Tuni Bidi Dabego Po Elalubo Buku Deli 22:8 - Godigo dwagi yai po buku

⁸ Tiali goli Genuai Bidigo po enabolo mayu, te tiwai po wali, ‘Devit, nago eno be sę enamuo, magi baso meni, nago boi hauwa hwįnama, te bidi hauwa ela muai. Eno suali, nago bidi hauwa ela muani, tama tibaso eno homugo nago te be sę me egobeo. Menio.

Tuni Bidi Dabego Po Elalubo Buku Deli 22:8 Referans Kwoze

Tuni Bidi Dabego Po Elalubo Buku Deli 28:3

Tiali goli Godigo enabolo e tiwai po walio, ‘Devit, nage te ena pageba asabo we bidi augwaligo lotu wabo be sę yabo dąį ilali bidi nage menio. Magi baso meni, nage te ami bidi bidali sogo nago te bidi hauwa ela muai dao,’ Godigo enabolo te po wali.”

Te Israel me Juda Hani Sigo Tuni Bidigo Po Elalubo Buku Deli 5:3

“Nago koneani, te eno aya Devit te king bidali sogo, agai te aga Genuai Bidi Godigo be te sę yabo sogo te meni yani, magi baso meni, te tigidali sogo te boi bidi dabego agaba hwįagasu iduali. Agai homugo te Genuai Bidigo te boi bidi dabe bolo elalumainu homu elama, tama nosali agai te Genuai Bidigo be sęwaiba homu yali.

Israel Hanigo Namba 31:24

Te dei namba 7, tede dage te duga ugwa dabe ąį tedalama, tama dage Godigo gedude wiegi yai pedalaibao. Tama dage te bidi bidibo pesage tomoba pagameo,” Eleasargo te po wai.

Israel Hanigo Namba 31:20

Tama dagego te duga nai dabe me te Godigo gedude wiegi yai pedalobo kolesaga iyąo. Te da, te dagego ugwa dabe, me te augwaligo kau kibu waligo nigai nai me, te meme nisigo nigai nai me, te ni name dage me.” Mosesgo te po wai.

Te Israel me Juda Hani Sigo Tuni Bidigo Po Elalubo Buku Deli 8:19

Tiali goli, nago digi eno te be me sę egobeo. Menio. Te nago ogwa mu me deligo te eno be sę emainu yaibao, te eno we bidi dabe augwali te ena pąba asomainu yaibao,’ God Genuai Bidigo te po wali.”

Te Israel me Juda Hani Sigo Tuni Bidigo Po Elalubo Buku Deli 1:20

Eno king, te odao. Te Israel we bidi tigidaligo te nageba digi te tonalu, te dego mu nage hasegelama, te king pedelabo po nago digi wabo te tonalubao,” te po wai.

Te Israel me Juda Hani Sigo Tuni Bidigo Po Elalubo Buku Deli 5:17

Te sę bidi dabego te Solomongo po wali pelama, tama augwali te gasa sawi sawi yai masigi elalubo pesageba pelama, tama te masigi moni moni bage togwali, te wasilama, te daide ugwadu te Genuai Bidigo be sę yainu tama tiali.