Tuni Bidi Dabego Po Elalubo Buku Deli 23:6 - Godigo dwagi yai po buku

⁶ Te Livai dabede te augwali hani sela elaluali. Augwali te Livaigo ogwa selade te hani pedelali, te ogwa dabe nogi e dao, Gerson, me Kohat, me Merari. Tama Devitgo te Livai dabe te hani selade dobayali, te augwaligo augwa te sę dabe emainu yalio.

Tuni Bidi Dabego Po Elalubo Buku Deli 23:6 Referans Kwoze

Tuni Bidi Dabego Po Elalubo Buku Si 8:14

Solomongo aga aya Devitgo bomai po dabe me gasa po dabe wali pali, te Godigo sę bidigo po. Tama agai pris bidi dabe deli deli haniba dobayali, te sę tigidali sogo emainogo. Tama agai te Livai dabe te deli deli haniba dobayali, te pris dabe tau selama, te sę emainogo, tama me te Godigo nogi ugwaba sabo tęąbi po me weyu emainu yali. Te Livai dabego augwalibolo emainu deli deli sogo sa muani sę naga ebo dao. Tama me Solomongo deli deli haniba bidi tonaluabo bidi dobayali, te Genuai Bidigo tempel be sunumide tonaluyu emainogo yali.

Tuni Bidi Dabego Po Elalubo Buku Deli 6:1

Te Livaigo ogwa dabe nogi te tama da, Gerson, me Kohat, me Merari dao.

Esra 6:18

Tama me, te augwa Godigo be tomode te Jerusalemde sę yabo pris bidi dabe, me Livai bidi dabe augwa hani dabe dodolama te nigilalio, te Mosesgo polobadu asęani bukude wali po tiwai gilama te tama tialio.

Tuni Bidi Dabego Po Elalubo Buku Si 29:25

King Hesekiago polobadu Genuai Bidigo profet Gat me Natan sigo pedauwalidu mani po te Devitbolo mani po wali pali, tama agai te Livai dabebolo olama tama augwaligo te musik elebo te gita dabe selama, Genuai Bidigo tempel be tomoba dolalugi pali.

Tuni Bidi Dabego Po Elalubo Buku Deli 6:16

Te Livaigo ogwa dabe nogi da e tama da, Gerson, Kohat, Merari da.

Tuni Bidi Dabego Po Elalubo Buku Si 35:10

Te augwaligo ofa yabo nai dabe tigidali dodola silama, teda te pris hani me Livai hani augwali augwa bidibo pesage te alta pąba doligi pali, te kingo wali gilama.

Tuni Bidi Dabego Po Elalubo Buku Si 31:2

Te king Hesekiago te pris dabe me Livai dabe deli deli haniba dobalama, tama augwalibolo te polobadu pris dabe me Livai dabego yali sę tiwai yao po wali. Augwaligo e tobage sę elaluali. Augwaligo te isigo mu dela silibo ofa iyu, me God dali deli homu ebo ofa iyu yabo elaluali. Tama me augwaligo Genuai Bidibolo buba hwi po weyu me agai nogi ugwaba siyu me Genuai Bidigo tempel bede sę dabe hauwa tama iyu yabo elaluali.

Tuni Bidi Dabego Po Elalubo Buku Deli 26:1

Te Livai bidi mebago Genuai Bidigo tempel be tonaluali. Augwali nogi e tiwai elalubao. Meselemia, te Korego ogwa, te Asap hani sibidu asali, te Kora hani dao.

Tuni Bidi Dabego Po Elalubo Buku Deli 24:1

E da te Arongo ogwa dabe hani sibi dabe da. Arongo ogwa dabe nogi da e tiwai elalubao, Nadap, me Abihu, me Eleasar, me Itamar dao.

Tuni Bidi Dabego Po Elalubo Buku Deli 23:7

Te Gersongo ogwa dabe nogi e tama tiwai da, Ladan me Simei dao.

Tuni Bidi Dabego Po Elalubo Buku Deli 28:13

Tama me te asęani pode te pris dabeba me Livai dabeba te augwali hani deli deliba te sę yabo kolesaga po dąį eyu, te Genuai Bidigo bede sę yabo kolesaga po obadi yali. Tama te asęani pogo te po weyu, te Genuai Bidigo bede sę yabo plet dabe nigibo kolesaga yabo po walio.

Tuni Bidi Dabego Po Elalubo Buku Si 23:18

Tama Jehoiadago te Livai dabede pris meba me Livai dabe meba augwali te Genuai Bidigo tempel be tomode sę yabo tonaluabo bidi meba sa muani. Te bidi hani si augwaligo te polobadu king Devitgo augwa wąį dabebolo polobadu yao wali sę tiwai yao wali. Tama augwaligo Genuai Bidibolo isigo mu dela silibo ofa uluyu yao wali, te Mosesgo bomai pode wali gilama tama tiao wali. Tama me augwaligo te ofa ebo side musik eliyu tęąbi po wabo bidi dabe me tonaluyu yao wali, te Devitgo wali gilama.

Israel Hanigo Namba 3:3

Mosesgo augwaligo tobolude wel gelama, tama augwali te pris bidi naga nigilali.

Israel Hanigo Namba 3:17

Te Livaigo ogwa sela elaluali. Te Gerson, me Kohat, me Merari, tama dao.

Israel Hanigo Namba 4:4

Augwaligo sę te Tedali Gasagi Yai Mu Be Habu tomode elalubo doado bage dabe tonalubo sę ebo dao,” wali.

Tuni Bidi Dabego Po Elalubo Buku Si 35:4

Dage deli deli bidi wąį tomode deli deli bidi dabe dage tomode Genuai Bidigo be tomode deli tobage sę ebo bidi dabe dage gasa bidi wąį hani tomode doligi peyu yao, te king Solomon me king Devitgo te bukude asęani po yali gilama.