Tuni Bidi Dabego Po Elalubo Buku Deli 19:6 - Godigo dwagi yai po buku

⁶ Te Amon dabe augwaligo koneani, augwaligo te yali kolesagago Devitgo haliga dwai posolo mu ilali homu yai. Tama tibaso Hanun dali aga hani dabego te Mesopotemia dabeba, me te Siria dabe te tǫ kantri Makade bidali bidi haniba, me te tǫ pedai Soba te augwaliba te boi hwįbo karis dabe meba me ami bidi meba badi te aga tau somainu hanalu wali, te hos dabede dualama hwįbo ami bidi dabe me, te aga tau sao wali. Tama Hanungo te silva hauwa tolali, te aga sęgę te bidi sese umabo 35,000 kilogram usu dao, te kantriba tolali, te ami bidi dabe me te karis dabe dali abeliyu yalio.

Tuni Bidi Dabego Po Elalubo Buku Deli 19:6 Referans Kwoze

Tuni Bidi Dabego Po Elalubo Buku Deli 18:9

King Toi te tǫ kantri Hamat bidigo odali, te Devitgo te king Hadatesergo ami bidi dabe aiyaba elaluali po odai, te Soba taun king dao.

Tuni Bidi Dabego Po Elalubo Buku Deli 18:5

Te sogo te Siria dabe te bulu taun Damaskusde bidali, augwali hogodama peyu, te king Hadateser tau selama te boi hwįani. Tialima, Devit te aga ami bidi dali augwaligo te Siria ami bidi umabo te 22,000 bidi ela muanio.

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

1 Tesalonaika 4:8

Tama tibaso, e po odolama ela pabo bidi, te bidi agai e tǫde bidigo po naga tudiba mubeo. Te bidi agai Godigo po odolama ela peyu, aga tudiba muani bidi dao. Te God agai naga dagebolo te Dwagi Yai Mobo Bidi mani God da, te Mobo Bidi agai dagebolo mani, dage Godigo we bidi mu bidimainogo.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Godigo Nogi Ugwaba Sabo Tęąbi Po Wabo Buku Dabe 46:9

Agai te tigidali tǫ pedai badu te hwįbo togolobo dao. Agai te tigidali enesigi me ene togolama, tama te sabele dabe te siaba ulubadi ebo dao.

Godigo Nogi Ugwaba Sabo Tęąbi Po Wabo Buku Dabe 14:3

Tialima, menio. Tigidali augwaligo dwagi yai tų wali pabo tagalai. Tigidali tiwai naga yai, augwali dwai bidi mu pedelai dao. Tama augwali me deligo dwagi yai kolesaga me ebeo. Mu menio.

Tuni Bidi Dabego Po Elalubo Buku Si 27:5

Tama nosali, Jotamgo aga ami bidi dabe dali augwali te Amon dabe king dali aga ami bidi dabe dali boi hwįgi pali. Tama Jotamgo ami bidi dabego Amon dabego ami bidi dabe aiyaba mu elaluali. Tialima Jotamgo Amon dabebolo agabolo takis mao po wali. Tama te kibu bede augwaligo agabolo te 3,400 kilogram silva mani, me 1,000 ton sęgę wit, me 1,000 ton sęgę rais bali agabolo mani. Tama te deli tiwai takis te namba 2 kibu bede me namba 3 kibu bede me mani.

Tuni Bidi Dabego Po Elalubo Buku Si 25:6

Tama me agai 100,000 wiegi yai ami bidi dabe te kantri Israelde sali. Agai augwali silvago abelali, te silvago sęgę te 3,000 kilogram edelai dao.

Tuni Bidi Dabego Po Elalubo Buku Si 18:9

King Ahap me king Jehosafat augwali si kingo ugwa aulama tama augwali si augwa sia kingde dulaluali. Augwaligo augwali sigo sia king te Samaria taun sunumi bulu badu muai. Te bidi dabego wit dabe dili dabe sela sąnama, tubo nai dabe sabo malu tǫ dolaba pai bulu me delide. Tama tigidali profet sibigo profet po te king siba pusuduali, te king si pagede.

Tuni Bidi Dabego Po Elalubo Buku Si 18:5

Tama tialima Ahapgo profet sibi i olama asao po wali. Te 400 profet sibi augwali sabolagasali, tama Ahapgo augwalibolo e tama po hanalu wali, “Dago te hanu Ramot ma sainogo boi hwįgi pabo usu yaibawe, ma meniwe?” Tama augwaligo te po wei ponoyu, e tama po wali, “Te usu dao, nage pagameo. Godigo nage tau selama, nago ugwaba ela holaibao,” wali.

Tuni Bidi Dabego Po Elalubo Buku Si 18:3

Tama Ahapgo Jehosafatbolo e tama po walali, “Eno taun Ramot sainogo boi hwįgi painogo ebao. Nage ena dali asaibawe, ma meniwe?” Tama Jehosafatgo te po wei ponoyu, e tama po wali, “Eno nago homu kolesaga wali pabo homu usu elalubao. Tama eno ami dabego nage tau sabo homu no munalubao.

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

1 Samuel 27:12

Tialima, Akisgo te Devitba homu kęą peyu, tama tiwai homu yali, ‘Agai te Israel dabeba hwįgi peyu, te aga abagi dabeba digi hwįgi poba,’ homu elama, ‘tama tibaso, augwaligo aga wei ebo homu meni yani. Megi da, te agai ena tau siyu, tama eno sę sesemane sogo yaibao,’ te po wai dao.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 13:4

Te bidi dabego te tiwai po augwalibolo wali, Solgo te Filistia hani ami bidi dabe aiyaba elalubaso, tama megi da, te tigidali Filistia dabego te Israel dabe dali boi bidi ebao. Tialima, te bidi dabego te po odama, tama augwali Sol dali te Gilgal buluba sisinagasai.

Ma Dobola Sali 5:21

Tama augwaligo te bidi si dali te po wai, “Dena homugo te Genuai Bidi Yawego dage sigo kolesaga osola suao, tama Genuai Bidi agai dage sibolo dene mawaibao, magi basowe, dage sigo te tuni bidi dali, te aga tobolu bidi dabe dali, augwaligo da te dwai nai tiwai mu, te homu ebo dage sigo ilalio. Te tuni bidigo da elemainogo dage sigo tų nigibao,” te po wai.

Tuni Bidi Dabego Po Elalubo Buku Deli 19:5

Tialima te bidi dabe augwali hale mu ebaso, te augwa buluba ma begasa pabo hagela homu yalio. Hanungo te tama kolesaga Devit agai hani bidi dabeba yali po odali sogo, agai te tiwai po te bidi dabeba ola tolalio, “Dage te Jerusalemba polo asabo te moni homu igio. Menio. Dage te Jerikode bidalu, te dagego penane nisi ma holobo sogoba usu nao, tama nosali dage ma asiagameo,” te po wai dao.