Tuni Bidi Dabego Po Elalubo Buku Deli 19:7 - Godigo dwagi yai po buku

⁷ Augwaligo Hanunba te boi hwįbo nai karis te bidi sese hauwa 32,000 manio. Tama me, te Maka taun king bidi aga ami dali asu, te Hanun tau sagasainu yali, tama augwa bidabo pesage te taun Medeba pąba sili nigilama bidagasalio. Te Amon ami bidi dabe me augwa te taun dabe tagalama, te augwali asama, te Israel dabe dali boi hwįainu sisi elaluai dao.

Tuni Bidi Dabego Po Elalubo Buku Deli 19:7 Referans Kwoze

Josua 13:9

Te augwaligo sali tǫ te Arnon odogo tǫ sesegede elalubo bulu nogi Aroer, tedu gagalama, tama te odogo tomode elalubo hanu ela soayu, tama te Medeba dabego dolo elalubo tǫdu pelama, te Dibon tǫba usu nigi palio.

Israel Hanigo Namba 21:30

Tiali goli, megi da, dago augwali polo enani dao, te Hesbon hani bidi me, te hanu Dibon hani bidi me. Dago augwali mu dolama, taga pelama, te hanu Nofaba usu nigi pali, te hanu Medeba pąba.” Te tęąbi po wabo bagego tama tęąbi po wai dao.

Josua 13:16

Te augwaligo hanu tǫ pedai te Arnon odogo tǫ sesegede elalubo bulu nogi Aroer tede gagalama, tama te odogo tomode elalubo hanu ela soayu, tama te Medeba dabego dolo elalubo tǫ tigidali tedu pelama,

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Tuni Bidi Dabego Po Elalubo Buku Si 14:9

Te Asa aga te Juda bulude king bidi bidibadi, te Sera te kantri Sudan bidigo aga ami bidi hauwa mu selama, tama kantri Judaba boi hwįainu asali. Te Serago ami bidi dabego namba te 1,000,000 dao, tama hwįabo karis te 300 tama elaluali. Augwali aselama, te taun Maresaba sabolagasali.

Tuni Bidi Dabego Po Elalubo Buku Deli 18:4

te boi hwįani digi augwali aiyaba elaluali. Tama Devitgo te Hadatesergo ami bidi dabe umabo salio. Agai te 20,000 ami bidi sobadi, te hosde dugulama hwįbo ami bidi umabo te 7,000 bidi sali. Tama Devitgo te hwįbo karis bidi sese umabo te 1,000 sobadi, te hwįbo karis kekebo hos 100 salio. Tialima Devitgo te gasa hos dabe sągą meba dolai madi te augwali bomona pabo usu isąwai.

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

Te Israel Tobolu Bidi Dabe 4:3

Jabin agai hwįbo nai te bidi sese hauwa 900 te karis ain elaluai. Tama agai te Israel dabe dodolama mu tolaluali, tama augwali subigila eliyu, tama doliyu idubadi, te kibu be bidi sese deli bidai. Tama te Israel dabe augwali tau somainu te Genuai Bidiba gela wali.

Ma Dobola Sali 14:9

Te Isip ami bidi dabego karis elaluai, tama te ami bidi dabe augwali te hosde duayu, tama ami bidi dabe meba tǫdu pali, tama augwali tigidaligo te Israel hani augwali pobeasa peyu, pai. Tama augwali te Israel bage bidibo pąba pedelai, te mama tamu ąį sesegede, te Pihahirot bulu pąde, te Balsefon bulu dolo si elaluali, tede pedelai.

Tuni Bidi Dabego Po Elalubo Buku Deli 19:8

Devitgo odali, te Amon dabe augwaligo te ami bidi dabe sisinibo po odama, tama agai Joap dali, te Israel ami bidi dabe dali, te boi hwįgi pomainu tagala palalio.