Tuni Bidi Dabego Po Elalubo Buku Deli 22:7 - Godigo dwagi yai po buku

⁷ tama agabolo te tama po walali, “Ogwao, ena digi eno te we bidi augwali te dago Genuai Bidi God pageba aselama, te agaba lotu wabo be me deli sę yabo homu yali.

Tuni Bidi Dabego Po Elalubo Buku Deli 22:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 132:5

Hasiabolo eno te Genuai Bidigo pesage me deli nigaibao, te Israelgo Bomai God, te aga bidimainu yabo pesage nigilaibao. Tama nosali te ena toma naibao,” wai.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Esra 6:12

Godigo te bulu Jerusalem naga sa muai dao, te aga bidibo pesage tiwai elaluai. Tama aga digi te mena king ma te we bidi hanigo eno te po sela sąyu, tama Godigo te Jerusalemde elalubo be dolobaso da, te God aga digi te bidi aiyaba elalueibao. Ena Darius, eno te po wali dao. Dage tigidaligo eno po wali piąo,” wai.

Tuni Bidi Dabego Po Elalubo Buku Si 2:4

Eno megi God eno Genuai Bidigo lotu be me deli sę yainogo ebao. Te be da te God aga be mu elaluaibao, tama ena dali eno we bidi da te lotu be tomoba pelama, tama wiegi yai pauda te wiegi yai denami hano holomainu ulubo pauda uluyu yaibao. Tama tigidali sogo ofa tiwai mabo te bret tigidali sogo dago Godigo gedude muyu yaibao. Tama me dago isigo sese dela silibo ofa me iyu yaibao. Dago te ofa dabe tigidali sogo kigamu dabe iyu, me pio dabe iyu, me tigidali Sabat side iyu, me te gasa genuai sogo me ofa iyu, me gesi polua pedalobo side ofa iyu, me gasa genuai sogo te God dago Genuai Bidiba lotu wabo sogo ofa iyu yaibao. Agai da Israel dabebolo te tama sę tigidali sogo iyu ya po wai dao.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Te Israel me Juda Hani Sigo Tuni Bidigo Po Elalubo Buku Deli 8:29

Nago te po wali, te nago we bidi te nage pąba asomainu yabo be da po wai. Tama eno homugo nago te beba tigidali sogode tonalumainu homu ebao, te giligade me hulide, tama ena nago sę bidi eno te beba tonaluyu, te gedu haluasa po nageba wabo sogo da, teda nago eno te gedu haluasa po wabo odobo usu yaibao.

Bomai Po 12:21

Tialima, te lotu wabo pesage digibulu mu yaibaso da, teda dagego eno wali po sao. Dagego te kau kibu o sipsip kibu elao, tama dagego te hasa dabe duga bulude tuiąo, te Genuai Bidigo mani, te nai dabe. Dagego te sę tigidali sogo dagego godolo ebo sogo tama tiao.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

2 Samuel 7:1

King Devit aga bede bidiyu, tama bugagia dulaluali, magi baso meni, Genuai Bidigo te boi bidi dabego te Israel dabeba hwįagasomainu me ilibeo.