Tuni Bidi Dabego Po Elalubo Buku Deli 23:28 - Godigo dwagi yai po buku

²⁸ Te Livai dabego sę e tiwai elalubao. Augwaligo te Genuai Bidigo bede te Arongo hani tau sabo sę elaluaibao. Tama augwaligo sę te bidi sisinibo pesage dabe me te Genuai Bidigo obo habu tomode tonalubo sę elaluali. Tama te dis me plet dabe te Genuai Bidigo nai da olama sa muani nai, te Genuai Bidigo gedude meda pedelai baso da, teda te Livai dabe augwaligo te nai dabe wiegi yai ma pedalumainu ebo sę elaluai dao. Tama me te Livai dabe augwaligo te tobage gasa sę te Genuai Bidigo be tomode ebo sę elaluai dao.

Tuni Bidi Dabego Po Elalubo Buku Deli 23:28 Referans Kwoze

Nehemia 13:9

Tama eno te pris dabe augwaliba olama, te be habu te augwa ebo kolesaga wali pelama, te Godigo gedude wiegi yai me pedalumainu ilao po wali. Tama eno augwaliba weyu, te Godigo bede sę yabo doado bage te nai tigidali selama, tama te ofa yabo wit, me te wiegi yai denami hano ilibo pauda selama, tama tigidali te be habuba ma muiąo wai dao.

Tuni Bidi Dabego Po Elalubo Buku Si 31:11

Tialima kingo pode te sę bidi dabego te be habu me te Genuai Bidigo tempel be obo tomode elalubo be dabede me dodolali.

Esekiel 42:13

Tialima, te usu ni tolalubo bidigo ena dali te po wali, “Te be si te Godigo be mu dao, tama tedali gasagi yai mu dao. Te pris dabe augwali te Genuai Bidigo beba augwa sę igi pabo dao. Augwali da te be siba pomainao, tama augwaligo te we bidigo Genuai Bidibolo mani te wiegi yai tedali polalubo ofa yali nai tumainao. Te be si te Genuai Bidigo be si mu dao, augwali tedali gasagi yai mu dao. Tama tialima, te pris dabe augwaligo te we bidigo mani tedali polalubo ofa nai dabe te be side muyu emainao. Te da te wit ulubo ofa, me we bidigo sęgę sela sabo ofa, me dwai kolesaga dodolobo ofa yali, te ofa mubo be si dao,” wali.

Esekiel 42:3

Te be tudi te olo tǫ dage te Godigo be bogo badu elaluali, te tǫba dagana sai elaluali. Tama te be gesabidi te genuai sisinibo pesage elalubo, tama ugwaba te bidi bilibo sunumiba ugwaba tonaluali. Tama augwaligo te bede sai sela yai elaluali. Augwaligo namba 2 me namba 3 plua be sai ugwanu tomoba pelama, gana nigai elaluali. Tialima, te bego agabo togobili sela elalubo ąǫ yali.

Esekiel 41:26

Tama te be mabo u badu me, e badu me, te dagade te dwasianu windo dabe elalua pali. Tama te be mabo dagade te ni det piksa elaluali, te windo dabe bogo badu side elaluali.

Jeremaia 35:4

tama eno augwali te Genuai Bidigo beba odasa pali. Tama eno augwali te Hanango hanigo be habuba odasa pali, te Ikdaliago ogwa dao. Hanan te Godigo po wali pabo bidi me deli bidai. Te be habu te Genuai Bidigo bede bidibo ofisa bidi dabego be habu pąde elaluali, te Maseago be habu ugwadu daide elaluali, te Salum ogwa. Masea te Genuai Bidigo bede te polalubo ofisa bidi me deli dao.

Nehemia 11:24

Tama Petahia te Mesesabelgo ogwa, te Sera hani sibi, te Juda hani dao. Tama Petahia te Persia bidali te Israel dabe augwa pedauwali deliba munama, te king bidibolo po omainu ebo bidi bidai dao.

Esra 8:29

Te nai dabe te bugagia tonalua peyu, te dage Godigo beba sabaligi paboba usu nigi piąo. Tama dage sabaligi pabo sogo da, dagego te tigidali gol me silva me tigidali dis pou ma dodolama, te pris dabego polalubo bidi dabeba, me Livai dabebolo te Israel tobolu bidi te Jerusalemde bidibo bidi dabeba maiąo,” po wai dao.

Tuni Bidi Dabego Po Elalubo Buku Si 29:5

Tama agai augwalibolo te po wali, “Dage Livai dabe, dage duga digi Genuai Bidibolo maiąo, te dago wąį dabego Godibolo. Tama te tempel be te agaduba be mu sa muao. Tama dagego Godigo gedude te be meda ilibo doado bage dabe sese buluba sela sąyao.

