Tuni Bidi Dabego Po Elalubo Buku Deli 22:19 - Godigo dwagi yai po buku

¹⁹ Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

Tuni Bidi Dabego Po Elalubo Buku Deli 22:19 Referans Kwoze

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

Bomai Po 4:29

Tama te sogo dagego homu hogodama, tama dagego duga dago God Genuai Bidiba ma asabo homu mu hogodaibao. Te dagego sese homugo me sese homu kolesagago aga gegabo homu yali da, teda dage aga pąba mu asiagameo.

Tuni Bidi Dabego Po Elalubo Buku Deli 16:11

Sesemane sogo dago te Genuai Bidi pageba pelama, te agabolo hanalu te da tau selama bomo momainao.

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Tuni Bidi Dabego Po Elalubo Buku Deli 22:7

tama agabolo te tama po walali, “Ogwao, ena digi eno te we bidi augwali te dago Genuai Bidi God pageba aselama, te agaba lotu wabo be me deli sę yabo homu yali.

Tuni Bidi Dabego Po Elalubo Buku Si 5:7

Augwaligo te hasa dabe ofa ela silama da, teda te pris dabego te halobage te tempel be tomoba augwaligo te Tedali Gasagi Yai Mu Be Habu me elaluali te Be Habu dodolagalai elaluali teba sela pali, te Genuai Bidigo be tomode, te ensel bidi sigo bogo si dologode muani.

Te Israel me Juda Hani Sigo Tuni Bidigo Po Elalubo Buku Deli 8:6

Augwa te tigidali kibu dabe ofa ela silama da, teda te pris dabego te Dąų Wali Bomai Po Muani Halobage te Genuai Bidigo tempel be tomoba tolasa pelama, tama agai te muainu sisi ilali pesage te Tedali Gasagi Yai Mu Be Habuba muani, te ensel mobo bidi noma sigo bogo dologoba muai dao.

Te Israel me Juda Hani Sigo Tuni Bidigo Po Elalubo Buku Deli 8:21

Tama eno te pesage me deli te be tomode nigali, te Dąų Wali Bomai Po Muani Halobage muabo madi. Te halobagede te dago wąį nǫų dabe te Isip tǫ tagalama, te bidi meni yai bulu te Sainai bulu duba odasa aselama bidali sogo, te Genuai Bidigo mani bomai po asęani masigi sawali si te halobagede munaluali,” Solomongo te Israel we bidi dabebolo te po wai.

Godigo Sęba Tagala Palai Bidigo Po 22:16

Nage magi baso tonalubawe? Nage hodaluama, tama baptais sao. Nago dago Genuai Bidi i wao, tama agai nago dwai kolesaga yali sęgę tigidali sela sąmainu tama yao,’ Ananaiasgo enabolo te po wai,” Pol agai te po wali.

Tuni Bidi Dabego Po Elalubo Buku Si 6:11

Tama eno te Dąų Wali Bomai Po Munalubo Halobage te be tomoba muai dao. Te halobage tomode te bomai po te we bidi dabe dali dąų walama asęani te masigi si te halobage tomode munaluali, te Israel we bidi dabe dali dąų walali po asęani masigi sawale si,” Solomongo te po wali.

Tuni Bidi Dabego Po Elalubo Buku Si 20:3

King Jehosafat agai te po odama, aga wi mu yali. Tama agai homu boma pai mu elama, te Genuai Bidigo homu kolesaga hanalu wabo homu yali. Tama tialima, agai bomai po te kantri Juda tigidali badu we bidi dabe augwaligo nai gisilama Genuai Bidiba gedu haluasa po wao po wali.

Te Israel me Juda Hani Sigo Tuni Bidigo Po Elalubo Buku Deli 5:3

“Nago koneani, te eno aya Devit te king bidali sogo, agai te aga Genuai Bidi Godigo be te sę yabo sogo te meni yani, magi baso meni, te tigidali sogo te boi bidi dabego agaba hwįagasu iduali. Agai homugo te Genuai Bidigo te boi bidi dabe bolo elalumainu homu elama, tama nosali agai te Genuai Bidigo be sęwaiba homu yali.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Hagai 1:5

Ena Genuai Bidi, Eno Tigidali Bomo Elalubo Bidi, eno dagebolo e tama po obao, dagego homu kolesaga hauwa agea peyu tama te duga tigiba te dwai nai pedelalide homugo kone palao.

Daniel 9:3

Tialima, eno gedu haluasa po te God Genuai Bidiba wabo gagalali. Eno haliga hobede mu yali, tama eno nai munu me tusiąma, tama eno te homu dene ebo ugwa bea selama, tama sia keli eno tigide muani. Ena te tiwai bidiyu, tama eno gedu haluasa po bomonama te Genuai Bidiba wali.

Aisaia 60:1

Genuai Bidigo te po wali, “Jerusalem, nage hogodama, te giliga nanobo ula tiwai yao, magi baso meni, megi eno genuai ula me bomo, Genuai Bidigo ula te nage daide ugwadu yaibao.

Tuni Bidi Dabego Po Elalubo Buku Deli 22:16

te tama nai dabego haniani nai nigibo koneai bidi hauwa elalubao. Nago sę hodolao, tama te Genuai Bidi nage dali bidaibao,” Devitgo te po wali.

Godigo Nogi Ugwaba Sabo Tęąbi Po Wabo Buku Dabe 14:2

Genuai Bidi dagalude bidiyu, tama agai tǫde bidibo we bidi aiyaba tonalubo dao. Agai te kolesaga koneai bidi me deli gegeyu, te God gegebo sę ebowe naga suainu tebo dao.

Jeremaia 29:13

Te sogo te dagego homu kolesaga sesego, me dagego kolesagago te ena gegebo sę bomo mu eyu da, teda te dage ena pageba asobo usu yaibao.

Ma Dobola Sali 25:8

Tama te we bidi augwalibolo te po olama, tama te ofa mani naigo augwaligo te eno ugwa be me deli sęnama, te wiegi yai tedali bede ena augwali dali tomode bidaibao.

Tuni Bidi Dabego Po Elalubo Buku Deli 16:10

Dago wiegi yai pemene elama, te agaba genuai nogi mao. Te Genuai Bidi pageba pabo bidi dabe augwali te wiegi yai pemene mu emainao.

Godigo Nogi Ugwaba Sabo Tęąbi Po Wabo Buku Dabe 119:2

Homu si isiąwai bidi dabe, augwali Godigo po tigidali wali pabo bidi dabe, augwaligo homu dwagi yai yao.

Hagai 1:8

Odao. Dage te ugwa bulu duba holama, tama dagego te eno be ma sę yabo ni dabe togolama sao,” wali, “tama dagego ma sę yao, tama eno bugai homu pemene elama gana paibao,” wali. “Tama dagego enaba naga lotu po weyu yao, tama tibo kolesagago ena genuai nogi saibao,” Genuai Bidigo te po wali.