Tuni Bidi Dabego Po Elalubo Buku Deli 23:31 - Godigo dwagi yai po buku

³¹ Tama augwaligo te tobage deli kolesaga te tigidali Sabatde te ofa ulubo sogo eyu, te gesi polua genuai bodolu side me, te gasa lotu wabo genuai side te sę yalio. Te bomai pode te po wai te Livai dabe nisu naga bidigo te sę dabe te deli deli sogo yabo bomai po elaluai. Sesemane sogo te Livai dabego te Genuai Bidiba lotu wabo sę elaluai dao.

Tuni Bidi Dabego Po Elalubo Buku Deli 23:31 Referans Kwoze

Israel Hanigo Namba 10:10

Tama me ma, te lotu wabo genuai sogo me, te gesi noma poluade me, ma gasa lotu wabo genuai sogo me, te biugel eliyu yao. Dagego te biugel te isigo ulama, sese dela silibo ofa ulubode, me homu deliba yainu ebo ofa ebode, te biugel eliyu yao. Tama eno dage koneama, eno dage tau saibao. Ena God, dagego Genuai Bidi, eno polo wali.” Te po wai.

Pris Sę Ebo Bomai Po 23:39

“Te 7 polua 15 dei wabo side, te dagego tau yali nai sela aselama nosali, dagego te nogo a naga olama. me si wabo genuai si te osogo bidabo bede bidiyu, te ena Genuai Bidiba homu kone palao. Te hasia wabo dei me dei 8 wabo side, dage toma nabo side sę tagalama, bidao.

Pris Sę Ebo Bomai Po 23:24

“Te Israel we bidibolo te tiwai po walao. Te 7 polua dei 1, dage toma nao. Te duga genuai side me deli dao, te dagego bu wabo nai biugel bu olama, te dage sisinagaselama, lotu wao.

Kolosi 2:16

Krais aga isaligo te da po tų yabo sę silibaso, dagego bidi me deligo dagebolo po weyu dagego tubo naide me, tubo ąįde me te bomo yai po mabo gogolamuo. Te lotu po wabo tedali sa muani sogo dabe dali, te yaluai polua sogode wabo lotu dali, te Sarere deli deli toma tubo sogode me, te sogo tigidalide te bidi me deligo dagebolo bomo yai po mabo gogolamuo.

Te Israel me Juda Hani Sigo Tuni Bidigo Po Elalubo Buku Si 4:23

Tama aga bidigo te po wai, “Magi baso nago homugo nage megi tama polo paiwe? Nago homugo te Sabat bodolude sabolagasobo tonalubo meniwe, ma te gesi polua genuai bodolude pedalubo tonalubo meni da, agawe?” Tama wego te po wali, “Tagalao, ena homugo dao. Nage dua bidao,” wego te po wali.

Tuni Bidi Dabego Po Elalubo Buku Deli 23:30

Tama te tigidali sogo kigamu me pio augwa te Genuai Bidi gesabidi pąba asobo sę elalu, te wiegi yai pemene eyu agai nogi ugwaba sabo sę yalio.

Tuni Bidi Dabego Po Elalubo Buku Si 24:14

Te sę bidi dabe augwaligo Genuai Bidigo tempel be dodolobo sę silali, tama te gol me silva bugai munaluali. Tama tialima te bos bidi dabego te gol dali silva dali si selama, augwali king de Jehoiada sibolo mani. Tama augwali sigo selama, gasa sę bidi dabebolo menama, augwalibolo te ofa yabo nai plet dabe, te wiegi yai denami ebo pauda ulabo plet dabe geselao po wali, tama te plet dabe me kap dabe me geselao po wali, tama Genuai Bidigo be tomode sę yabo nai meba me geselali. Te Jehoiada bidibadi te we bidi augwali Genuai Bidigo beba pelama, augwaligo isigo mu dela silibo ofa mu iyu yali, te tigidali sogo.