Tuni Bidi Dabego Po Elalubo Buku Deli 20:6 - Godigo dwagi yai po buku

⁶ Tama nosali te Get taunde boi me ma dala selama hwįani. Te moni dobo dwai bidi dabede te dobo dwai bidi me deli bidali, te agai dili bobage ugwanu mu holai bidi. Aga nogo deli delide te nogo a naga me deli tama elaluai, te agai sągą me te tiwai elaluali. Agai dani dabe te 24 dao.

Tuni Bidi Dabego Po Elalubo Buku Deli 20:6 Referans Kwoze

2 Samuel 21:20

Tama nosali ma, te Get hanude gasa boi hwįbo ma hodolali. Tama te moni moni genuai bidi dabego te bidi me deli bidali, tama aga te dili bobage bidi mu tama. Te aga nogo dani deli delide te nogo a naga, me badu nogo kibisa deli tama elaluai, tama aga sągą dabe me te tiwai naga elaluali. Aga nogo sągą dani te bidi sese deli olama, me si me si elaluai.

2 Samuel 21:16

Tama te Filistia bidi me deli, aga nogi te Isbibenop, agai te Devit ela muainu yali. Isbibenop te moni moni bidi dabede te bidi me deli aga da. Te agai ene tobolu bobage, augwaligo te brasgo nigai, tama te brasgo sęgę te sela olama, me badu pedai, te tri hap kilogram usu tama. Tama Isbibenopgo te gesi bainat me te kukulude gedelai elaluai.

Tuni Bidi Dabego Po Elalubo Buku Deli 20:5

Tama me sogo ma te Israel dabe augwaligo te Filistia dabe dali ma hwįani. Tama Elhanan, te Jairgo ogwago, te Lami ela muani, te Goliatgo ama te Get taun bidi da. Te Lamigo sesemone ene te genuai mu te ugwa hobolobo masin lum ain dili tiwai dao.

Tuni Bidi Dabego Po Elalubo Buku Deli 20:7

Te bidigo te Israel dabe augwaliba posobo po wali, tama te Jonatan, te Samago ogwa, te Devitgo amago ogwago, aga ela muanio.