Tuni Bidi Dabego Po Elalubo Buku Deli 18:5 - Godigo dwagi yai po buku

⁵ Te sogo te Siria dabe te bulu taun Damaskusde bidali, augwali hogodama peyu, te king Hadateser tau selama te boi hwįani. Tialima, Devit te aga ami bidi dali augwaligo te Siria ami bidi umabo te 22,000 bidi ela muanio.

Tuni Bidi Dabego Po Elalubo Buku Deli 18:5 Referans Kwoze

Tuni Bidi Dabego Po Elalubo Buku Deli 19:6

Te Amon dabe augwaligo koneani, augwaligo te yali kolesagago Devitgo haliga dwai posolo mu ilali homu yai. Tama tibaso Hanun dali aga hani dabego te Mesopotemia dabeba, me te Siria dabe te tǫ kantri Makade bidali bidi haniba, me te tǫ pedai Soba te augwaliba te boi hwįbo karis dabe meba me ami bidi meba badi te aga tau somainu hanalu wali, te hos dabede dualama hwįbo ami bidi dabe me, te aga tau sao wali. Tama Hanungo te silva hauwa tolali, te aga sęgę te bidi sese umabo 35,000 kilogram usu dao, te kantriba tolali, te ami bidi dabe me te karis dabe dali abeliyu yalio.

Tuni Bidi Dabego Po Elalubo Buku Deli 18:3

Tama nosali, Devit aga ami bidi dabe dali augwa te Hadateser dali boi hwįgi pali, aga te Soba king bidi da. Soba te Siria hani dabego tǫ kantri me deli da, tama te tǫ kanrti Hamat pąde elaluai. Te sogo Hadatesergo aga ami bidi dabe selama, te wę Yufretis u badu pedai badu pabo sę yali, te boi hwįnama te tǫ sai hagede yali. Tama Devitgo hanigo augwali dali deliba gesabi unulama,

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

Tuni Bidi Dabego Po Elalubo Buku Deli 18:4

te boi hwįani digi augwali aiyaba elaluali. Tama Devitgo te Hadatesergo ami bidi dabe umabo salio. Agai te 20,000 ami bidi sobadi, te hosde dugulama hwįbo ami bidi umabo te 7,000 bidi sali. Tama Devitgo te hwįbo karis bidi sese umabo te 1,000 sobadi, te hwįbo karis kekebo hos 100 salio. Tialima Devitgo te gasa hos dabe sągą meba dolai madi te augwali bomona pabo usu isąwai.

Tuni Bidi Dabego Po Elalubo Buku Deli 18:6

Tama Devitgo aga ami bidi hani dabe meba te tǫ kantri Siriade muani, te augwali tonalu, te augwaligo boi ma hwįdali weyu yalio. Te Siria dabe aga dologode bidu, te Devitba takis mone manio. Te tigidali habuba Devitgo boi hwįgi pabode, Genuai Bidigo aga tau sobaso, te agai bomo ugwanu mu yai dao.

Godigo Nogi Ugwaba Sabo Tęąbi Po Wabo Buku Dabe 60:2

Nago dago tǫ mali emainu ilama, tama nago te alumainu elama, tama genuai tǫ dedage pedelalio. Megi da, te tǫ mu dolainu ebao. Tialima, nago ma dodolao.