Tuni Bidi Dabego Po Elalubo Buku Deli 19:9 - Godigo dwagi yai po buku

⁹ Tialima te Amon dabe te taun Raba bagulali genuai obo sunumi pąde dolaluali, te augwaligo genuai taun da. Te Siria king ami bidi dabe aselama, te Amon dabe tau sagasali, te augwali te kala bulu badu dolaluali. Tama tigidaligo te Israel dabe dali boi hwįainu sisi elaluai dao.

Tuni Bidi Dabego Po Elalubo Buku Deli 19:9 Referans Kwoze

Joel 2:5

Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.

Jeremaia 50:42

Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Aisaia 28:6

Genuai Bidigo te po tų odobo bidi dabebolo wiegi yai kolesaga menama, tama augwaligo po tų bugagia osola sueibao. Tama agai te hanude ami bidi dabe bomo mawaibao. Tama augwaligo te boi bidi dabe te hanu tomoba we bidi dabe dali hwįagasomainu sula tagalogobeo.

Tuni Bidi Dabego Po Elalubo Buku Si 14:10

Augwali polo sabolagasai madi, king Asa aga ami bidi dabe dali hogodama, augwali hwįainu pali. Te Juda dabe augwali te taun Maresa pąba saboligi pali, tama augwaligo te Serago ami bidi dabe augwaligo te odogo malu bulu te augwali nogi Sefata wabo bulude suali. Tama te ami bidi hani si tama dolaluyu boi hwįabo kegaluali.

Tuni Bidi Dabego Po Elalubo Buku Si 13:3

Abiyago 400,000 bomai ami bidi selama, tama augwali Israel dabe dali hwįgi pali. Tama Jeroboamgo 800,000 bomai ami bidi sali, te augwali boi hwįbo mu konea pai bidi dabe mu, tama augwali Juda dabe dali hwįainogo asali.

Te Israel me Juda Hani Sigo Tuni Bidigo Po Elalubo Buku Deli 20:24

“Tama me nago te king dabe sela sąwaibao, te augwaligo nago ami bidi dabe munu ma tonalugobeo, te nago te ami bidi soldia dabe tonalumainu yabo ofisa bidi dabe muagameo.

Te Israel me Juda Hani Sigo Tuni Bidigo Po Elalubo Buku Deli 20:1

Te Benhadat, te Siria king bidi, te aga ami bidi soldia dabe tigidali sisinama, te Israel dabeba boi hwįgi painogo sisi ilali. Tama te bidi sese deli olama, nogo si olama si, 32 gasa king bidi te augwa hos hani dabe me, te boi hwįbode kegasa pabo karis me selama, te aga tau sagasainu yalio. Tialima, tigidali pelama, te Samaria taun bagua sigi pelama, te Israel dabeba boi hwįainu elalualio.

2 Samuel 18:4

Tama kingo po wei ponoyu, te tama wai, “Te usu dao, eno te dagego homu wali pabo homu elalubao.” Tama Devit te taun bagulali genuai obo pąde dolalu, tama agai te ami hani dabe te nogo sągą sąyu, te mas ela peyu, te buluba soabo suai. Te ami bidi dabe te 1,000 bidi hanidu, me 100 bidi hanidu wasiasa soalio.

2 Samuel 10:8

Tialima, te Amon dabe te augwa genuai hanu taun, te Raba, te masigigo bagulali obo te tomoba pabo sunumi elalubo pąde te sisinama dolaluali. Tama te Siria dabe me, te Top dabe me, te Maka dabe augwali te kala sili elalubo pesagede wasilama, sisinama bidaluali. Tama tigidaligo te Israel dabe dali hwįainu sisi elalualio.

1 Samuel 17:2

Tama Sol dali, te aga ami bidi Israel dabe dali pelama, te Ela bulu odogoba sisinama, tama bidabo pesage nigai. Augwali te bulude bidalu, tama augwa te Filistia dabe dali hwįainu sisi elama bidali.

Tuni Bidi Dabego Po Elalubo Buku Deli 19:8

Devitgo odali, te Amon dabe augwaligo te ami bidi dabe sisinibo po odama, tama agai Joap dali, te Israel ami bidi dabe dali, te boi hwįgi pomainu tagala palalio.

Tuni Bidi Dabego Po Elalubo Buku Deli 19:10

Joapgo te boi bidi dabe sulama agai koneani, augwaligo te Israel dabeba si badu hwįainu elalubo koneanio. Tama agai te wiegi yai bomai ami dabe meba dąį ilama, tama augwali te kala bulu pesage badu dolalubo bage pąbadu wasilali. Tama aga digi augwali tonaluai dao.