Tuni Bidi Dabego Po Elalubo Buku Deli 23:29 - Godigo dwagi yai po buku

²⁹ Augwaligo te Godiba mabo bret tonalubo sę yali, tama te wit ulubo ofa ebo plaua me tonalubo sę eyu, tama te bisket dabe tonalu te avende ulubo ofa dabe tonalu yali, tama augwa te wel dali taluama ulubo plaua me tonalubo sę yai. Tama me augwaligo te ofa yabo nai dabe dagala mubo sę elaluai dao.

Tuni Bidi Dabego Po Elalubo Buku Deli 23:29 Referans Kwoze

Ma Dobola Sali 25:30

Tama sesemane sogo dagego enabolo maiabo bret te tebolba naga munama, tama eno gedude munaluaibao,” wali.

Hibru 9:2

Augwaligo ugwa be me deli sę yai. Tama te be tomode augwaligo te genuai nami ugwa te obo tiwai dąį ilama walali. Tama e badu, te tų pąde te polalubo be habude te lam me, tebol sai me, te pris bidi dabego te Godigo gedude munalubo bret badi, tama nai munaluai. Te be habu augwaligo nogi yali nogi “Tedali Gasagi Yai Be Habu dao.” Tama te obo tiwai ilama walali nami ugwa te tudi badu te be habu augwaligo nogi yali nogi e tiwai “Tedali Gasagi Yai Be Habu Mu dao” wai.

Nehemia 10:33

Te silvago te bret abelama, te tebolde te God gedude muaibao, tama te tigidali side ofa iduabo wit abelainu yaibao, tama te tigidali side siaba ulama domainu yabo kibu sipsip dabe abelainu yaibao, tama te Sabat side te ofa yabo nai dabe me, tama me te gesi polua side, me te tigidali gasa genuai side te ofa yabo nai dabe abelainu yaibao. Tama silvago te da Israel dabego sęgę sela sąyu ofa yabo nai dabe abelaibao, tama te gasa ofa, me te gasa tigidali nai te Godigo be tomode sę yabo nai dabe dao.”

Tuni Bidi Dabego Po Elalubo Buku Si 29:18

Te pris dabe me Livai dabe augwaligo sę silibo si da, teda augwaligo te king Hesekia sugi pali, tama agabolo te po wali, “Dago te Genuai Bidigo tempel bede tigidali nai dabe sese wiegi yai ilai dao. Te isigo sese dela silibo ofa ebo alta, me te altago doado bage dabe, me augwaligo Godibolo mabo bret mubo tebol, me te tebolgo tigidali doado bage dabe sese tama wiegi yai pedelali.

Tuni Bidi Dabego Po Elalubo Buku Si 13:11

Te tigidali sogo kigamu me pio augwaligo isigo dela silibo ofa eyu, me augwaligo wiegi yai denami ebo pauda dabe ulama, Genuai Bidiba denami holiyu ebo dao. Tama augwaligo Godibolo te ofa tiwai mani te bret siyu ebo dao, tama augwaligo te bret te Godigo gedude doloba pai elalubo tebolba mugi peyu ebo dao. Tama tigidali sogo pio augwaligo lam sole udalobo dao, augwaligo te golgo nigali te lam ni dagede udaliyu ebo dao. Dago Genuai Bidi dena Godigo po wali pabo dao, tama te sę dabe tama ebo dao. Tiali goli dage da, menio, dagego aga tudiba mu ola manio.

Te Israel me Juda Hani Sigo Tuni Bidigo Po Elalubo Buku Deli 7:48

Solomongo te sę bidi dabebolo weyu, te Genuai Bidigo bede muabo doado bage dabe nigao po wali. Tialima, augwa te gol selama, tama te alta, me tebol te Godigo gedude maiabo nai bret muabo nai dabe nigali.

Pris Sę Ebo Bomai Po 7:9

Te tiwai tama naga te prisgo te augwa wit te moni nai ulubo be nogi aven ma sospende, me praipende ulai wit te ofa ebaso da, aga digi te sela tubo usu dao.

Tuni Bidi Dabego Po Elalubo Buku Deli 23:28

Te Livai dabego sę e tiwai elalubao. Augwaligo te Genuai Bidigo bede te Arongo hani tau sabo sę elaluaibao. Tama augwaligo sę te bidi sisinibo pesage dabe me te Genuai Bidigo obo habu tomode tonalubo sę elaluali. Tama te dis me plet dabe te Genuai Bidigo nai da olama sa muani nai, te Genuai Bidigo gedude meda pedelai baso da, teda te Livai dabe augwaligo te nai dabe wiegi yai ma pedalumainu ebo sę elaluai dao. Tama me te Livai dabe augwaligo te tobage gasa sę te Genuai Bidigo be tomode ebo sę elaluai dao.

Tuni Bidi Dabego Po Elalubo Buku Deli 23:30

Tama te tigidali sogo kigamu me pio augwa te Genuai Bidi gesabidi pąba asobo sę elalu, te wiegi yai pemene eyu agai nogi ugwaba sabo sę yalio.