwagi Yai Gesi Po Lukgo Asęani 1:8

Te Sekaraia aga dali deli sę ebo bage sęba asaialio, te Moni Lotu Beba, te Sekaraia aga pągą wali bodolude, te sęde dagalali. Tama tibaso, Sekaraia agai aga pris sę eyu, tama aga te denami yai nai siago ulubo sę egi palio, Godigo gesabidide. Te ebo sę page da, te Godibolo gedu haluasa po pusubo tiwai. Tama tibaso, aga te Moni Lotu Be tempel tomoba pelama, tama te denami yai nai siago uludubadi, we bidi te bulu badu tonaludu, augwaligo Godibolo gedu haluasa po weyu bidali.

Tuni Bidi Dabego Po Elalubo Buku Deli 24:18

te namba 23 te Delaiago hani, me te namba 24 te Masia hani dąį ilai dao.

Tuni Bidi Dabego Po Elalubo Buku Deli 24:20

Te e da te Livai sibigo bidi meba dao. Sebuel, aga me nogi Subael, te Amramgo hani ogwa dabe, te Jedea te Sebuelgo hani ogwa dabe dao.

Tuni Bidi Dabego Po Elalubo Buku Deli 6:34

Samuel te Elkanago ogwa, tama Elkana te Jerohamgo ogwa, tama Jeroham te Elielgo ogwa, te Eliel te Toago ogwa da,