Tuni Bidi Dabego Po Elalubo Buku Deli 2:12 - Godigo dwagi yai po buku

¹² tama Boas te Obetgo aya da, tama Obet te Jesigo aya dao.

Tuni Bidi Dabego Po Elalubo Buku Deli 2:12 Referans Kwoze

Polgo Po Pas Rom Dabeba Asęani 15:12

Tama te Juda hani isąwai bagede te polobadu Godigo po pusali bidi Aisaiago me te po wai, “Te gelali ni pedalide te ni koliama holobo tiwai gilama tama te bidi me deli te Jesigo hanide pedalaibao. Tama te bidi Godigo te gasa hani we bidi tonalubo bidi nigilaibao. Tama nigilama, tama augwaligo agade augwa homu tialuama, tama dwagi yai homu eyu, agai augwalibolo nosali yabo sę ebo tonaluaibao,” te Godigo po polobadu pusali bidi Aisaiago te po asęani.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Tuni Bidi Dabego Po Elalubo Buku Deli 10:14

tama agai Genuai Bidiba hanaluama te agabolo ola momainogo ebeo. Tibaso, Genuai Bidigo aga ela munama, tama Devit, te Jesigo ogwa, te king pedelai dao.

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

Godigo Sęba Tagala Palai Bidigo Po 13:22

Tama tilama, Godigo Sol hasegelama, Devit te moni genuai gavman bidi nigilama bidali. Tama Godigo te po Devitde wai, ‘Megi eno te bidi Devit sualio, te bidi Jesigo ogwa, eno agade dwagi yai homu ebao. Nosali eno sę tigidali agai yaibao,’ Godigo te po wai.

Dwagi Yai Gesi Po Lukgo Asęani 3:32

Devit aga aya Jesi, Jesi aga aya Obet, Obet aga aya Boas, Boas aga aya Salmon, Salmon aga aya Nason.

Matyu 1:5

Tama Salmongo ogwa Boas, tama Boas aga ida te aga Rahap. Tama Boasgo ogwa Obet, tama Obet aga ida te Rut.

Tuni Bidi Dabego Po Elalubo Buku Deli 2:11

Tama Nason te Salmongo aya, tama Salmon te Boasgo aya da,

Tuni Bidi Dabego Po Elalubo Buku Deli 2:13

Jesigo ogwa nogo a naga olama, me badu nogo si tama bidali. Gomunai ogwa Eliap, si wali ogwa Aminadap, sela ogwa wali Simea, aga gasa nogi me Sama dao.