Tuni Bidi Dabego Po Elalubo Buku Deli 20:5 - Godigo dwagi yai po buku

⁵ Tama me sogo ma te Israel dabe augwaligo te Filistia dabe dali ma hwįani. Tama Elhanan, te Jairgo ogwago, te Lami ela muani, te Goliatgo ama te Get taun bidi da. Te Lamigo sesemone ene te genuai mu te ugwa hobolobo masin lum ain dili tiwai dao.

Tuni Bidi Dabego Po Elalubo Buku Deli 20:5 Referans Kwoze

2 Samuel 21:19

Tama gasa sogo ma, te Israel dabego te Filistia dabe dali te bulu Gopde hwįani. Tama Elhanan, te Jareoregim te Betlehem bulu bidigo ogwago te Get hanu bidi Goliat ela muani. Te Goliatgo enego bobobage te ugwa hobolo masin ba te genuai tiwai dao.

1 Samuel 22:10

Tama Ahimelekgo te Genuai Bidiba hanalu, te Devitgo aga mena sunumi wali pomainu ebo po wai. Tama prisgo te nai meba siyu, te Goliatgo bainat hwą me selama, tama Devitba mawai,” wali.

1 Samuel 21:9

Tama Ahimelekgo agabolo te po wai, “Eno te bainat hwą deli naga munalubao. Te Goliatgo bainat, te Filistia nago te Ela bulu odogode elali. Augwaligo te name ugwago mesegelama, tama te prisgo name ugwa elalubo madi te tudi badu munalubao. Te nago sabo homu ebaso da, nago te bainat sao.” Tama Devitgo te po wai, “Ena mao. Te bainat wiegi yai mu tama. Te gasa bainatgo te bainat aiyaba me elalubeo,” wali.

1 Samuel 17:7

Te sesemone te genuai mu, te ugwa hobolobo masin moni ba ain dili tiwai. Tama poai yali te enego gąų te augwa aingo nigai. Tama te aingo sęgę te 7 kilogram tama elaluai. Tama ami bidi me deligo te Goliatgo hwįbo sabele tolama, tama aga asobodu polasa pai.

1 Samuel 17:4

Te sogo te hwįbo bomai bidi me deli, augwa te Goliat nogi yali, te Get taun bidi, aga te Filistia ami dabe bidibo pesage taga soyu aselama, te pepeli diliba hania dolagaselama, tama te Israel dabego aga suali. Te aga bobage usu te 3 mita pąde tama.

Tuni Bidi Dabego Po Elalubo Buku Deli 11:23

Te gasa me sogo agai te moni dobo dwai Isip bidi me deli ela muani. Te Isip bidigo tigi bobobage usu nama te 2 mita, te bobage bidi mu da. Te Isip bidigo sesemone te genuai mu da. Te sesemone sigi te genuai, te ugwa hobolobo masin lum dili tiwai da. Tiali digi Benaiago te ni tigi dage selama, te Isip bidi pąba pelama, aga dali hwįani. Tama Benaiago te bidigo sesemone dobola selama, tama aga te aga sesemonego digi aga ma ela muai dao.

Tuni Bidi Dabego Po Elalubo Buku Deli 20:6

Tama nosali te Get taunde boi me ma dala selama hwįani. Te moni dobo dwai bidi dabede te dobo dwai bidi me deli bidali, te agai dili bobage ugwanu mu holai bidi. Aga nogo deli delide te nogo a naga me deli tama elaluai, te agai sągą me te tiwai elaluali. Agai dani dabe te 24 dao.