Tuni Bidi Dabego Po Elalubo Buku Deli 21:14 - Godigo dwagi yai po buku

¹⁴ Tama tialima, Genuai Bidigo dwai gasi te Israel dabe augwaliba tagala palama, tama bidi sese umabo hauwa te 70,000 we bidi isalio.

Tuni Bidi Dabego Po Elalubo Buku Deli 21:14 Referans Kwoze

Tuni Bidi Dabego Po Elalubo Buku Deli 27:24

Joap, te Seruiago ogwago, te tobage bidi nedebo sę gagalali, tialima agai te sę yali simanobeo. Augwaligo te bidi hani nedebo sę ebaso, Godigo wiegi yai homu pemene isąwani, tama tialima te Israel augwaliba dene mabo sę yalio. Te sę yali pagede naga tama augwaligo te bidi dabego namba te bukude asęsąma, te king Devitgo yali sę po elalubo bukude me asęai menio.

Te Israel me Juda Hani Sigo Tuni Bidigo Po Elalubo Buku Si 19:35

Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.

2 Samuel 24:15

Tama tialima, Genuai Bidigo te dwai gasi te Israel dabeba tagala palali, te sogo kigamu digi gagalama, tama agai te dąį ilali bodoluba usu nigi pali. Tama te bidi sese umabo bidi mu, te 70,000 we bidi isali, te tigidali bulu tǫ pedai te Dan hanu te not tǫ pedaiba dąį igi pelama, tama te hanu te saut te Berseba, te tama bulu tǫ pedaiba te gasi usu nigi palio.

1 Samuel 6:19

Te Betsemes taun hanu bidi dabe te bidi sese sela olama, nogo si, te 70 bidi dabego te halobage tomoba tonononalubaso, tama Genuai Bidigo te bidi dabe ela muani. Tama te bulu bidi dabego homugo te Genuai Bidigo augwali dolali da homu elama, tama augwali gela wabo mu geninama wali.

Ma Dobola Sali 12:30

Tama te sogo hulide naga, te tuni bidi aga dali, gavman sę ebo bidi dabe me, tama te Isip we bidi tigidali, augwali hodaloama, te wai dabe isai suai. Tama Isip tǫ tigidali habu badu tigidali we bidi genuai gela ola pali, magi basowe, tigidali be deli delide wai ogwa isasa pai.