Tuni Bidi Dabego Po Elalubo Buku Deli 23:25 - Godigo dwagi yai po buku

²⁵ Devitgo te tama po wali, “God, Israelgo Genuai Bidigo, te agai we bidi augwaliba bugagia bidabo bodolu mawai, tama aga da te Jerusalemde sesemane sogo bidaibao.

Tuni Bidi Dabego Po Elalubo Buku Deli 23:25 Referans Kwoze

Tuni Bidi Dabego Po Elalubo Buku Deli 22:18

Tama agai te tiwai po augwaliba wali, “God, dago Genuai Bidi, te dage dali bidibao. Agai eno te e tǫde polobadu bidali we bidi hani dabe augwali aiyaba elalumainu ilama, tama megi da augwali te aga me dage dologode bidibao. Te tama tiali kolesagade agai te wiegi yai bodolu si dageba menama, te dage bugagia tegaluama bidu, te boi bidi augwaligo dageba munu ma boi hwįbe dao.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Godigo Nogi Ugwaba Sabo Tęąbi Po Wabo Buku Dabe 135:21

Te Saionde bidalubo we bidi dabe, te Jerusalem, te Genuai Bidigo pesage mu da, te agai nogi ugwanu sao. Genuai Bidigo nogi ugwanu mu sao.

2 Samuel 7:1

King Devit aga bede bidiyu, tama bugagia dulaluali, magi baso meni, Genuai Bidigo te boi bidi dabego te Israel dabeba hwįagasomainu me ilibeo.

Kolosi 2:9

Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Aisaia 8:18

Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali.

Godigo Nogi Ugwaba Sabo Tęąbi Po Wabo Buku Dabe 68:18

God te ugwanu mu yai bulu duba holama, tama agai te kalabus bidi hauwa sela pai. Agai te hagoma ebo bidi dabego te aga dali hwįani bagego nogode te haniani wiegi yai nai sela peyu, aga dali pali. God, Genuai Bidi, te bulu dude bidaibao.

Godigo Nogi Ugwaba Sabo Tęąbi Po Wabo Buku Dabe 68:16

Nage te sau pado hauwa dalubo bulu du da, magi baso nago te God aga dugulaluainu ebo bulu du sulama, tama nago homugo te olo nai tiwai da homu ebawe? Genuai Bidi da, te bulu dude bidada pidu, bidada paibao.

Godigo Nogi Ugwaba Sabo Tęąbi Po Wabo Buku Dabe 9:11

Genuai Bidi God te Saion hanude king bidibao. Dagego te aga nogi ugwaba siyu, te tęąbi waiyąo. Tama dagego te tigidali Israel hani isąwai bidiba po hanilama weyu, te agai yali tigidali bomai sę po waiyąo.

Te Israel me Juda Hani Sigo Tuni Bidigo Po Elalubo Buku Deli 8:27

“Tiali goli, God, te mu tama nage te tǫba bidagasainu homu ebo da, agawe? Dagalu te genuai pesage mu tama da, tiali goli te nage bidabo pesage te genuai me elalube. Tama magi baso te eno nago be sę yani te be te nago usu da waibawe? Te be usu egobeo.

Te Israel me Juda Hani Sigo Tuni Bidigo Po Elalubo Buku Deli 8:13

Tiali goli, megi da, eno te nago be wiegi yai mu me deli sę yani elalubao, tama nage te bede sesemane sogo bidada peyu, bidada pagameo,” wali.

Tuni Bidi Dabego Po Elalubo Buku Si 23:18

Tama Jehoiadago te Livai dabede pris meba me Livai dabe meba augwali te Genuai Bidigo tempel be tomode sę yabo tonaluabo bidi meba sa muani. Te bidi hani si augwaligo te polobadu king Devitgo augwa wąį dabebolo polobadu yao wali sę tiwai yao wali. Tama augwaligo Genuai Bidibolo isigo mu dela silibo ofa uluyu yao wali, te Mosesgo bomai pode wali gilama tama tiao wali. Tama me augwaligo te ofa ebo side musik eliyu tęąbi po wabo bidi dabe me tonaluyu yao wali, te Devitgo wali gilama.

Josua 23:1

Te kibu be hauwa bidama, tama Genuai Bidigo te boi pilama wiegi yai pemene ebo sogo te Israel dabebolo mani. Tama augwaligo te bidalua pabo boi bidi dabe dali te boi me hwįbeo. Te megi da, te Josua monu dabe mu yali.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.