Tuni Bidi Dabego Po Elalubo Buku Deli 18:4 - Godigo dwagi yai po buku

⁴ te boi hwįani digi augwali aiyaba elaluali. Tama Devitgo te Hadatesergo ami bidi dabe umabo salio. Agai te 20,000 ami bidi sobadi, te hosde dugulama hwįbo ami bidi umabo te 7,000 bidi sali. Tama Devitgo te hwįbo karis bidi sese umabo te 1,000 sobadi, te hwįbo karis kekebo hos 100 salio. Tialima Devitgo te gasa hos dabe sągą meba dolai madi te augwali bomona pabo usu isąwai.

Tuni Bidi Dabego Po Elalubo Buku Deli 18:4 Referans Kwoze

2 Samuel 8:4

tama te hwįnama, te augwali aiyaba elaluali. Tama Devitgo te Hadatesergo ami bidi dabe hauwa sai. Agai te ami bidi te bidi sese hauwa, 20,000 sali, tama te hosde dualama hwįbo ami dabe te 1,700 bidi sobadi yai. Tama me, Devitgo te hwįbo side te karis dabe kegabo hos dabe te bidi sese a naga, 100 sali. Tiali goli, Devitgo te gasa hos dabego sągą gabulu kigibili dabe dolama, tama augwali te bomo elama bilabo usu meni yai.

Godigo Nogi Ugwaba Sabo Tęąbi Po Wabo Buku Dabe 20:7

Te meba hanigo hagoma eyu, te hwįbo karis dabeba homu muani, tama gasa hani mebago te augwa hos dabeba homu muani. Tiali goli, dago te dena God Genuai Bidiba, Godiba, konealubo homu dąų wabo dao.

Te Israel me Juda Hani Sigo Tuni Bidigo Po Elalubo Buku Deli 10:26

Te sesemane sogo Solomongo te hwįabo karis dabe, me te aga ami dabego hos dabe sabo sę yali. Tama agai te karis dabe me, te hos me, te hanu meba dabeba munama, te agai augwali tonalumainu sa muani hanuba te augwali muani, tama meba aga dali te Jerusalemde bidali. Agai te hwįbo karis te 1,400, me te hos 12,000 me tama elaluali.

Te Israel me Juda Hani Sigo Tuni Bidigo Po Elalubo Buku Deli 4:2

Te aga polalubo ofisa bidi dabe te tama tiwai elaluai: Asaria, te Sadokgo ogwa, aga te pris bidai.

Josua 11:9

Tama Josuago augwaligo hwįbo nai hos sągą genuai kigibili togobadi, te augwaligo karis dabe me siaba ulubadi yali, te Genuai Bidigo agabolo wali gilama tama tiai.

Josua 11:6

Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

Bomai Po 17:16

Te tuni bidi dolo siyu, tama agai ami bidigo hos kibu hauwa me selamo dao. Tama agai te bidi dabe te hos abelemainogo Isipba tagala palamuo. Magi baso meni, God Genuai Bidigo te po wai dao, ‘Eno we bidi te Isip buluba ma pelamuo,’ po wai dao.

Tigidali Nai Gagalama Nigali Side 49:6

Eno te augwali sigo geme ebo sęde te eno usu da po me wagobe. Ena te augwali si sisinama bidibo pesagede me bidigobeo, magi baso meni, te augwali sigo te wado ebo sogo te bidi dabe ela muyu yali. Tama hagoma eyu, augwali sigo te dodolama bilibo kolesagago te bulmakau sągą babi kigibili tologobo da.

Tuni Bidi Dabego Po Elalubo Buku Deli 18:3

Tama nosali, Devit aga ami bidi dabe dali augwa te Hadateser dali boi hwįgi pali, aga te Soba king bidi da. Soba te Siria hani dabego tǫ kantri me deli da, tama te tǫ kanrti Hamat pąde elaluai. Te sogo Hadatesergo aga ami bidi dabe selama, te wę Yufretis u badu pedai badu pabo sę yali, te boi hwįnama te tǫ sai hagede yali. Tama Devitgo hanigo augwali dali deliba gesabi unulama,

Tuni Bidi Dabego Po Elalubo Buku Deli 18:5

Te sogo te Siria dabe te bulu taun Damaskusde bidali, augwali hogodama peyu, te king Hadateser tau selama te boi hwįani. Tialima, Devit te aga ami bidi dali augwaligo te Siria ami bidi umabo te 22,000 bidi ela muanio.