Tuni Bidi Dabego Po Elalubo Buku Deli 18:14 - Godigo dwagi yai po buku

¹⁴ Devitgo te tigidali Israel habu badu tonalu, te wiegi yai doloba pai kolesaga tigidali we bidiba yalio.

Tuni Bidi Dabego Po Elalubo Buku Deli 18:14 Referans Kwoze

Jeremaia 33:15

Te sogo eno te wiegi yai bidime deli te Devitgo hanide pedelaibao, te ni nologode gesini hogodo holobo tiwai yaibao. Tama te bidigo wiegi yaidoloba pai kolesaga mu te tǫde we bidi tigidaliba yaibao.

Godigo Nogi Ugwaba Sabo Tęąbi Po Wabo Buku Dabe 89:14

Nage te king bidiyu, tama nago te we bidi dabe doloba pai kolesagade tonalubao. Tama nago po tų dolo naga ebao. Nago te tigidali we bidi wei mu elama, tama nago naga po sesemane wali peyu yali, tama nago po hasegelama eyu, me egobeo. Te tobage kolesaga ebo da, te nago naga we bidi tonalubo sę page mu dao.

Jeremaia 22:15

“King, nago te ni nami sida hauwa elalu, tama tego nage te wiegi yai king pedelaiba homu eba, agawe? Nago aya aga te nai me ąį tuyu, pemene yali. Tialima, agai doloba pai kolesaga te we bidi dabeba yalio. Tama tibaso, aga bidali wiegi yai yai dao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Tuni Bidi Dabego Po Elalubo Buku Deli 12:38

Te ami bidi dabe augwaligo te augwa boi hwįabo nai dabe dali seseyu, te Hebronba sabolalio. Augwaligo deli homu naga elaluali, te tigidali Israel pedai badu te Devit king pedalumainao homu naga yali. Te tigidali gasa Israel dabego me te tobage deli homu naga yai dao.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.

Tuni Bidi Dabego Po Elalubo Buku Deli 18:13

Tama Abisaigo te Idom bidi hani dabe tonaluabo ami bidi dabe meba muani, tama te Idom dabe augwali Devit dologode bidalio. Te Devitgo boi hwįgi pabo tigidali habuba, te Genuai Bidigo aga tau sobaso, aga ugwanu igulama elaluai dao.

Tuni Bidi Dabego Po Elalubo Buku Deli 18:15

Joap, te Seruiago ogwa, te ami bidi dabego augwa polalubo ofisa bidi bidali. Te Jehosafat, te Ahilutgo ogwa, te polalubo kuskus bidi bidiyu, te gavmango buku dabe tonalubo bidi bidai dao.

Tuni Bidi Dabego Po Elalubo Buku Deli 29:26

Te Devit, Jesigo ogwa, aga te tigidali Israel tǫ pedai kantri badu king bidai dao.

Godigo Nogi Ugwaba Sabo Tęąbi Po Wabo Buku Dabe 72:1

God, nago te king doloba pai kolesaga bugagia ola mao. Tama agai te we bidi dabe po tųde bugagia dagalumainao. Nago po tų te doloba pai naga ebo dao, tama nago te king tau sobaso da, teda agai me te doloba pai po tų emainao.