Tuni Bidi Dabego Po Elalubo Buku Deli 28:13

Tama me te asęani pode te pris dabeba me Livai dabeba te augwali hani deli deliba te sę yabo kolesaga po dąį eyu, te Genuai Bidigo bede sę yabo kolesaga po obadi yali. Tama te asęani pogo te po weyu, te Genuai Bidigo bede sę yabo plet dabe nigibo kolesaga yabo po walio.

Tuni Bidi Dabego Po Elalubo Buku Deli 23:4

Tialima Devitgo te tama po wali, “Te bidi dabe augwalide te 24,000 bidigo te Genuai Bidigo tempel bede sę ebo tonalumainao, me te gasa 6,000 bidigo te ofisade pepa asębo kuskus bidi sę eyu, te po tų odobo sę ebo bidi bidimainao.

Tuni Bidi Dabego Po Elalubo Buku Deli 18:17

Te Benaia, te Jehoiadago ogwa, agai te king Devit seselalubo ami dabe tonalubo ofisa bidali, te augwali Keret me Pelet hani dabe da. Tama te Devitgo ogwa dabe augwali te gavmande genuai bidi naga bidai dao.

Te Israel me Juda Hani Sigo Tuni Bidigo Po Elalubo Buku Deli 6:5

Tama te gasa be me badugo te habu selabo be habu sela bagulai elaluai. Te be habu badu te dwasianu be habu dabe hauwa elaluali, tama te be habu badude te sela be soiyame ni sawali elaluai.

Tuni Bidi Dabego Po Elalubo Buku Deli 23:27

Tama nosali, te bidi dabe augwaligo te Devitgo simanobo po wali pelama, tama augwaligo te Livai hani dabe nogi asębo sę yali. Te Livai bidi dabego kibu be bidi sese deli edelebaso da, teda te bidi dabego augwaligo nogi mubo pesageba muani, augwa te Genuai Bidigo bede sę emainu yai dao.

Tuni Bidi Dabego Po Elalubo Buku Deli 23:29

Augwaligo te Godiba mabo bret tonalubo sę yali, tama te wit ulubo ofa ebo plaua me tonalubo sę eyu, tama te bisket dabe tonalu te avende ulubo ofa dabe tonalu yali, tama augwa te wel dali taluama ulubo plaua me tonalubo sę yai. Tama me augwaligo te ofa yabo nai dabe dagala mubo sę elaluai dao.

Tuni Bidi Dabego Po Elalubo Buku Si 23:6

Te pris dabe dali Livai dabe augwaligo te pris dabe tau sabo sę elalubao. Augwali naga te Genuai Bidigo be tomoba pabo usu yaibao. Magi baso meni, Godigo augwali naga sa muai dao, te bede agai sę emainu. Tiali goli me olo we bidi augwali te bulu badu bidimainao, te Genuai Bidi aga digi wali gilama.

Tuni Bidi Dabego Po Elalubo Buku Si 29:15

Te Livai dabe augwali hogodama, augwa haniba pelama, augwaligo augwa digi Genuai Bidigo gedude wiegi yai pedalobo kolesaga wali pali. Augwali wiegi yai pedalama, tama augwaligo Genuai Bidigo bomai po wali peyu, tama augwaligo Genuai Bidigo tempel be dodolali, te kingo augwalibolo wali gilama tama tiali.

Tuni Bidi Dabego Po Elalubo Buku Si 31:2

Te king Hesekiago te pris dabe me Livai dabe deli deli haniba dobalama, tama augwalibolo te polobadu pris dabe me Livai dabego yali sę tiwai yao po wali. Augwaligo e tobage sę elaluali. Augwaligo te isigo mu dela silibo ofa iyu, me God dali deli homu ebo ofa iyu yabo elaluali. Tama me augwaligo Genuai Bidibolo buba hwi po weyu me agai nogi ugwaba siyu me Genuai Bidigo tempel bede sę dabe hauwa tama iyu yabo elaluali.

Esekiel 40:17

Tama tialima, te bidigo ena oda selama, tama da sigo te be habu tagalama, tama te obo tomode genuai sisinibo pesage te Godigo be bagulama tomode elalubo, teba pesageba pali. Tama eno 30 be habu te sisinibo pesagede bogo badu elalua pabo suali, te sisinibo pesage bogo badu selade naga. Tama augwali te masigigo nigai genuai oboba ugwa mu dagana sai elaluali. Tama te be habu dabe gesabidi badude augwaligo masigi du dabe wasilama, tama bilibo pesage nigai suali, agai te pedu elalubo suali. Te bilibo pesage te tigidali be habu gesabidi badu naga elalua pabo suali.

Tuni Bidi Dabego Po Elalubo Buku Si 23:4

Tama tialima, megi da eno dage dali mena sę me deli yabo po waibao. Te dage te pris dabe me Livai dabe dage Sabat side sęba asiyu da, dage bidi hani sela peda piąo. Te bidi hani me deli, dage te Godigo tempel be sunumi badu tonaluiąo.