Tuni Bidi Dabego Po Elalubo Buku Deli 21:6 - Godigo dwagi yai po buku

⁶ Tiali goli Joapgo te kingo aga te mani sęde agai homu wei ebeo, tama tiyu agai te Livai hani dabe dali te Benjamin hani dabe dali si te nedebeo.

Tuni Bidi Dabego Po Elalubo Buku Deli 21:6 Referans Kwoze

Tuni Bidi Dabego Po Elalubo Buku Deli 27:24

Joap, te Seruiago ogwago, te tobage bidi nedebo sę gagalali, tialima agai te sę yali simanobeo. Augwaligo te bidi hani nedebo sę ebaso, Godigo wiegi yai homu pemene isąwani, tama tialima te Israel augwaliba dene mabo sę yalio. Te sę yali pagede naga tama augwaligo te bidi dabego namba te bukude asęsąma, te king Devitgo yali sę po elalubo bukude me asęai menio.

2 Samuel 3:27

Te Apner aselama, te Hebronba sabolali sogo, Joapgo aga sela pelama, te taun genuai sunumi elalubo pąba doligi pelama, tama aga dali te geme po miainu ebo tiwai gilama yai. Tiali goli, augwali si te sunumide dolaluali sogo, Joapgo te aga pęwadage hwą ge selama, tama Apner te haligade enani, tama Apner isalio. Joapgo Apner elali, te Asahel isali te wei ponani, te Joapgo ama dao.

Tuni Bidi Dabego Po Elalubo Buku Deli 21:7

Augwaligo te Israel we bidi dabe nedali sęde Godigo wiegi yai homu pemene isąwai, tama teyu agai te Israel dabeba dwai dene mabo sę yalio.