Tuni Bidi Dabego Po Elalubo Buku Deli 22:15 - Godigo dwagi yai po buku

¹⁵ “Nago sę yabo bidi hauwa elalubao. Te masigi togobo bidi dabe, me te masigigo be sę ebo koneai bidi dabe elalubao. Te be sę ebo kamda dabe me elalu, te tobage nai dabe te gol me silva me bras me ain,

Tuni Bidi Dabego Po Elalubo Buku Deli 22:15 Referans Kwoze

Ma Dobola Sali 35:35

Genuai Bidigo te bidi si te haniani sę yabo homu kolesaga mawai dao, te masigi togobo sę, me te gasagi yai au yai piksa noma nigibo sę me, te wiegi yai gasa au yai ugwa hobolobo sę me, te hobigo au ebo sę me, te augwaligo sisi yai me mama yai sipsip nisigo augwaligo nigai. Augwali sigo te tigidali nai me, te piksa noma dabe me augwaligo nigainogo ebo, te augwali sigo te sę dabe me ebo te usu yaibao,” Mosesgo te po wai.

Ma Dobola Sali 35:32

Tama agai homude bugagia koneama, tama te gol, me silva, me bras, te nai dabego te sę emainogo yai.

Ma Dobola Sali 28:6

“Tama augwaligo te husugu hobi, me mama hobi te augwaligo sipsip nisigo nigali, me te gol hobi selama, tama wiegi yai ugwago hobolama, bugagia au ilao. Te tobage sę ebo mu koneai bidigo naga te sę yao.

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

Tuni Bidi Dabego Po Elalubo Buku Deli 22:14

“Ena te sę dene mu elama, te tama nai sisinani, te 3,500 ton golgo sęgę, me te 35,000 ton silva, te tama sęgę elalubo nai sisinani, te Genuai Bidigo be sę yabo nai da. Tama eno te ain me bras hauwa umabo sisinani, te nai dabego sęgę te bidi dabego te skel ebaso usu egobeo. Tama me, eno te ni dabe me masigi dabe sisinani, tiali goli te nago umabo mu ma sao.” Devitgo te po Solomon dali wai dao.

Tuni Bidi Dabego Po Elalubo Buku Deli 22:16

te tama nai dabego haniani nai nigibo koneai bidi hauwa elalubao. Nago sę hodolao, tama te Genuai Bidi nage dali bidaibao,” Devitgo te po wali.

Tuni Bidi Dabego Po Elalubo Buku Si 2:7

“Eno ena bidi meba te Judade me Jerusalemde bidibao. Te polobadu eno aya Devitgo augwali te Godigo bede sę emainogo sa muai bidi dabe meba bidibao. Augwaligo haniani nai dabe nigibo kolesaga koneai dao. Tama tiali goli, eno homugo nago bidi me deli te wiegi yai kolesaga te tobage sę dabe ebo mu koneai bidi dali me tagala palao, te bage augwali dali sę emainogo. Te bidigo te golgo me silva me bras me aingo wiegi yai nai dabe nigibo, me te mama yai me sisi yai name ugwago wiegi yai au yai nai nigibo koneai bidi mu suao. Tama agai te golgo me masigi dabego piksa nigibo koneai bidi sao.

Tuni Bidi Dabego Po Elalubo Buku Si 2:6

Te mu tama, te bidi mego Godigo be sę yabo usu menio. Dago koneani. Dagalu da te genuai bulu mu dao, tiali goli aga te God bidabo usu genuai menio. Tama dego agai be sę ebo usu me egowe? Tama eno me eno agai be sę ebo usu me egobeo. Tiali goli, eno be te wiegi yai denami hano holobo pauda ulabo be sę yaibao, te God bidiboba wiegi yai denami hano holabo pauda ulubo be sę yainogo.”